ილია თოფურია, "კვარა", ნონა გაფრინდაშვილი, არჩილ არველაძე და სხვები - ვინ როგორ ულოცავს ლაშა ბექაურს ოლიმპიურ ჩემპიონობას?
საქართველომ პარიზის ოლიმპიადაზე პირველი ოქროს მედალი მოიპოვა, მეორედ გახდა ოლიმპიური ჩემპიონი ლაშა ბექაური, რომლის გამარჯვებასაც ცნობილი ქართველი სპორტსმენები ეხმაურებიან:
“გილოცავთ! ბრავო, ლაშა, ვამაყობთ შენით”, - წერს "ფეისბუქის“ პირადად გვერდზე ვეტერანი ფეხბურთელი არჩილ არველაძე.
"იმსახურებ, ლაშა, ჩემო ძმაო. ელიტარული სპორტსმენი და უკეთესი პიროვნება…“, - წერს UFC-ის ჩემპიონი ილია თოფურია "ფეისბუქში“, "ინსტაგრამზე“ კი ლაშას ფოტოთი სთორის აქვეყნებს.
ამავე სოციალური ქსელით ულოცავს ლაშას გამარჯვებას კიდევ ერთი პროფესიონალი მებრძოლი მერაბ დვალიშვილი, რომელიც წერს: "გილოცავ, ჩემი ძმაო“.
ლაშას "ინსტაგრამში“ რამდენიმე სთორის უძღვნის საქართველოს ნაკრებისა და "ნაპოლის“ ვარსკვლავი ხვიჩა კვარაცხელია.
“გილოცავ, საქართველო!” - წერს ლეგენდარული მოჭადრაკის ნონა გაფრინდაშვილის ოფიციალური გვერდი "ფეისბუქში“ და ლაშას ფოტოს აქვეყნებს.
ბექაურის ჩემპიონობას "ინსტაგრამის“ სთორებით ეხმაურებიან საქართველოს ეეროვნული ნაკრების ფეხბურთელები: ზურიკო დავითაშვილი და გიორგი ჩაკვეტაძე.
იხილეთ ასევე:
