მძიმე ღამე ისრაელში და “ჰეზბოლას“ შურისძიება - ქვეყანამ ფართომასშტაბიანი სარაკეტო შეტევა მოიგერია, არიან დაშავებულები: რას აანონსებს ბენიამინ ნეთანიაჰუ? (ფოტო/ვიდეო)
ინტერნეტში გავრცელდა კადრები, სადაც “ჰეზბოლას“ მიერ, ისრაელზე განხორციელებული მასიური სარაკეტო თავდასხმაა ასახული. გავრცელებული ინფორმაციით, დარტყმები მათი ჯგუფის ლიდერის - ფაუდა შუკრის გარდაცვალების საპასუხოდ მოხდა.
IDF-მა უკვე დაიწყო პრევენციული დარტყმა ლიბანზე. ისრაელმა მომდევნო 48 საგანგებო მდგომარეობა გამოაცხადა.
- ირანის მიერ მხარდაჭერილი ლიბანური დაჯგუფება “ჰეზბოლა“ აცხადებს, რომ ისრაელის მიმართულებით 320-ზე მეტი რაკეტა გაისროლა და ამით ისრაელის წინააღმდეგ თავდასხმის პირველი ფაზა დასრულებულია. ათი მტკიცებით, ჩრდილოეთ ისრაელში მდებარე 11 სამხედრო ობიექტს “კატიუშას“ ასობით რაკეტით შეუტიეს.
“ისრაელის წინააღმდეგ თავდასხმის პირველი ფაზა დასრულებულია. ეს არის ისრაელის ყაზარმებისა და ტერიტორიების დამიზნების ფაზა“, - აღნიშნულია “ჰეზბოლას“ განცხადებაში.
ისრაელის ინფორმაციით, კი “ჰეზბოლამ“ თავდასხმისას 210 რაკეტა და 20 დრონი გაუშვა.
“ისრაელის თავდაცვის ძალების ცნობით, ლიბანიდან ჩრდილოეთ ისრაელში, “ჰეზბოლას“ მიერ დღეს დილით განხორციელებული თავდასხმის დროს, დაახლოებით 210 რაკეტა და 20 დრონი გაუშვეს, - ნათქვამია The Times of Israel-ის ინფორმაციაში.
მათივე ინფორმაციით, ზოგიერთი მათგანი შეაჩერეს, ზოგიერთმა კი ადამიანების დაშავება გამოიწვია. ისრაელის თავდაცვის ძალებში აცხადებენ, ბევრი რაკეტა ღია ტერიტორიებზე დაეცა.
-
“ვინც გვავნებს, ჩვენც ვავნებთ...“
ფაქტს მყისიერად გამოეხმაურა ისრაელის პრემიერ-მინისტრი ბენიამინ ნეთანიაჰუ. მისი თქმით, ისრაელმა დღეს დილით “ჰეზბოლას“ ათასობით რაკეტა გაანადგურა.
- ”ამ დილით ჩვენ აღმოვაჩინეთ "ჰეზბოლას" მზადება ისრაელზე თავდასხმისთვის. თავდაცვის მინისტრთან და ისრაელის თავდაცვის ძალების შტაბის უფროსთან კონსულტაციით, დავავალეთ ისრაელის თავდაცვის ძალებს, პროაქტიურად ემოქმედა საფრთხის აღმოსაფხვრელად.
- მათ გაანადგურეს ათასობით რაკეტა, რომელიც მიმართული იყო ქვეყნის ჩრდილოეთისკენ; ის ასევე ხელს უშლის ბევრ სხვა საფრთხეს და მოქმედებს დიდი ძალით - როგორც თავდაცვის, ასევე შეტევის კუთხით“, - აღნიშნა ნეთანიაჰუმ თელ-ავივში, ეროვნული უსაფრთხოების კაბინეტის საგანგებო სხდომის დაწყებისას.
მისი თქმით, ყველაფერს გააკეთებენ ქვეყნის დასაცავად და იმისთვის, რომ ჩრდილოეთ ნაწილის მოსახლეობა უსაფრთხოდ დააბრუნონ საკუთარ სახლებში.
“ვაგრძელებთ მარტივი წესის დაცვას: ვინც გვავნებს, ჩვენც ვავნებთ “, - აღნიშნა ნეთანიაჰუმ.
ისრაელის არმიამ განაცხადა, რომ განახორციელა წინასწარი საჰაერო იერიში “ჰეზბოლას“ სამიზნეებზე ლიბანში მას შემდეგ, რაც აღმოაჩინა მნიშვნელოვანი თავდასხმის განხორციელების გეგმები. თავდაცვის მინისტრმა, იოავ გალანტმა ქვეყანაში 48-საათიანი საგანგებო მდგომარეობა გამოაცხადა.
დროებით შეჩერდა ავიარეისები თელ-ავივისა და ბენ გურიონის აეროპორტებში, თუმცა, მოგვიანებით აღდგა.
მოგვიანებით IDF-ის სპიკერმა განაცხადა, რომ “ამჟამად ათობით საჰაერო ძალების თვითმფრინავი ებრძვის სამიზნეებს სამხრეთ ლიბანის სხვადასხვა ადგილას“.
განახლება 12:29
ისრაელის თავდაცვის ძალებში აცხადებენ, რომ სამხრეთ ლიბანში “ჰეზბოლას“ სარაკეტო გამშვებებზე დარტყმები 100-მდე მოიერიშე თვითმფრინავით განახორციელეს.
თავდაცვის ძალების მტკიცებით, სარაკეტო გამშვებების უმეტესობა ჩრდილოეთ ისრაელისკენ, ზოგიერთი კი ქვეყნის ცენტრისკენ იყო მიმართული და იერიშის შედეგად 40-ზე მეტ ტერიტორიას დაარტყეს, სადაც გამშვებები იყო განლაგებული.
ლიბანური მედიის ცნობით, ლიბანის სამხრეთ ისრაელის ავიაიერიშს, სულ მცირე, ორი ადამიანი ემსხვერპლა.
იხილეთ ასევე: