უკ­რა­ი­ნის ჯა­რებ­მა რუ­სე­თის ტე­რი­ტო­რი­ა­ზე 30 კმ-მდე შე­აღ­წი­ეს, რაც ყვე­ლა­ზე ღრმა და მნიშ­ვნე­ლო­ვა­ნი შე­ტე­ვაა რუ­სე­თის ტე­რი­ტო­რი­ა­ზე მას შემ­დეგ, რაც რუ­სე­თი 2022 წლის თე­ბერ­ვალ­ში უკ­რა­ი­ნა­ში შე­იჭ­რა.

რუ­სე­თის თავ­დაც­ვის სა­მი­ნის­ტრომ გა­ნა­ცხა­და, რომ მისი ძა­ლე­ბი უკ­რა­ი­ნის ჯა­რებს კურსკის რე­გი­ონ­ში შე­ტე­ვი­დან მე­ექ­ვსე დღეს სოფ­ლებ­თან - ტოლ­პი­ნოს­თან და ობშ­ჩი კო­ლო­დეზ­თან შეხ­ვდნენ.

სა­გა­რეო საქ­მე­თა სა­მი­ნის­ტროს წარ­მო­მად­გე­ნელ­მა, მა­რია ზა­ხა­რო­ვამ კი­ე­ვი "რუ­სე­თის მშვი­დო­ბი­ა­ნი მო­სახ­ლე­ო­ბის და­ში­ნე­ბა­ში" და­ა­და­ნა­შა­უ­ლა.

უკ­რა­ი­ნის პრე­ზი­დენ­ტმა ვო­ლო­დი­მირ ზე­ლენ­სკიმ, რო­მელ­მაც პირ­ვე­ლად აღი­ა­რა თავ­დას­ხმა, გა­ნა­ცხა­და, რომ ამ ზა­ფხულს რუ­სე­თის მიერ კურსკი­დან 2 000 სა­ზღვრის­პი­რა თავ­დას­ხმა გან­ხორ­ცი­ელ­და.

"არ­ტი­ლე­რია, ნაღმმ­ტყორ­ცნე­ბი, დრო­ნე­ბი. ასე­ვე ვა­ფიქ­სი­რებთ სა­რა­კე­ტო დარ­ტყმებ­საც და თი­თო­ე­უ­ლი ასე­თი დარ­ტყმა სა­მარ­თლი­ან პა­სუხს იმ­სა­ხუ­რებს", - თქვა ზე­ლენ­სკიმ თა­ვის ყო­ველ­დღი­ურ მი­მარ­თვა­ში კი­ე­ვი­დან.

უკ­რა­ი­ნის მა­ღალ­ჩი­ნო­სან­მა AFP-ს გა­ნუ­ცხა­და, რომ ოპე­რა­ცი­ა­ში ათა­სო­ბით ჯა­რის­კა­ცი იყო ჩარ­თუ­ლი, გა­ცი­ლე­ბით მეტი, ვიდ­რე რუ­სე­თის სა­სა­ზღვრო დაც­ვის მიერ თავ­და­პირ­ვე­ლად ით­ქვა.

მა­შინ, როცა უკ­რა­ი­ნის მხარ­და­ჭე­რით მოქ­მე­დი ჯგუ­ფე­ბი პე­რი­ო­დუ­ლად სა­ზღვრის­პი­რა შეჭ­რებს ახორ­ცი­ე­ლებ­დნენ, კურსკის შე­ტე­ვა კი­ე­ვის კონ­ვენ­ცი­უ­რი ძა­ლე­ბის მიერ რუ­სე­თის ტე­რი­ტო­რი­ა­ზე გან­ხორ­ცი­ე­ლე­ბუ­ლი ყვე­ლა­ზე დიდი კო­ორ­დი­ნი­რე­ბუ­ლი თავ­დას­ხმაა.

"ჩვენ შე­ტე­ვა­ზე ვართ. მი­ზა­ნი მტრის პო­ზი­ცი­ე­ბის "გა­ჭიმ­ვა", მაქ­სი­მა­ლუ­რი და­ნა­კარ­გე­ბის მი­ყე­ნე­ბა და რუ­სეთ­ში სი­ტუ­ა­ცი­ის დეს­ტა­ბი­ლი­ზა­ცი­აა, რად­გან მათ არ შე­უძ­ლი­ათ სა­კუ­თა­რი სა­ზღვრის დაც­ვა," - აღ­ნიშ­ნა მა­ღალ­ჩი­ნო­სან­მა.

რუ­სე­თის თავ­დაც­ვის სა­მი­ნის­ტრომ კვი­რას გა­ნა­ცხა­და, რომ მის­მა ძა­ლებ­მა "ჯავ­შან­ტექ­ნი­კით რუ­სე­თის ტე­რი­ტო­რი­ის სიღ­რმე­ში შეჭ­რის­კენ მი­მარ­თუ­ლი მტრის მო­ბი­ლუ­რი ჯგუ­ფე­ბის მცდე­ლო­ბე­ბი ჩა­შა­ლეს".

თუმ­ცა, იმის აშ­კა­რა აღი­ა­რე­ბით, რომ კი­ე­ვის ძა­ლე­ბი ახლა კურსკის სა­სა­ზღვრო რე­გი­ონ­ში ღრმად შე­ვიდ­ნენ, თავ­დაც­ვის სა­მი­ნის­ტრომ გა­ნა­ცხა­და, რომ უკ­რა­ი­ნის ჯა­რე­ბი სოფ­ლებ­თან - ტოლ­პი­ნოს­თან და ობშ­ჩი კო­ლო­დეზ­თან იმ­ყო­ფე­ბა. სოფ­ლე­ბი რუ­სეთ-უკ­რა­ი­ნის სა­ზღვრი­დან და­ახ­ლო­ე­ბით 25 და 30 კმ-ზე მდე­ბა­რე­ობს.

ინ­ტერ­ნეტ­ში გავ­რცე­ლე­ბულ­მა და BBC-ის მიერ გა­და­მოწ­მე­ბულ­მა კად­რებ­მაც აჩ­ვე­ნა რუ­სუ­ლი დარ­ტყმა სო­ფელ ლევ­შინ­კას­თან ახ­ლოს, სა­ზღვრი­დან და­ახ­ლო­ე­ბით 25 კმ-ში.

უკ­რა­ი­ნის ჯა­რებ­მა გა­ნა­ცხა­დეს, რომ კურსკის რე­გი­ონ­ში რამ­დე­ნი­მე და­სახ­ლე­ბა აი­ღეს. გუ­ე­ვო­ში, სა­ზღვრი­დან და­ახ­ლო­ე­ბით 3 კმ-ში, ჯა­რის­კა­ცებ­მა ად­მი­ნის­ტრა­ცი­უ­ლი შე­ნო­ბი­დან რუ­სე­თის დრო­შის მოხ­სნის ამ­სახ­ვე­ლი ვი­დეო გა­და­ი­ღეს.

გა­მოჩ­ნდა კად­რე­ბიც, რო­მელ­შიც უკ­რა­ი­ნე­ლე­ბი ად­მი­ნის­ტრა­ცი­ულ შე­ნო­ბებს იკა­ვე­ბენ სვერდლი­კო­ვო­სა და პო­როზ­ში, ხოლო ინ­ტენ­სი­უ­რი ბრძო­ლე­ბი მიმ­დი­ნა­რე­ობს სუ­ჯა­ში, ქა­ლაქ­ში, რო­მელ­შიც და­ახ­ლო­ე­ბით 5 000 მო­სახ­ლე ცხოვ­რობს.

უკ­რა­ი­ნელ­მა ჯა­რის­კა­ცებ­მა ვი­დეო გა­და­ი­ღეს სუ­ჯა­ში, გა­ზის მნიშ­ვნე­ლო­ვან ობი­ექტთან, რო­მე­ლიც უკ­რა­ი­ნის გავ­ლით რუ­სე­თი­დან ევ­რო­კავ­შირ­ში გა­ზის ტრან­ზი­ტში მო­ნა­წი­ლე­ობს.

სუ­მის რე­გი­ონ­ში კი, რო­მე­ლიც კურსკის რე­გი­ონს ესა­ზღვრე­ბა, BBC-ის რე­პორ­ტი­ო­რებ­მა ჯავ­შან­ტექ­ნი­კი­სა და ტან­კე­ბის ნა­კა­დი და­ა­ფიქ­სი­რეს, რომ­ლე­ბიც რუ­სე­თის­კენ მი­ე­მარ­თე­ბო­და.

