მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არის ფსიქიატრი ანა ცივილევა, რომელმაც პუტინთან ნათესაობის წყალობით, წარმატებული კარიერა აიწყო და დიდძალი ქონებაც დააგროვა?
12:44 / 28-08-2024
ამ ცოტა ხის წინ, ვლადიმერ პუტინმა სახელმწიფო მდივნად რუსეთის თავდაცვის მინისტრის ყოფილი მოადგილე ანა ცივილევა დანიშნა. განკარგულება იურიდიულ საინფორმაციო პორტალზე გამოქვეყნდა.
ცივილევა თავდაცვის მინისტრის მოადგილე 2024 წლის ივნისში გახდა და პასუხისმგებელი იყო სამხედრო პერსონალის სოციალური და საბინაო დახმარების ორგანიზებაზე.
ანა ცივილევას ქმარი, კემეროვოს ოლქის ყოფილი გუბერნატორი სერგეი ცივილევი, წელს რუსეთის ენერგეტიკის მინისტრად დაინიშნა. 2023 წლის აპრილიდან ცივილევა ხელმძღვანელობს ფონდს "სამშობლოს მცველები,“ რომელიც ეხმარება უკრაინის ომის ვეტერანებს, დონბასის ბრძოლების მონაწილეებს (2014 წლის მაისიდან) და დაღუპული რუსი ჯარისკაცების ოჯახებს.
რუსული ოპოზიციური მედია ამტკიცებს, რომ ანა ცივილევა ვლადიმერ პუტინის ბიძაშვილია. მათი ინფორმაციით, ცივილევას ქალიშვილობის გვარია პუტინა და არა ლოგინოვა, როგორც ეს არის ცნობილი (გვარი ლოგინოვა პირველი ქორწინებისას, ფსიქიატრ ლევ ლოგინოვზე ქორწინების შემდეგ მიიღო). ანა ივანოვოში დაიბადა, მამა კი რუსეთის პრეზიდენტის ბიძაშვილია.
ვინ არის რეალურად ანა ცივილევა
ანა ცივილევას ბიოგრაფია ქალაქ ივანოვოდან იწყება. ის 1972 წლის 9 მაისს მრავალშვილიან ოჯახში დაიბადა. მშობლები ექიმები იყვნენ, ბევრს მუშაობდნენ და მათი არყოფნის შემთხვევაში, სახლში ყველაფერს უფროსი და მართავდა, რომელიც ანაზე 15 წლით უფროსი იყო.
ინსტიტუტის დამთავრების შემდეგ 2000-იანი წლების დასაწყისამდე ფსიქიატრად მუშაობდა. შემდეგ დედაქალაქში გადავიდა და კარიერა განაგრძო მენეჯერის პოზიციაზე სახელმწიფო კომპანია "მედტეხსნაბში“, რომელიც საავადმყოფოების სამედიცინო აღჭურვილობით იყო დაკავებული. მალე ქალმა დაიკავა ხელმძღვანელი პოზიცია კომერციულ კომპანია Digimed-ში, რომელიც სამედიცინო დაწესებულებების თანამედროვე სამედიცინო აღჭურვილობის მიწოდებას უზრნულვეყოფდა. ის ამ სფეროში 2016 წლამდე მუშაობდა, რის შემდეგაც ნახშირის მრეწველობაში წავიდა.
2012 წელს მისი ოჯახი ქვანახშირის კომპანია "კოლმარის“ წილის მფლობელი გახდა. სააგენტო აღნიშნავს, რომ მანამდე არცერთი მეუღლე არ ყოფილა ქვანახშირის ბიზნესში. გამოცემის ცნობით, მათ აქტივი პრეზიდენტის მეგობრისგან, ბიზნესმენ გენადი ტიმჩენკოსგან მიიღეს - მანამდე ის "კოლმარის" 60%-ს ფლობდა.
როგორც ერთ-ერთი სააგენტო აღნიშნავს, წარსულში "კოლმარს" ჰქონდა "უზარმაზარი ფინანსური სირთულეები“, მაგრამ ბოლო წლებში სახელმწიფო კომპანიას დაეხმარა. ცივილევების კონტროლის ქვეშ მოქცევის შემდეგ კომპანიამ მიიღო 11 მილიარდი რუბლი ბიუჯეტიდან, ასევე შეღავათიანი სესხი 4 მილიარდი რუბლისა და საგადასახადო შეღავათები.
გამომძიებელმა ჟურნალისტებმა გაარკვიეს, რომ სახელმწიფო სამსახურში გადასვლისას ქმარმა ანას რუსეთის ერთ-ერთ უმსხვილეს ქვანახშირის კომპანია "„კოლმარში“ თავისი წილი გადასცა.
2022 და 2023 წლებში ანა ცივილევა და მისი კომპანია Kolmar დაექვემდებარა აშშ-სა და ევროკავშირის სანქციებს.
პირადი ცხოვრება
ქალი ორჯერ იყო დაოჯახებული, პირველად კოლეგა, ფსიქიატრ ლევ ლოგინოვზე. 2000-იანი წლებში ანა მეორედ დაქორწინდა სერგეი ცივილევზე. ერთ-ერთ ინტერვიუში ანა ჰყვება, რომ ქმარი საერთო მეგობრების მეშვეობით გაიცნო. ის არა მარტო ქმარი, საყვარელი და შვილების მამა, არამედ საქმიანი პარტნიორი და თანამოაზრეა.
"ჩემი რწმენით, მე ვარ მშრომელი, ენერგიული ადამიანი. მე ვერ ვხედავ ჩემს თავს ოთხ კედელში გამოკეტილი. ჩემთვის მნიშვნელოვანია თვითრეალიზაცია, სამუშაო, ბიზნესი და სოციალური მიმართულება, მაგრამ პირველ რიგში ოჯახს ვაყენებ. უნდა ვიცოდე, რომ ჩემი ქმარი კარგად იკვებება, ბავშვები სწავლობენ და არავინაა უყურადღებოდ. შემდეგ არის ძალა და ენერგია. ჩემი რწმენით ადამიანი შემოქმედად იბადება. ამ სამყაროში მოსვლისას თითოეულმა ჩვენგანმა არა მხოლოდ უნდა ისუნთქოს და ჭამოს, არამედ რაღაც სასარგებლო უნდა გააკეთოს. ეს არის ის, რასაც მე ვასწავლი ჩემს შვილებს, ვუხსნი, რომ არ შეიძლება იცხოვრო მხოლოდ საკუთარი მოთხოვნილებების დასაკმაყოფილებლად...“ - განაცხდა 2019 წელს იმჟამად გუბერნატორის მეუღლემ ერთ-ერთ ინტერვიუში.
2024 წლის ივნისში, მას შემდეგ, რაც პუტინმა მინისტრის მოადგილედ დანიშნა, მედიასთან განაცხადა, რომ "სამშობლოს მცველთა ფონდში“ მუშაობისას მას უკვე ჰქონდა საკმარისი გამოცდილება სპეცოპერაციის მონაწილეებისა და მათი ოჯახებისთვის დახმარების ორგანიზებაში.
დემობილიზებულთა პრობლემებს შორის, ანამ აღნიშნა, რომ ყველაზე ხშირი "პოსტტრავმული სტრესული აშლილობის“ დიაგნოზია, რომლითაც სამხედრო მოსამსახურეების დაახლოებით 20% ბრუნდება საბრძოლო ზონიდან. მათი დიდი ნაწილი საჭიროებს მედიკამენტურ მკურნალობას. ამასთანავე, ჩინოსანმა ხაზგასმით აღნიშნა, რომ ჩრდილოეთ სამხედრო ოლქიდან დაბრუნებული ჯარისკაცებისთვის საჭირო ხდება ფსიქოლოგის დახმარება.
საინტერესო ფაქტები
ოფიციალური დეკლარაციის თანახმად, 2021 წელს ჩინოვნიკმა თითქმის 11 მილიონი რუბლი გამოიმუშავა. ცივილევა იმ დროისთვის ფლობდა სამ ბინას, კოტეჯს 450 კვადრატული მეტრი ფართობითა და დამხმარე ნაგებობით.
2024 წელს ანა ცივილევა იყო რუსეთის დელეგაციის წევრი სანქტ-პეტერბურგის საერთაშორისო ეკონომიკურ ფორუმზე, სადაც შეხვდა აფრიკის ქვეყნების წარმომადგენლებს და პაკისტანის ელჩს.
ცივილევების ისტორია თანამედროვე რუსეთში ფეოდალური წეს-ჩვეულებების მხოლოდ ერთი მაგალითია.
2013 წელს, როდესაც პუტინმა ქალიშვილი კატერინა დააქორწინა, ქორწილის შემდეგ, მისი მეუღლის კირილ შამალოვის ოჯახმა, შთამბეჭდავი მზითვი მიიღო. შამალოვს მისცეს წილი Sibur-ში, კერძო ნავთობქიმიურ კომპანიაში. რამდენიმე წლის შემდეგ, როდესაც კატერინა და კირილი განქორწინდნენ, შამალოვს "მზითვი" წაართვეს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
