"არ მჯერა, ორგზის ოლიმპიური ჩემპიონი ვარ, საქართველოს ისტორიაში შევედი. ჩემი გამარჯვება თქვენ გეძღვნებათ... მიყვარხართ გულში" - ლაშა ბექაურის პირველი კომენტარი
"არ მჯერა, ორგზის ოლიმპიური ჩემპიონი ვარ, საქართველოს ისტორიაში შევედი..." - ასე უპასუხა ორგზის ოლიმპიურმა ჩემპიონმა ლაშა ბექაურმა კითხვას, თუ რას გრძნობდა გამარჯვების შემდეგ...
"მინდა ჩემმა ხალხმა იცოდეს, რომ ის ქართული გენი, რითაც დღემდე მოვედით, ისევ არსებობს და მიხარია, რომ ჩემში არის ეს ყველაფერი თავმოყრილი. მადლობა უფალს.
ეს გამარჯვება თქვენ გეძღვნებათ, ეს ოქროს მედალი, ეს ისტორიული მედალი თქვენია, მიყვარხართ გულში“, - მიმართა ბექაურმა გულშემტაკივარს გამარჯვების შემდეგ, რომლის კომენტარსაც საქართველოს ოლიმპიური კომიტეტი ავრცელებს.
ლაშა ბექაურმა პარიზის ოლიმპიადაზე, ფინალში იაპონელი მეტოქე სანშირო მურაო დაამარცხა და ორგზის ოლიმპიური ჩემპიონი გახდა. ამ გამარჯვებით ბექაურმა საქართველოს ნაკრებს პარიზის ოლიმპიადაზე პირველი ოქროს მედალი მოუტანა. ამ დროისთვის, საქართველოს ნაკრებს 2024 წლის ზაფხულის ოლიმპიურ თამაშებზე ორი მედალი აქვს - ერთი ოქრო, ერთი ვერცხლი. საქართველოს ნაკრებს ვერცხლის მედალი მსოფლიოს სამგზის ჩემპიონმა, ტატო გრიგალაშვილმა მოუტანა.
იხილეთ ასევე: