ჯენიფერ ლოპესი და ბენ აფლეკი შორდებიან - "მათ ყველაფერი სცადეს, მაგრამ შერიგება ვერ შეძლეს"
DailyMail.com-ის ცნობით, ბენ აფლეკი და ჯენიფერ ლოპესი განქორწინდებიან. როგორც გამოცემა წერს, ბოლო კვირებში მათი შერიგების მცდელობები ჩაიშალა. რამდენიმე წყარო ამტკიცებს, რომ წყვილის განქორწინების დოკუმენტები "დასრულებულია, მაგრამ ჯერ ჩაბარებული არ არის".
- განქორწინების შესახებ ინფორმაცია მას შემდეგ გავრცელდა, რაც ბენმა ახალი, 20.5 მილიონ დოლარიანი სასახლე შეიძინა. სახლი აფლეკმა 24 ივლისს, ჯენიფერის დაბადების დღეზე იყიდა
ლოპესის მეგობრები ამბობენ, რომ აფლეკის მიერ სახლის შეძენა ჯეილოს დაბადების დღეზე, მომღერლისთვის "გულში დანის დარტყმა" იყო. რამდენიმე დღით ადრე წყვილმა თავიანთი ბევერლი ჰილზის სასახლე 68 მილიონ დოლარად გაყიდა.
- People-ის ინფორმაციით, 24 ივლისს ლოპესმა ასევე თავისი ოთხოთახიანი ნიუ-იორკის პენტჰაუსი 23 მილიონ დოლარად გაყიდა.
"მათ ერთი თვის წინ დაასრულეს განქორწინების საბუთების შედგენა, მაგრამ შესაბამის დროს ელიან მათ წარსადგენად," - განაცხადა წყვილთან დაახლოებულმა ერთ-ერთმა წყარომ.
"ერთობლივ განცხადებას გაავრცელებენ, რომელშიც იტყვიან, რომ ძალიან უყვართ ერთმანეთი და იბრძოდნენ იმისთვის, რომ ურთიერთობა გამოსულიყო, მაგრამ ვერ შეძლეს", - ამბობს წყარო.
წყვილი ბოლოს ერთად 30 მარტს დააფიქსირეს. ზაფხული მათ ცალ-ცალკე გაატარეს.
- ინფორმაცია აფლეკისა და ლოპესის ქორწინებაში არსებული პრობლემების შესახებ მაისში გავრცელდა. ჯერჯერობით არც ჯენიფერს და არც ბენს ოფიციალური განცხადება არ გაუვრცელებია.