მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“სამარცხვინოა!“ - რა თქვა ბექა ოდიშარიამ ოკუპირებულ გალში დაკავებულ ქართველებზე, რის გამოც პრეზიდენტი სასტიკად აკრიტიკებს?
15:19 / 21-08-2024
საქართველოს პრეზიდენტი სალომე ზურაბიშვილი დეპუტატ ბექა ოდიშარიას განცხადებას ოკუპირებულ აფხაზეთში დაკავებული საქართველოს ორი მოქალაქის შესახებ, “სამარცხვინოს“ უწოდებს.
“სამარცხვინოა განცხადება ბექა ოდიშარიასი ოკუპირებულ აფხაზეთში დაკავებული ჩვენი მოქალაქეების შესახებ!
საერთოდ უდანაშაულობის პრეზუმფცია არ იცოდე რას გულისხმობს და უარესი, კიდევ ეგრედწოდებული სამართალდამცველების ბრალდებებს უაპელაციოდ იზიარებდე… ეს როგორც ჩანს “ოცნების“ მიერ გაგებული, ოკუპანტებთან სამომავლო ურთიერთობების დალაგების ხედვაა… რისთვისაც თურმე საკონსტიტუციო უმრავლესობა სჭირდებათ!“ - წერს პრეზიდენტი “ფეისბუქზე“.
დღეს დეპუტატმა მედიასთან საუბარში, აღნიშნული დაკავების შეფასებისას განაცხადა:
“თუ ადამიანი დაკავებული იყო ფულის აღებ-მიცემობით, რომ ადამიანებს გადაეკვეთათ ეს ხელოვნური საოკუპაციო ადმინისტრაციული საზღვარი, ბუნებრივია, ამ ადამიანს, სამწუხაროდ, ხელი შეუწყვია იმისთვის, რომ დაეკავებინათ. თუმცა მათ პასუხი უნდა აგონ არა აფხაზეთის მარიონეტული რეჟიმის წინაშე, არამედ ქართული მართლმსაჯულების წინაშე...
თუმცა, კიდევ ერთხელ ვამბობ, მან უნდა აგოს პასუხი არა აფხაზეთის მარიონეტული რეჟიმის, ან რუსული საოკუპაციო ჯარის წინაშე, არამედ ის დაუყოვნებლივ უნდა იყოს გადმოცემული საქართველოს ლეგიტიმური ხელისუფლებისთვის, რომელიც, ვფიქრობ, გაერკვევა საკითხში.
მე უდანაშაულობის პრეზუმფციას დავიცავდი, არ დავადანაშაულებდი ამ ადამიანს, იმიტომ რომ ჩემთვის რუსული საოკუპაციო ჯარის პრესსამსახური და ან აფხაზეთის დღევანდელი მოქმედი მარიონეტული რეჟიმი ვერ იქნება ავთენტური წყარო. ამიტომ როგორც კი ეს ადამიანი მოხვდება ქართველი სამართალდამცველების ხელში, ვფიქრობ, მყისიერად გაირკვევა ჭეშმარიტება”, - განაცხადა ოდიშარიამ.
ოკუპირებული გალის სოფელ მეორე ოტობაიაში 2 ქართველი, რემიკო და მურთაზ ჭითანავები დააკავეს.
20 აგვისტოს, აფხაზურმა მედიასაშუალებებმა გაავრცელეს ინფორმაცია, ოკუპირებული გალის სოფელ მეორე ოტობაიაში 2 ქართველის დაკავების თაობაზე. მათი ცნობით, თვითგამოცხადებული აფხაზეთის რესპუბლიკის ე.წ. სახელმწიფო უსაფრთხოების სამსახურმა გამოაცხადა, რომ აფხაზეთში "უცხო ქვეყნის მოქალაქეების არალეგალური მიგრაციის არხი გადაკეტა“.
მათი მტკიცებით, დაკავებულებს "ჰქონდათ აფხაზეთში ბინადრობის ნებართვა“ და ეხმარებოდნენ საქართველოს მოქალაქეებს საზღვრის უკანონოდ გადაკვეთაში. ასევე საოკუპაციო რეჟიმის განცხადებით, მათ ასაფეთქებელი ნივთიერება და ვაზნები აღმოუჩინეს.
იხილეთ ასევე:
- "არ ჩამორჩა პრეზიდენტი, რომელიც ჩემს ამ ინტერვიუს უტაქტოდ და უადგილოდ გამოეხმაურა... ვინ არის ახლა ჩვენს შორის მატყუარა და სამარცხვინო?!" - ბექა ოდიშარია
- ვინ არიან აფხაზეთში დაკავებული ქართველები და რა ხდება ცნობილი? - "იარაღი აშკარად ჩადებულს ჰგავს. ეს ყველაფერი სიტუაციის დასამძიმებლად არის გაკეთებული"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