ჯავ­შნი­ა­ნი კო­ლო­ნე­ბი თეთრ სამ­კუ­თხა ნიშ­ნებს ატა­რებს, სა­ვა­რა­უ­დოდ, იმის­თვის, რომ ისი­ნი უკ­რა­ი­ნის შიგ­ნით გა­მო­ყე­ნე­ბუ­ლი ტექ­ნი­კის­გან გა­ნას­ხვა­ვონ. ამა­სო­ბა­ში, სა­ტე­ლი­ტუ­რი ფო­ტო­ე­ბით უკ­რა­ი­ნუ­ლი ტან­კე­ბი და­ფიქ­სირ­და, რომ­ლე­ბიც რუ­სე­თის ტე­რი­ტო­რი­ა­ზე ბრძო­ლა­ში არი­ან ჩარ­თუ­ლი.

BBC Verify-ს მიერ გა­ა­ნა­ლი­ზე­ბულ­მა ფო­ტო­ებ­მა ასე­ვე აჩ­ვე­ნა, რომ რუ­სე­თი კურსკის ატო­მუ­რი ელექტრო­სად­გუ­რის მახ­ლობ­ლად ახალ თავ­დაც­ვით ხა­ზებს აშე­ნებს.

გუ­შინ გა­და­ღე­ბუ­ლი სა­ტე­ლი­ტუ­რი ფო­ტო­ე­ბი მიმ­დე­ბა­რე ტე­რი­ტო­რი­ა­ზე რამ­დე­ნი­მე ახ­ლად აშე­ნე­ბულ სან­გრის ხაზს აჩ­ვე­ნებს, რო­მელ­თა­გან უახ­ლო­ე­სი სად­გუ­რი­დან და­ახ­ლო­ე­ბით 8 კმ-ზე იმ­ყო­ფე­ბა.

რუ­სე­თი აცხა­დებს, რომ კურსკის რე­გი­ო­ნის სა­სა­ზღვრო ტე­რი­ტო­რი­ე­ბი­დან, სა­დაც ად­გი­ლობ­რივ­მა ხე­ლი­სუფ­ლე­ბამ სა­გან­გე­ბო მდგო­მა­რე­ო­ბა გა­მო­ა­ცხა­და, 76 000 ადა­მი­ა­ნია ევა­კუ­ი­რე­ბუ­ლი.

რე­გი­ო­ნის გუ­ბერ­ნა­ტორ­მა ალექ­სეი სმირ­ნოვ­მა ასე­ვე გა­ნა­ცხა­და, რომ შა­ბათს გვი­ან 15 ადა­მი­ა­ნი და­შავ­და, რო­დე­საც რე­გი­ო­ნის დე­და­ქა­ლაქ­ში, კურსკში ჩა­მოგ­დე­ბუ­ლი უკ­რა­ი­ნუ­ლი რა­კე­ტის ნამ­სხვრე­ვე­ბი მრა­ვალ­სარ­თუ­ლი­ან შე­ნო­ბას და­ე­ცა.

უკ­რა­ი­ნე­ლი პარ­ლა­მენ­ტის წევ­რი, ოლექ­სეი გონ­ჩა­რენ­კო ოპე­რა­ცი­ას მი­ე­სალ­მა და გა­ნა­ცხა­და: "ეს გვა­ახ­ლო­ვებს მშვი­დო­ბას­თან იმა­ზე გა­ცი­ლე­ბით მე­ტად, ვიდ­რე ასი სამ­შვი­დო­ბო სა­მი­ტი".

"რო­დე­საც რუ­სეთს სა­კუ­თარ ტე­რი­ტო­რი­ა­ზე ბრძო­ლა უწევს, რო­დე­საც რუსი ხალ­ხი გარ­ბის, რო­დე­საც ეს ყვე­ლა­ფე­რი ხალ­ხს შე­ე­ხე­ბა - ეს ერ­თა­დერ­თი გზაა, ვაჩ­ვე­ნოთ მათ, რომ ეს ომი უნდა შე­წყვი­ტონ", - გა­ნუ­ცხა­და გონ­ჩა­რენ­კომ BBC-ს.

ზო­გი­ერ­თი ანა­ლი­ტი­კო­სი ვა­რა­უ­დობს, რომ კურსკის თავ­დას­ხმა იმ მცდე­ლო­ბის ნა­წი­ლია, რომ უკ­რა­ი­ნამ რუ­სე­თი აი­ძუ­ლოს, აღ­მო­სავ­ლეთ უკ­რა­ი­ნი­დან ძა­ლე­ბი გა­და­ა­ნა­წი­ლოს და უკ­რა­ი­ნის თავ­დაც­ვა­ზე ზე­წო­ლა შემ­სუ­ბუქ­დეს..

• რო­გორ ეხ­მა­უ­რე­ბი­ან ამ პრო­ცე­სებს უცხო­ე­ლი ექ­სპერ­ტე­ბი?

