თანამედროვე “რომეო და ჯულიეტა“? - აშშ-ში, უნივერსიტეტის საერთო საცხოვრებელში ქალ-ვაჟის ცხედრები ნახეს: ერთი ვერსიით, მათ სიყვარულს ოჯახის წევრები ეწინააღმდეგებოდნენ

აშშ-ში, ჰიუსტონის შტატის “რაისის“ უნივერსიტეტის საერთო საცხოვრებლის ოთახში ორი ადამიანის ცხედარი აღმოაჩინეს. უნივერსიტეტის სპიკერის თქმით, სავარაუდოდ, ეს მკვლელობა და შემდეგ, თვითმკვლელობა იყო.

როგორც nytimes წერს, ერთ-ერთი გარდაცვლილი უნივერსიტეტის სტუდენტი გოგონაა, რომელიც ჯონსის კოლეჯის საერთო საცხოვრებელში ცხოვრობდა. მეორე გარდაცვლილი, სავარაუდოდ, უნივერსიტეტის სტუდენტი არ იყო - სწორედ მას ჰქონდა ცეცხლსასროლი იარაღი.

სტუდენტებისთვის გაგზავნილ გამაფრთხილებელ შეტყობინებაში, გოგონას ვინაობა დასახელდა. მისი სახელი და გვარია ანდრეა როდრიგეს ავილა.

ცხედრები ორშაბათს, ნაშუადღევს მას შემდეგ აღმოაჩინეს, რაც “რაისის“ უნივერსიტეტის უსაფრთხოების სამსახურმა საერთო შემოწმება ჩაატარა. როგორც უწყებამ მოგვიანებით განმარტა, არ ჩანდა ოთახში ძალით შეღწევის და რაიმე სხვა ძალადობის ამსახველი მტკიცებულება.

ადგილზე გამოძიების პროცესი რამდენიმე საათის განმავლობაში მიმდინარეობდა. უნივერსიტეტმა განგაში საღამოს 7 საათზე გააუქმა.

• თანამედროვე “რომეო და ჯულიეტა“

Nbcnews შემთხვევის დეტალებზე წერს. როგორც ადგილობრივებმა და სტუდენტებმა განაცხადეს, გარდაცვლილები ერთმანეთს ხვდებოდნენ.

ქალი - ანდრეა როდრიგეს ავილა, მერილენდიდან იყო. პოლიციის უფროსის თქმით, გოგონას ოჯახის წევრები შეშფოთებულნი იყვნენ, რადგან მას ვერ უკავშირდებოდნენ, რის გამოც ოფიცრებს როდრიგესის მოძებნა სთხოვეს.

პოლიციამ აღმოაჩინა, რომ მან ორშაბათს ერთი გაკვეთილი გამოტოვა. მივიდნენ შესამოწმებლად და სწორედ მაშინ იპოვეს ცხედრები.

ადგილზე იპოვეს ანდრეა როდრიგესის ჩანაწერებიც (დღიური), რომლის მიხედვითაც დაასკვნეს, რომ წყვილს "პრობლემური ურთიერთობა ჰქონდა“.

"ისინი ხვდებოდნენ", - თქვა მან.

დეტექტივების აზრით, გოგონა ცეცხლსასროლი იარაღით მიყენებული ჭრილობის შედეგად გარდაიცვალა. სავარაუდოდ, მას მამაკაცმა ესროლა და შემდეგ თავი მოიკლა. გარდაცვლილი მამაკაცის ვინაობა არ სახელდება, შესაძლოა, ის ფლორიდადან იყოს.

შემთხვევის შემდეგ, “რაისის“ უნივერსიტეტის პრეზიდენტმა რეჯინალდ დესროჩესმა პრესკონფერენციაზე სტუდენტებს მიმართა:

“მინდა, რომ ჩვენმა სტუდენტებმა, მშობლებმა და რაისის საზოგადოებამ იცოდეს, რომ რაისის კამპუსი უსაფრთხოა, არ არსებობს არანაირი საფრთხე,“ - განაცხადა დესროჩესმა.

ერთ-ერთი ვერსიით, ქალ-ვაჟის სასიყვარულო ერთიერთობას არ მიესალმებოდნენ წყვილის ოჯახის წევრები. ისინი წლების განმავლობაში ერთმანეთთან იყვნენ დაპირისპირებულები. სწორედ ამიტომ, ახალგაზრდები პირადი ცხოვრების დეტალებს მალავდნენ.

თუმცა, რა გახდა მკვლელობის და შემდეგ თვითმკვლელობის ზუსტი მიზეზი, უცნობია.

“თანამედროვე რომეოს და ჯულიეტას ამბავია“, - ასე აფასებენ ინტერნეტის მომხმარებლები ტრაგიკულ შემთხვევას.