უმძიმესი ფოტო/ვიდეო - ბუნტი რუსეთის სასჯელაღსრულების დაწესებულებაში: პატიმრები ვერტმფრენს და 2 მილიონ დოლარს ითხოვენ, არიან გარდაცვლილები და მძიმედ დაჭრილები
რუსეთის ვოლგოგრადის ოლქში, ქალაქ სუროვიკინოს #19 კოლონიის პატიმრებმა ბუნტი მოაწყვეს და მძევლები აიყვანეს.
რუსეთის ფედერალური სასჯელაღსრულების სამსახურის ცნობით, მძევლების აყვანა მოხდა დისციპლინური კომისიის სხდომაზე.
წინასწარი მონაცემებით, ტერორისტებმა, რომლებიც აცხადებენ, რომ რუსეთში აკრძალული საერთაშორისო ტერორისტული ორგანიზაცია, “ისლამური სახელმწიფოს“ (IS) წევრები არიან, კოლონიის სულ მცირე სამი თანამშრომელი მოკლეს, კიდევ რამდენიმე დაჭრეს და მძევლად აიყვანეს.
“ტელეგრამ“ არხების ცნობით, პატიმრები კოლონიის ტერიტორიაზე ვერტმფრენის დაშვებას და ვერტმფრენის ბორტზე 2 მილიონ აშშ დოლარს ითხოვენ. იმ შემთხვევაში კი, თუ ისინი ვერტმფრენს დაედევნებიან, მძევლების მოკვლით იმუქრებიან.
ადგილიდან უმძიმესი ფოტო და ვიდეო მასალა ვრცელდება. პატიმრებმა ციხის რამდენიმე თანამშრომელი მოკლეს, ნაწილს კი აწამებენ:
ამავდროულად, პირები, რომლებსაც მძევლები ჰყავთ აყვანილი, აცხადებენ, რომ მათ შეძლეს კოლონიაში თვითნაკეთი ასაფეთქებელი მოწყობილობის აწყობა და მისი აფეთქებით იმუქრებიან.