ქალი “ჰალკი“ ოლიმპიადიდან, უცნაური იმიჯით და მძიმე ბავშობით - რატომ ინიღბება ამერიკელი ბირთვის მკვრელი?
პარიზის 2024 წლის ოლიმპიადაზე ყურადღების ცენტრში თავისი ექსტრავაგანტულობით და უცნაური იმიჯით კიდევ ერთი სპორტსმენი - ამერიკელი ბირთვის მკვრელი რავენ სანდერსი მოექცა.
ტოკიოს ვერცხლის მედალოსანი, რომელიც წინა ოლიმპიადაზე ჰალკის ნიღბით გამოდიოდა.
ის 2024 წლის პარიზის ოლიმპიურ თამაშებზე უფრო თამამი და ფერადი იმიჯით დაბრუნდა. ნახევრად მწავე, ნახევრად იასამნისფერი ვარცხნილობით, შავი ნიღბითა და სათვალით, სანდერსი კიდევ ერთხელ გახდა მოდური ჟურნალების შთაგონება.
საინტერესოა, რატომ ხარჯავს ამხელა ძალისხმევას ის იმიჯის შესაქმნელად და რა დატვირთვა აქვს ნიღბებს სპორტსმენისთვის? - ამის შესახებ სანდერსმა ერთ-ერთ სპორტულ გამოცემასთან ისაუბრა.
მისი თქმით, “ჰალკი“ მისი ალტერ ეგოა. რაც შეეხება თემატურ ნიღბებს, როგორც ბირთვის მკვრელმა თქვა, მას ბავშობიდან არავინ ჰყავდა მრჩეველი, მამოტივირებელი და ისეთი ადამიანი, ვინც მასზე იზრუნებდა.
- “ამიტომ საკუთარი თავის მხარდამჭერი ყოველთვის მხოლოდ მე ვიყავი. როდესაც მიჭირდა, ყოველთვის ვეუბნებოდი ჩემს თავს: შენ ეს შეგიძლია, შენ ამას გააკეთებ, შენ მეტს იმსახურებ! უნდა იბრძოლო, იშრომო, ივარჯიშო და ყველაფერი გამოვა. ასე შევძელი მიმეცა ჩემი თავისთის ძალა“, - თქვა მან და აღნიშნა, რომ სწორედ ასეთმა შემართებამ მოიყვანა დღემდე.
ფანებს მისი გარეგნობა ძალიან მოსწონთ.
“რავენ სანდერსის შესახებ აქამდე არ მსმენია, მაგრამ ახლა ვაღმერთებ მას“, - დაწერა ერთ-ერთმა X-ზე.
იხილეთ ასევე:
- სპორტსმენი, რომელსაც ოლიმპიური ოცნების ასრულებაში ხელი საკუთარმა სხეულმა შეუშალა - ინტერნეტვარსკვლავად ქცეული ფრანგი დუმილს არღვევს
- "ამას შეუძლია გაანადგუროს ადამიანი, შეუძლია მოკლას... სწორედ ამის გამო, ვთხოვ ყველას, თავი შეიკავონ ბულინგისგან" - რას ამბობს იმანე ხალიფი