ეთერ ლიპარტელიანი ბრაზილიელ მეტოქესთან დამარცხდა, თუმცა მესამე ადგილისთვის ბრძოლას აგრძელებს
ეთერ ლიპარტელიანი ბრაზილიელ მეტოქესთან რაფაელა სილვასთან დამარცხდა და რეპეშაჟში გადაინაცვლა.
2024 წლის პარიზის ოლიმპიადაზე ძიუდოს მესამე საშეჯიბრო დღეს, ეთერ ლიპარტელიანი (57 კგ) ასპარეზობს.
ეთერი ასპარეზობაში პირველივე წრიდან ჩაერთო და დიდი ბრიტანეთის სახელით მოასპარეზე ლელე ნაირნე დაამარცხა, მერვედფინალში კი უზბეკი შუხურჯონ ამინოვა დაამარცხა.
შეგახსენებთ, დღეს საქართველოს ნაკრების სახელით ტატამზე ლაშა შავდათუაშვილიც წარსდგა, 32 წლის სპორტსმენი პირველ წრეში ფრანგ ჟოან-ბენჟამინ გაბასთან დამარცხდა და ასპარეზობას გამოეთიშა.