მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უკრაინის წინსვლა პუტინის, როგორც "ბატონი უსაფრთხოების" იმიჯს, ძირს უთხრის" - რას ამბობს როზენბერგი, რომელიც 24 წლის წინ კურსკის კატასტროფას აშუქებდა
13:18 / 15-08-2024
BBC-ის მოსკოვის კორესპონდენტი, სტივ როზენბერგი უკრაინა-რუსეთის ომს სტატიას უძღვნის და აღნიშნავს, რომ ამჯერად რუსეთის ტერიტორიაზე მიმდინარე ბრძოლები პუტინის რეპუტაციას, თითქოს ის "მისტერ უსაფრთხოებაა", ძირს უთხრის.
გთავაზობთ სტატიის თარგმანს:
"კურსკი.
ეს ერთ-ერთი პირველი სიტყვაა, რომელიც დავწერე და წარმოვთქვი, როგორც BBC-ის კორესპონდენტმა.
2000 წელს ბარენცის ზღვის ყინულოვან წყლებში კურსკის წყალქვეშა ნავის ჩაძირვას ვაშუქებდი. მაშინ 118 ადამიანი დაიღუპა.
პუტინი პრეზიდენტად ნახევარ წელზე ნაკლები ხნით ადრე აერჩიათ. კვლავ მახსოვს რუსული სატელევიზიო არხები, რომლებიც იმის გამო აკრიტიკებდნენ, თუ როგორ მართავდა ამ კატასტროფას.
ამ კვირაში K-141 Kursk-ის ჩაძირვიდან 24 წელი შესრულდა. და კვლავაც, რუსეთიდან ჩემი რეპორტაჟები სიტყვა "კურსკითაა" სავსე. ამჯერად - კურსკის რეგიონი, სადაც უკრაინელი ჯარისკაცები მოულოდნელად შეიჭრნენ და სადაც უკვე ცხრა დღეა, ტერიტორიებს იკავებენ.
იგივე სიტყვა.
მაგრამ 2024 წლის რუსეთი ძალიან განსხვავდება 2000 წლის რუსეთისგან.
ამჯერად რუსულ ტელევიზიაში არ არის პრეზიდენტ პუტინის კრიტიკის არანაირი მინიშნება; არ არის ეჭვი მის გადაწყვეტილებებზე; არ არის მინიშნება იმაზე, რომ სწორედ მისმა უკრაინაში შეჭრამ მიგვიყვანა ამ დრამატულ მომენტამდე. თუმცა, კრემლს მეოთხედი საუკუნე ჰქონდა რუსულ მედიასა და გზავნილებზე მკაცრი კონტროლის დასამყარებლად.
მიუხედავად ამისა, დააზიანებს თუ არა ეს მოვლენები ვლადიმირ პუტინს?
ეს კითხვა ბოლო ორნახევარი წლის განმავლობაში ბევრჯერ დამისვეს:
- 2022 წელს, როდესაც უკრაინამ სამხედრო გემი “მოსკვა” ჩაძირა, რუსეთის შავი ზღვის ფლოტის ფლაგმანი;
- შემდეგ ისევ, რამდენიმე თვეში, ჩრდილო-აღმოსავლეთ უკრაინიდან რუსი ჯარისკაცების ელვისებური უკანდახევის შემდეგ;
- და ისევ, 2023 წელს “ვაგნერის” ჯგუფის აჯანყების დროს, როდესაც შეიარაღებული დაქირავებული ჯარისკაცები მოსკოვისკენ მიემართებოდნენ - რაც პირდაპირი გამოწვევა იყო ვლადიმირ პუტინის ავტორიტეტისთვის.
პრეზიდენტმა პუტინმა ეს ყველაფერი, როგორც ჩანს, დაუზიანებლად გადაიტანა. ის დარწმუნებული იქნება, რომ ამ უახლეს გამოწვევასაც გადალახავს.
მაგრამ აი, რაშია საქმე. "ვაგნერის" სამხედრო ამბოხი ერთ დღეში დასრულდა.
უკრაინის შეტევა რუსეთის შიგნით უკვე კვირაზე მეტია, გრძელდება. რაც უფრო დიდხანს გაგრძელდება, მით უფრო დიდი იქნება ზეწოლა რუსეთის ხელისუფლებაზე და, პოტენციურად, მით უფრო დიდი იქნება ზიანი პრეზიდენტ პუტინის ავტორიტეტისთვის.
ძალაუფლებაში ყოფნის ორნახევარი ათწლეულის განმავლობაში, ბატონმა პუტინმა შექმნა "ბატონი უსაფრთხოების" იმიჯი, ამ უზარმაზარ ქვეყანაში ერთადერთი ისეთი კაცის რეპუტაცია, რომელსაც შეუძლია, რუსები უსაფრთხოდ დატოვოს და დაიცვას.
მისი ე.წ. "სპეციალური სამხედრო ოპერაცია" (სრულმასშტაბიანი შეჭრა უკრაინაში) რუს ხალხს ისე წარმოუდგინეს, როგორც რუსეთის ეროვნული უსაფრთხოების გაძლიერების საშუალება.
ამ ომის დაწყებიდან ორნახევარი წლის შემდეგ, "უსაფრთხოების და დაცულობის" დიდი კვალი აქ არ შეინიშნება. რუსეთის საზღვრებთან "ნატო" მეტია, ალიანსში შვედეთისა და ფინეთის გაწევრიანებით; რუსული ქალაქები რეგულარულად განიცდიან უკრაინული დრონებს შეტევას; ახლა კი უკრაინელი ჯარისკაცები რუსეთის ტერიტორიას იკავებენ.
ვლადიმირ პუტინი ცდილობს, რუს საზოგადოებას აჩვენოს, რომ პანიკის საფუძველი არ არსებობს.
უკრაინული შეჭრის აღწერისას მან თავი აარიდა სიტყვა "შეჭრის" გამოყენებას. ამის ნაცვლად, მან ისაუბრა "სასაზღვრო ზონაში შექმნილ სიტუაციაზე" ან "მიმდინარე მოვლენებზე". კრემლის ლიდერმა უკრაინულ შეტევას ასევე, "პროვოკაცია" უწოდა.
რა იქნება რუსეთის პრეზიდენტის შემდეგი ნაბიჯი?
ნუ ელოდებით, რომ ის ტელეფონს აიღებს და კიევს დაურეკავს. რუსმა ოფიციალურმა პირებმა ნათლად განაცხადეს, რომ უკრაინული თავდასხმის შემდეგ ისინი სამშვიდობო მოლაპარაკებების აზრსაც კი თაროზე შემოდებენ.
ცხადია, არა იმიტომ, რომ ისედაც რაიმე მასშტაბური მოლაპარაკება იყო დაგეგმილი. ფაქტობრივად, ამ კვირაში ვლადიმირ პუტინმა ზუსტად განაცხადა, რა არის მისი განზრახვა: "...მტრის იძულება, დატოვოს რუსეთის ტერიტორია."
ერთია ამის თქმა. მეორეა ამის გაკეთება. კურსკის რეგიონში გაძლიერების მიუხედავად, რუსულ სამხედრო ძალებს ჯერ არ დაუბრუნებიათ კონტროლი რუსეთის ამ ნაწილზე.
ხუთშაბათს დილით კრემლის გვერდით გავლისას, შევჩერდი.
როდესაც მუშები ღონისძიებისთვის სკამებსა და ეკრანებს ამონტაჟებდნენ, წითელ მოედანზე ედით პიაფის კლასიკური Non, je ne regrette rien (“არა, არაფერს ვნანობ”) ჟღერდა დიდ ვიდეოეკრანზე და ექოთი ვრცელდებოდა.
ეს ძალიან სიურეალისტური მომენტი იყო.
ვლადიმირ პუტინს არ გამოუხატავს სინანული უკრაინაში სრულმასშტაბიანი შეჭრის გამო. არანაირი სინანული მის მიერ მიღებული გადაწყვეტილებების გამო.
თუ მისი საჯარო განცხადებები მის ამჟამინდელ მდგომარეობას ასახავს, ის კვლავ დარწმუნებულია, რომ ამ ომს მხოლოდ ერთი შესაძლო შედეგი აქვს: რუსეთის გამარჯვება”, - ვკითხულობთ სტატიაში.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
