მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კურსკში რუსეთის ხელისუფლება მოქმედებს ისე, როგორც შეუძლია..." - რას აცხადებს რუსი პოლიტოლოგი უკრაინელთა შეტევაზე?
21:09 / 20-08-2024
იმაზე, თუ რა ხდება კურსკის ოლქში, რა რეაქცია ჰქონდა რუსეთის ტერიტორიაზე უკრაინელების დაწყებულ ოპერაციაზე რუსეთის ხელისუფლებას, რუსულ საზოგადოებას, რა კორექტივები შეიტანა ამ ოპერაციამ უკრაინა-რუსეთის ომსა და ამ ომის პერსპექტივაზე "ინტერპრესნიუსი“ რუს ისტორიკოსსა და პოლიტოლოგს, ბორის სოკოლოვს ესაუბრა.
- ბატონო ბორის, ორ კვირაზე მეტია კურსკისა და ბელგოროდის ოლქებში უკრაინელები სამხედრო ოპერაციას ატარებენ. ამ მოვლენებზე ურთიერთგამომრიცხავი ინფორმაციები ვრცელდება ორივე მხრიდან. რუსეთის ტერიტორიაზე შეიარაღებული ძალების გადაადგილება ხორციელდება, მაგრამ, თქვენი დაკვირვებით რა იციან რუსეთის მოქალაქეებმა იმაზე, თუ რა ხდება კურსკისა და ბელგოროდის ოლქებში?
- ამ თემებზე ინფორმაციული ცოდნა დამოკიდებულია იმაზე, თუ ვის რა ინფორმაციაზე მიუწვდება ხელი. მათ, ვისაც შეუძლია უყუროს მხოლოდ რუსეთის სახელმწიფო ტელევიზიას, მათ წარმოდგენაში ერთი სურათია იმაზე რაც ხდება კურსკის ოლქში, ვისაც სხვა ინფორმაციაზე აქვს წვდომა, მათ წარმოდგენაში სხვა სურათია.
მათ, ვინც ოფიციალურ წყაროებისგან იღებს ინფორმაციას, ჰგონიათ, რომ მტერი გარბის, გარბის და გარბის. ვინც ალტერნატიული ინფორმაციებზე მიუწვდება ხელი, მათ მეტად რეალური წარმოდგენა აქვთ თუ რა ხდება კურსკის ოლქში.
რამდენადაც მე ვაკვირდები, უკრაინელების შეტევა გრძელდება და ჯერ მათი წინსვლა შეჩერებული არაა. ფაქტია, რომ ჯერჯერობით ამ უკრაინული შეტევის რეალური მიზნები გაუგებარია. ასევე გაუგებარია რეალურად უკრაინის შეიარაღებული ძალების რამდენ ჯარისკაცი იმყოფება ამჟამად რუსეთის ტერიტორიაზე.
- მიუხედავად იმისა, რომ ამ ოპერაციის პირველივე დღეებში რუსეთში იუთუბი გათიშეს, იუთუბზე მაინ ხვდება მასალები იმის შესახებ რომ კურსკის ოლქიდან ხალხი გადის სამშვიდობოს და მათი რიცხვი უკვე 250 ათასზე მეტია. რუსეთის ხელისუფლებას ეს ხალხი ორგანიზებულად გაჰყავს. ვითარებაში, როცა უკრაინული შეიარაღებული ძალები რუსეთის ტერიტორიაზე ახორციელებენ სამხედრო ოპერაციას, თქვენ როგორ შეაფასებდით შექმნილ ვითარებაში რუსეთის ხელისუფლების რეაქციასა და მოქმედებას?
- რუსეთის ხელისუფლება ცდილობს გაუმკლავდეს პრობლემებს, მაგრამ, როგორც ჩანს, ამას ჯერჯერობით ვერ ახერხებს. ხელისუფლება კურსკის ოლქში მიმდინარე მოვლენებს უწოდებს "სიტუაციას კურსკის ოლქში.“
რაც შეეხება იმას, თუ რამდენად წარმატებულად მოქმედებს რუსეთის ხელისუფლება, ჩემი დაკვირვებით, რუსეთის ხელისუფლება მოქმედებს ისე, როგორც შეუძლია. ვხედავთ, რომ კურსკისა და ბელგოროდის ოლქების სამხრეთ რაიონებიდან ხორციელდება მოქალაქეების ევაკუაცია.
- ვნახეთ თუ როგორ არეგისტრირებენ ამ რეგიონებიდან ევაკუირებულ მოქალაქეებს და ურიგებენ მათ ჰუმანიტარულ ტვირთს. როგორ აღიქვამს ამ პროცესს რუსეთის საზოგადოება?
- მე რამდენადაც ვაკვირდები, იმას რაც კურსკის ოლქში ხდება, მათ შორის მოქალაქეების ევაკუაციას და საბრძოლო მოქმედებებს, საზოგადოება გულგრილად ადევნებს თვალს. საზოგადოებაში არ შეიმჩნევა კურსკის ოლქში მიმდინარე უკრაინული სამხედრო ოპერაციის გამო აღტყინება და იმის სურვილი, რომ საჭიროა ქვეყნის ამ ტერიტორიების დაცვა. ამას ჯერ ვერ ვხედავ.
დევნილების მიმართ სიბრალული გრძნობა აქვთ ადამიანებს, მათ ისინი შეძლებისდაგვარად ეხმარებიან, მაგრამ, საზოგადოებაში პატრიოტული სულისკვეთება ჯერჯერობით არ იგრძნობა.
- კურსკის ოლქში მიმდინარე მოვლენებზე საზოგადოების ამგვარი დამოკიდებულება რას შეიძლება უკავშირდებოდეს?
- მეჩვენება, რომ ახლა რუსული საზოგადოება ბევრი რამის გამოა გულგრილი. იგი გადაეჩვია ბრძანების გარეშე რამის კეთებას და ცდილობს დისტანცირებული იყოს რაიმე პრობლემებისგან.
- ამის ფონზე პრეზიდენტი ზელენსკი აცხადებს - "ოპერაცია კურსკის ოლქში ისე მიმდინარეობს, როგორც იყო დაგეგმილი, რუსეთის ტერიტორიაზე ჩვენი პლაცდარმი იზრდება და ძლიერდება.“ ბევრი ამბობს, რომ ახლა "სტრატეგიული ინიციატივა“ უკრაინის მხარესაა, თქვენს ასე ფიქრობთ?
- გლობალურად, მე ასე არ ვიტყოდი, რადგან, დონეცკის ოლქში რუსეთი აგრძელებს შეტევას.
რაც შეეხება კურსის ოლქს ჯერჯერობით, ინიციატივა უკრაინის მხარესაა, მაგრამ ის სიტუაცია შეიძლება მას შემდეგ შეიცვალოს, როცა კურსკის მიმართულებაზე რუსეთი გადაისვრის თავისი ჯარების საკმარის რაოდენობას. რამდენადაც მე მესმის, ჯერჯერობით რუსეთი ვერ ახერხებს შექმნას ერთიანი ფრონტის ხაზი, რის გამოც უკრაინელები სხვადასხვა მიმართულებით ახერხებენ წინსვლას. გააგრძელეთ კითხვა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