CNN-ის მიერ მომ­ზა­დე­ბულ სტა­ტი­ა­ში მიმ­დი­ნა­რე ვი­თა­რე­ბა­ზე რამ­დე­ნი­მე ექ­სპერ­ტის გა­მოხ­მა­უ­რე­ბას ვხვდე­ბით. რე­პორ­ტაჟ­ში ვკი­თხუ­ლობთ, რომ მომ­ხდა­რი უპირ­ვე­ლეს ყოვ­ლი­სა, და­მამ­ცი­რე­ბე­ლია რუ­სე­თის სა­ხელ­მწი­ფოს­თვის, რო­მე­ლიც სამ­შობ­ლოს თავ­დაც­ვი­სუ­ნა­რი­ა­ნო­ბით ამა­ყობს. ამას­თა­ნა­ვე, ანა­ლი­ზი კურსკის თავ­დას­ხმას უკ­რა­ი­ნის სამ­ხედ­რო­ე­ბის მხრი­დან “თა­მა­მად” და “კონ­ტრინ­ტუ­ი­ტი­უ­რად” მო­იხ­სე­ნი­ებს. ერთ-ერთი ანა­ლი­ტი­კო­სის თქმით, მომ­ხდა­რი “ყვე­ლა­ზე ნაკ­ლე­ბად მო­სა­ლოდ­ნე­ლი ნა­ბი­ჯი” იყო.

ვა­შინგტონ­ში მდე­ბა­რე ომის შეს­წავ­ლის ინ­სტი­ტუ­ტის წარ­მო­მად­გე­ნე­ლი, ჯორჯ ბა­რო­სი ამ­ბობს, რომ უკ­რა­ი­ნე­ლებ­მა "მათ წი­ნა­აღ­მდეგ დიდი ზე­წო­ლის მი­უ­ხე­და­ვად, ოპე­რა­ტი­ულ მო­უ­ლოდ­ნე­ლო­ბას მი­აღ­წი­ეს და ამ­ჟა­მად იყე­ნე­ბენ რუ­სე­თის მო­უმ­ზა­დებ­ლო­ბას მის სა­სა­ზღვრო რა­ი­ო­ნებ­ში". (იმა­ვე ტაქ­ტი­კამ 2022 წლის სექ­ტემ­ბერ­ში გა­მო­ი­ღო შე­დე­გი, რო­დე­საც მათ ერთ კვი­რა­ში და­იბ­რუ­ნეს ოკუ­პი­რე­ბუ­ლი ხარ­კო­ვის რე­გი­ო­ნის დიდი ნა­წი­ლი).

ფი­ნეთ­ში მდე­ბა­რე Black Bird ჯგუ­ფის წევ­რი ემილ კას­ტე­ჰელ­მი, რო­მე­ლიც კონ­ფლიქტს თვალ­ყურს ღია წყა­რო­ე­ბის მეშ­ვე­ო­ბით ადევ­ნებს, ამ­ბობს, რომ "დრო უკ­რა­ი­ნე­ლე­ბის წი­ნა­აღ­მდეგ მუ­შა­ობს - რუ­სე­ბი სა­მუ­და­მოდ დე­ზორ­გა­ნი­ზე­ბულ მდგო­მა­რე­ო­ბა­ში არ დარ­ჩე­ბი­ან".

მა­ში­ნაც კი, თუ უკ­რა­ი­ნე­ლებს წინ­წა­წე­უ­ლი პო­ზი­ცი­ე­ბი­დან უკან და­ხე­ვა მო­უ­წევთ, ასე­თი ოპე­რა­ცია მა­ინც რამ­დე­ნი­მე მი­ზანს ემ­სა­ხუ­რე­ბა.

ბა­რო­სი ამ­ბობს, რომ ეს "რუ­სე­თის გეგ­მე­ბის ზო­გი­ერთ დაშ­ვე­ბას და კრი­ტი­კულ მო­წყვლა­დო­ბას ამ­ჟღავ­ნებს". ხოლო მე­თიუ შმი­დტი, რო­მე­ლიც აშშ-ს არ­მი­ის მე­თა­ურ­თა და გე­ნე­რა­ლუ­რი შტა­ბის კო­ლე­ჯში სტრა­ტე­გი­ულ და ოპე­რა­ტი­ულ და­გეგ­მვას ას­წავ­ლი­და, აღ­ნიშ­ნავს, რომ უკ­რა­ი­ნე­ლე­ბის "ძა­ლის შე­მოქ­მე­დე­ბი­თი გა­მო­ყე­ნე­ბა მოს­კო­ვის გა­და­წყვე­ტი­ლე­ბის მიმ­ღე­ბებ­ზე ზე­წო­ლის მოხ­დე­ნას ისა­ხავ­და მიზ­ნად".

