მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამგზის ოლიმპიური ჩემპიონის ახალი გამოწვევა - ვინ არის Paris2024-ის საორგანიზაციო კომიტეტის ქარიზმატული პრეზიდენტი, რომელიც გახსნის სკანდალური შოუს მთავარი შემოქმედია?
11:50 / 29-07-2024
2024 წლის პარიზის ოლიმპიური თამაშების ორგანიზატორი ტონი ესტანგე theguardian - თან საუბრობს, თუ როგორ იგეგმებოდა და ემზადებოდნენ წლის ყველაზე დიდებული წარმოდგენისთვის.
“საკმაოდ უცნაური შეგრძნება უნდა იყოს. თქვენ ხართ პასუხისმგებელი ყველაზე დიდ ღონისძიებაზე, რომელიც ქვეყანაში ოდესმე დადგმულა“, - შეკითხვაზე 2024 წლის ოლიმპიური თამაშების საორგანიზაციო კომიტეტის ხელმძღვანელი პასუხობს, რომ "ეს ძალიან უცნაური გრძნობაა".
”ნამდვილად ძალიან უცნაური გრძნობაა. მე ვარ სამხრეთ-დასავლეთ საფრანგეთის პატარა ქალაქიდან. სპორტის სახეობა, რომელშიც მე გამოვდიოდი, ძალიან უმნიშვნელო იყო. მაგრამ ახლა აქ ვარ. ყველანი აქ ვართ”, - პასუხობს ტონი ესტანგე.
პარიზი 2024 - ეს არის 10 500 კონკურსანტი, 329 ღონისძიება, 4,500 თანამშრომელი, 40 000 მოხალისე, 10 მილიონი მაყურებელი, 4 მილიარდი ტელემაყურებელი - 160 ნავის აღლუმით სენას გასწვრივ.
ცერემონიალს 45 000-ზე მეტი პოლიციელი და უსაფრთხოების ოფიცერი მეთვალყურეობდა. ქვეყნების ეროვნულმა გუნდებმა ღვთისმშობლის ტაძრიდან ეიფელის კოშკამდე გაიარეს, რასაც სენის ნაპირებთან 300 000 მაყურებელი აკვირდებოდა. ამას თან ახლდა განათების სპეცეფექტები, მუსიკალური და სხვა სახის გაფორმებები.
ესტანგე არის კარგი მოსაუბრე და სამგზის ოლიმპიური ჩემპიონი, რომელმაც ინდივიდუალური ოქრო ნიჩბოსნობის სლალომში სიდნეის, ათენისა და ლონდონის თამაშებზე მოიპოვა.
"ეს არის პირველი დიდი მომენტი, როდესაც ჩვენ ვაჩვენებთ მსოფლიოს, რომ ეს თამაშები ნამდვილად განსხვავებული იქნება. ოლიმპიური თამაშები, ყოველი მასპინძელი ქვეყნისთვის საუკუნეში ერთხელ ხდება. ეს არის საუკუნეში ერთი შანსი, რომ წარმოჩინდე საუკეთესო უპირატესობით, გააკეთო რაღაც მართლაც სანახაობრივი, რაც შეიძლება ყველაზე თვალშისაცემი სპექტაკლი“, - ამბობს 46 წლის ჩემპიონი..
“საორგანიზაციო გუნდის ლოზუნგი იყო “გამბედაობა და ამბიცია“, - ამბობს ის:
“პარიზი განსაკუთრებული ქალაქია და ჩვენ გვინდოდა გაგვეკეთებინა რაღაც განსაკუთრებული, რაღაც მართლაც განსხვავებული - თავად ქალაქი ვაქციეთ მთავარ წერტილად. სპორტი სტადიონიდან გავიტანეთ“.
ღონისძიების მთავარ ხაზად ქალაქის თხუთმეტი ყველაზე ცნობილი ღირსშესანიშნაობა იქცა.
მიუხედავად მისი თავმდაბალი ხასიათისა, ამბიცია და გამბედაობა არ არის ის თვისებები, რაც აკლია ესტანგეს.
ის 1978 წლის 6 მაისს პირენეის ქალაქ პაუში, სპორტის მასწავლებლების მშობლების ოჯახში დაიბადა და გახდა უმაღლესი კლასის სპორტსმენი, როდესაც სიდნეის ოლიმპიურ თამაშებზე საფრანგეთის ერთადერთი კანოეს სლალომის ადგილისთვის უნდა შებრძოლებოდა თავის უფროს ძმას.
საერთაშორისო დონეზე 1994 წლიდან 2012 წლამდე ასპარეზობდა.
“ყოველთვის ვაკვირდებოდი ჩემს ძმას, ის ჩემთვის მისაბაძი მაგალითი იყო. მოგვიანებით მან იმდენი რამ მასწავლა, მწვერვალზე ამიყვანა“, - აცხადებს ჩემპიონი.
წლების განმავლობაში ძმები, როგორც კანოეს სლალომის ნაკრების წევრები, ერთად ასპარეზობდნენ საფრანგეთის, ევროპისა და მსოფლიო ჩემპიონატებზე.
