194 ადამიანი დაიღუპა, თითქმის 200-ს კი ეძებენ - დელიში რეკორდული რაოდენობის ნალექი მოვიდა
ოთხშაბათიდან ხუთშაბათის დილამდე, დელის აღმოსავლეთ ნაწილებში ინდოეთის მეტეოროლოგიური დეპარტამენტის (IMD) მიერ 147 მმ წვიმა დაფიქსირდა, რაც 14-წლიან პერიოდში, ერთ დღეში ყველაზე მაღალი ნალექის რაოდენობის რეკორდული მაჩვენებელია.
- კოკისპირულმა წვიმამ მთელ ჩრდილოეთ ინდოეთში დააზიანა ინფრასტრუქტურა, რადგან წყლით გაჯერებულმა სადრენაჟო სისტემებმა უეცარი წყალდიდობები გამოიწვია.
სახელმწიფო წარმომადგენლის განცხადებით, კერალაში მეწყერები დაახლოებით 572 მმ წვიმამ გამოიწვია, რომელიც 48 საათის განმავლობაში მოდიოდა.
შედეგად, სულ მცირე 194 ადამიანი დაიღუპა და თითქმის 200 ადამიანი კვლავ დაკარგულად ითვლება. 8,300-ზე მეტი ადამიანი მთავრობის მიერ მართულ დახმარების ბანაკებში, რაიონშია გადაყვანილი.
IMD-მ ამინდის შესახებ მოსახლეობა გააფრთხილა - მათი ინფორმაციით, ამ კვირის განმავლობაში იქნება იზოლირებული და "უკიდურესად ძლიერი წვიმა", რაც ნალექის უმაღლეს ზღვარს გულისხმობს.
ნალექის რაოდენობამ შეიძლება ზოგიერთ ადგილას 200 მმ-ს გადააჭარბოს, უფრო მეტ ადგილას კი 60-100 მმ-ს მაინც მიაღწიოს. შედეგად, ზოგიერთი სკოლა და ოფისი დახურული იქნება. ხელისუფლებამ მოსახლეობას სიფხიზლისკენ მოუწოდა, რადგან შემდგომი წვიმა და მისგან გამოწვეული წყალდიდობა სავსებით მოსალოდნელია.