მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
ხუთშაბათი, მთვარის მეთორმეტე დღე დაიწყება 16:43-ზე, მთვარე სასწორში გადავა 11:07
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვირმა შენზე მეტი იცის.." - დაპირისპირება მასკსა და მადუროს შორის, მილიარდერი მას ბრძოლაში იწვევს და თუ წააგებს, მარსზე უფასოდ გაშვებას ჰპირდება
12:57 / 01-08-2024
SpaceX-ს და Tesla-ს ხელმძღვანელი, სოციალურ ქსელ X-ის მფლობელი, ილონ მასკი კაპიტალიზმის ხატებაა, რომელიც დონალდ ტრამპს უჭერს მხარს, ეს კი იმას ნიშნავს, რომ ის წარმოადგენს ყველაფერს, რაც სძულს ვენესუელას პრეზიდენტს, სოციალისტ მადუროს.
ბოლო დღეებში, ნავთობით მდიდარი, მაგრამ ფულით ღარიბი ვენესუელას ლიდერი, მადურო მასკზეა კონცენტრირებული და "მტერს" უწოდებს.
მადურო ამბობს, რომ მასკი მხარს უჭერს ვენესუელაში არეულობას და უფრო მეტიც, აქეზებს სიტუაციის კიდევ უფრო ესკალაციას. მან მასკი ვენესუელას საარჩევნო საბჭოს ვებგვერდზე განხორციელებულ "ჰაკერულ შეტევაში" დაადანაშაულა.
"დარწმუნებული ვარ, ყველაფერი ილონ მასკის მიერ არის მართული", - აცხადებს მადურო.
- "ვენესუელა შიდა და საერთაშორისო აგრესიის წინაშე დგას მსოფლიო ძალების მხრიდან. ახლა აშკარაა, რომ ილონ მასკი შეპყრობილია იდეით, დაიპყროს ვენესუელა და მართოს ის საზღვარგარეთიდან. ის დიდწილად პასუხისმგებელია ამ თავდასხმებსა და აგრესიულ ქმედებებზე," - განაცხადა ნიკოლას მადურომ.
ილონ მასკი მადუროს პოლიტიკას რეგულარულად აკრიტიკებს და ამ თემასთან დაკავშირებით X-ზე ხშირად აქვეყნებს მოსაზრებებს.
"დროა, ვენესუელას ხალხს უკეთესი მომავლის შანსი მიეცეს. მხარი დაუჭირეთ მარია კორინას!" - წერდა მილიარდერი ვენესუელაში არჩევნების გამართვამდე.
არჩევნების შედეგების გამოცხადების შემდეგ, მასკმა დაწერა: "სირცხვილი დიქტატორ მადუროს. რა ფარსია".
- ილონ მასკის პოსტებმა ნიკოლას მადუროს აღშფოთება გამოიწვია:
"მას სურს მოვიდეს თავისი იარაღით და არმიით ვენესუელის დასაპყრობად. ილონ მასკ, კარგია, რომ სახე გამოაჩინე, რადგან ვიცოდით, რომ ყველაფრის უკან შენ იყავი! შენი ფულით და შენი თანამგზავრებით. მას მსოფლიოს კონტროლი უნდა, უკვე აკონტროლებს არგენტინას... გინდა ბრძოლა? ილონ მასკ, მე მზად ვარ. მე ბოლივარისა და ჩავესის შვილი ვარ, არ მეშინია შენი, ილონ მასკ... ხალხმა დაამარცხა ილონ მასკის ბოტები, ჩვენ დავამარცხეთ ილონ მასკის ბოტები!" - თქვა მადურომ.
- მასკმა პასუხი ესპანურად გასცა: "ვირმა მადუროზე მეტი იცის", - წერს მილიარდერი.
მოგვიანებით კი დაამატა: "ბოდიშს ვიხდი, რომ საწყალი ვირი მადუროს შევადარე. ეს შეურაცხყოფა იყო ცხოველთა სამეფოსთვის".
როდესაც მასკისა და მადუროს დაპირისპირების შესახებ ინფორმაცია ვირუსულად გავრცელდა, მასკმა განაცხადა, რომ მადუროს ფიზიკურად დაუპირისპირდება და წაგების შემთხვევაში, მადუროს მარსზე უფასო მგზავრობას შესთავაზებს.
"ილონ მასკ, მოდი, ვიჩხუბოთ," - მიმართა მასკს მადურომ პრესკონფერენციაზე.
"ჩამოდი აქ, პოლიედროზე (სტადიონი), მხოლოდ შენ და მე. თუ დაგამარცხებ, ილონ მასკ, მივიღებ შენს შეთავაზებას მარსზე მოგზაურობის შესახებ, მაგრამ შენც ჩემთან ერთად წამოხვალ", - განაცხადა ვენესუელას პრეზიდენტმა.
- შეგახსენებთ, ვენესუელის საარჩევნო კომისიის მიერ გამოცხადებული შედეგების მიხედვით, ქვეყნის საპრეზიდენტო არჩევნებში ნიკოლას მადურომ გაიმარჯვა. მან არჩევნებში ხმების 51% მიიღო, ხოლო მისმა მოწინააღმდეგემ, ედმუნდო გონსალესმა 44%. ოპოზიციის ლიდერმა, მარია კორინა მაჩადომ განაცხადა, რომ არჩევნებში მათმა წარმომადგენელმა გაიმარჯვა და გონსალესმა ამომრჩეველთა ხმების 70% მოიპოვა. ვენესუელაში ათასობით ადამიანი არჩევნების შედეგებს აპროტესტებს. ვენესუელის დედაქალაქსა და სხვა დიდ ქალაქებში უსაფრთხოების ძალები და აქციის მონაწილეები, რომლებიც არჩევნებს გაყალბებულად აცხადებენ, ერთმანეთს დაუპირისპირდნენ. ფრანგული მედიაკომპანია RFI-ის ცნობით, საპროტესტო აქციებზე 11 ადამიანი დაიღუპა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
