NASA-ს ასტრონავტები კოსმოსში 8 დღით გაფრინდნენ, თუმცა იქ მომავალი წლის თებერვლამდე მოუწევთ დარჩენა - "ყველაფერი გეგმის მიხედვით არ წავიდა"
ამერიკელი ასტრონავტები 5 ივნისს საერთაშორისო კოსმოსურ სადგურზე სატესტო მისიაზე გაფრინდნენ, რომელიც 8 დღე უნდა გაგრძელებულიყო, თუმცა ყველაფერი გეგმის მიხედვით არ წავიდა: ამერიკელი ასტრონავტები ბუტჩ უილმორი და სუნიტა უილიამსი საერთაშორისო კოსმოსურ სადგურზე ივნისის დასაწყისში Starliner-ის ხომალდით ჩაფრინდნენ, თუმცა ხომალდის ძრავების გაუმართაობის გამო, შესაძლოა, კოსმოსში 8 დღის ნაცვლად 2025 წლის თებერვლამდე დარჩნენ.
ოთხშაბათს გამართულ ბრიფინგზე ნასას ოფიციალურმა პირებმა განაცხადეს, რომ ჯერჯერობით დაზუსტებით ვერ იტყვიან, როგორ მოაგვარებენ პრობლემას.
"ჩვენი მთავარი ვარიანტია დავაბრუნოთ ბუჩი და სუნი Starliner-ზე", - თქვა სტივ სტიჩმა, Nasa-ს კომერციული ეკიპაჟის პროგრამის მენეჯერმა. ასტრონავტების დასაბრუნებლად ერთი ვარიანტი განიხილება, მათი მიმაგრება მისიაზე, რომლის გაშვებაც სექტემბერში იგეგმება და 2025 წლისთვის დაბრუნდება დედამიწაზე. ნასას ოფიციალურმა პირებმა განაცხადეს, რომ საბოლოო გადაწყვეტილების მიღებას შესაძლოა ერთი კვირა ან მეტი დასჭირდეს.
პრობლემები კოსმოსური ხომალდის საერთაშორისო სადგურთან მიერთების დროს გაჩნდა. მაშინ 28 კორექციის ძრავიდან 5 მწყობრიდან გამოვიდა. ეს ხომალდი Boeing-მა მხოლოდ მესამე მცდელობით გაუშვა.