რუსი სამ­ხედ­რო ე.წ. Z-ბლო­გე­რი, ვლა­დის­ლავ შუ­რი­გი­ნი ყო­ვე­ლი­ვე ამას Telegram-ში გა­მოქ­ვეყ­ნე­ბულ პოს­ტში აჯა­მებს.

"მტერ­მა ძა­ლი­ან ოს­ტა­ტუ­რად და ზუს­ტად აირ­ჩია გან­სხვა­ვე­ბუ­ლი სტრა­ტე­გია - რუ­სუ­ლი მარ­თვის სის­ტე­მის ბი­უ­როკ­რა­ტი­უ­ლი სი­ხის­ტი­სა და ინერ­ტუ­ლო­ბის გა­მო­ყე­ნე­ბით, მგრძნო­ბი­ა­რე ინფრას­ტრუქ­ტუ­რა­სა და სა­მო­ქა­ლა­ქო მო­სახ­ლე­ო­ბა­ზე მო­უ­ლოდ­ნე­ლი უწყვე­ტი დარ­ტყმე­ბით, რუ­სე­თის გა­მო­ფიტ­ვა, რაც უკ­მა­ყო­ფი­ლე­ბას, იმედ­გაც­რუ­ე­ბა­სა და აპა­თი­ას იწ­ვევს", - ამ­ბობს ის.

“ატ­ლან­ტი­კუ­რი საბ­ჭოს” წარ­მო­მად­გენ­ლის, დენი­ელ ფრი­დის თქმით, ასე­თი მო­უ­ლოდ­ნე­ლი სამ­ხედ­რო რე­ი­დე­ბის ხან­გრძლი­ვი ის­ტო­რია არ­სე­ბობს - მათ შო­რის ზოგს უმ­ნიშ­ვნე­ლო, ზოგს კი მნიშ­ვნე­ლო­ვა­ნი შე­დე­გე­ბი ჰქონ­და. ის ჯორჯ ვა­შინგტო­ნის თა­მამ მა­ნევ­რს იხ­სე­ნებს, რო­დე­საც მან 1776 წელს დე­ლა­ვე­რის მდი­ნა­რე გა­დაკ­ვე­თა და და­ტყვე­ვე­ბუ­ლი პა­ტიმ­რე­ბი­თა და მა­რა­გით დაბ­რუნ­და, რა­მაც ბრი­ტა­ნე­ლე­ბის წი­ნა­აღ­მდეგ ბრძო­ლის­თვის სუ­ლის­კვე­თე­ბა აა­მაღ­ლა.

ფრი­დი, ევ­რო­პის სა­კი­თხებ­ში აშშ-ს სა­ხელ­მწი­ფო მდივ­ნის ყო­ფი­ლი თა­ნა­შემ­წე, ხაზს უს­ვამს, რომ რუ­სე­თის დაზ­ვერ­ვის მარ­ცხი­სა და სა­ზღვრის გას­წვრივ სი­სუს­ტის დე­მონ­სტრი­რე­ბით, "უკ­რა­ი­ნელ­თა თავ­დას­ხმამ კრემ­ლის ნა­რა­ტი­ვი, რომ უკ­რა­ი­ნუ­ლი წი­ნა­აღ­მდე­გო­ბა უშე­დე­გოა, უკ­რა­ი­ნის მხარ­და­ჭე­რა კი ამაო, გა­ა­ნად­გუ­რა".

იხი­ლეთ ასე­ვე:

• კურსკის ოლ­ქში, ბრძო­ლის წინა ხაზ­ზე აფხა­ზე­თი­დან და სამ­ხრეთ ოსე­თი­დან მო­ხა­ლი­სე­ე­ბი გა­და­იყ­ვა­ნეს - რა კად­რე­ბი ვრცელ­დე­ბა სოცქსელ­ში?
• გავ­რცელ­და ვი­დეო, რო­მელ­შიც ჩანს გა­ნად­გუ­რე­ბუ­ლი რუ­სუ­ლი სამ­ხედ­რო კო­ლო­ნა და სამ­ხედ­რო­ე­ბის ცხედ­რე­ბით სავ­სე მან­ქა­ნე­ბი - რა ხდე­ბა ცნო­ბი­ლი?