1996 წლის ატლანტაში გამართულ თამაშებზე მასზე ხუთი წლით უფროსმა ძმამ - პატრისმა, ბრინჯაო მოიპოვა. მაგრამ, როდესაც შემდეგი თამაშებისთვის საკვალიფიკაციო პროცესი დაიწყო, ძმებმა გააცნობიერეს, საფრანგეთის პირველობისთვის ერთმანეთთან მოუწევდათ შეჯიბრება. ტონიმ მოიგო საფრანგეთის საკვალიფიკაციო მატჩები და გააგრძელა ოქროს მოპოვება სიდნეიში. ოთხი წლის შემდეგ, ათენში წამის 12/100-ით დაამარცხა ადამიანი, რომელიც ორი ათწლეულის განმავლობაში მისი ყველაზე დიდი მეტოქე იქნებოდა.
საერთო ჯამში მან 3 ოლიმპიური ოქრო მოიგო: პირველი, 2000 წელს სიდნეის ოლიმპიადაზე, მეორე - 2004 წელს ათენში და მესამე - 2012 წელს ლონდონში.
სპორტული მენეჯმენტის ორწლიანი სწავლის შემდეგ, ესტანგემ იცოდა, რომ სპორტის ადმინისტრაცია იყო ის, სადაც მას სურდა მუშაობის გაგრძელება. იგი მალევე აირჩიეს საერთაშორისო ოლიმპიური კომიტეტის სპორტსმენთა კომისიაში და გახდა პირველი ფრანგი სპორტსმენი, რომელმაც ეს გააკეთა.
“მთავარია სიმკაცრე, დისციპლინა და პასუხისმგებლობა: უნდა გაიაზრო, რომ ყოველდღე უნდა ივარჯიშო, ბევრი იმუშაო იმაზე, რაც არ იცი. სპორტში არაფერი ხდება ისე, როგორც თქვენ მოელით. ყოველთვის იქნება კონკურენტი, რომლის შესახებაც არაფერი იცოდით. შესაძლოა ეს იყოს ამინდი, თუმცა აუცილებლად უნდა გაუმკლავდეთ“ , - აცხადებს ტონი გამოცემასთან.
მოულოდნელი გამოწვევების საკმაოდ დიდი წილი პარიზის 2024 წლის ოლიმპიური თამაშების დაგეგმვასაც ჰქონდა. Covid-ის პანდემიამ რამდენიმე წლის განმავლობაში გაურკვევლობა გამოიწვია მთელ მსოფლიოში. ამის შემდეგ, რუსეთის შეჭრამ უკრაინაში შექმნა დიდი ეკონომიკური პრობლემები.
“როცა 4 მილიარდი ევროს ბიუჯეტზე საუბრობთ, 15%-იანი ინფლაციის მაჩვენებელი ძალიან დიდი საქმეა“, - ამბობს ესტანგე.
”ჩვენ უნდა შეგვემცირებინა სეტების რაოდენობა. მაგალითად, ტანვარჯიში და კალათბურთი ერთ სივრცეში გაერთიანდა და ა.შ. ოლიმპიური თამაშების ორგანიზება ყველაზე დიდი კოლექტიური ძალისხმევაა. სპორტსმენები, დაცვა, ტრანსპორტი, ხალხი, პოლიტიკოსები, პროფკავშირები, სპონსორები, პოლიცია, ადგილობრივი თანამდებობის პირები... ყველამ უნდა იაროს ერთი მიმართულებით...“
ტონი ესტანგეტს და მის მეუღლეს, ლეტიციას სამი ვაჟი ჰყავს - 16 წლის ტიტუანი, 12 წლის გაბინი და 11 წლის ლეანდრე. ოჯახი ქალაქ პაუში ცხოვრობს. როგორც ჩემპიონმა ერთ - ერთ მედიასაშუალებასთან თქვა, მას ურჩევნია შვილები პატარა, წყნარ ქალაქში გაზარდოს. აღსანიშნავია, რომ თავად ტონიც პაუში დაიბადა და გაიზარდა.
მისი მეუღლე, ლეტიცია პროფესიით პედაგოგია.
ასევე იხილეთ:
- "არასდროს ყოფილა განზრახვა რელიგიური ჯგუფების მიმართ უპატივცემულობის გამოჩენა" - ოლიმპიადის საორგანიზაციო ჯგუფი სკანდალური სცენის გამო ბოდიშს იხდის
- რატომ დაახვედრეს "ანტისექს" საწოლები ოლიმპიელებს: რეალობა ვირუსულად გავრცელებულ კადრებზე - "პლანეტის ყველაზე ძლიერი კაციც მუყაოს საწოლზე დააწვინეს"
- წვიმამ და დივერსიის საფრთხემ პარიზის ოლიმპიადის გახსნას ვერაფერი დააკლო - გრანდიოზული სანახაობა: აღლუმი სენაზე, ლედი გაგა, მეჩირაღდნე ზინედინ ზიდანი და "ფრანგული სასწაული" (ფოტოები)
- ვინ როდის იწყებს ასპარეზობას? - ზაფხულის XXXIII ოლიმპიურ თამაშებზე ქართველი ოლიმპიელების გამოსვლის განრიგი
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
