“კეთილი სულების გარემოცვაში ვიყავი“ - რას ჰყვება სიერა ნევადას უდაბნოში დაკარგული 70 წლის მოლაშქრე, რომელიც ხუთდღიანი ძებნის შემდეგ იპოვეს (ვიდეო)
სიერა ნევადას უდაბნოში დაკარგული 70 წლის მოლაშქრე ხუთდღიანი ძებნის შემდეგ ცოცხალი იპოვეს.
ოფიციალური პირების განცხადებით, დაკარგული უორენ ელიოტი დილის 8 საათზე დააფიქსირა სხვა მოლაშქრეთა ჯგუფმა, როდესაც ისინი კალიფორნიის წყალსაცავთან, დაახლოებით 10 მილის დაშორებით ტბა ტაჰოს დასავლეთით გადაადგილდებოდნენ.
ვიდეოში ჩანს, რომ მამაკაცი საკმაოდ დაუძლურებულია და გადაადგილება უჭირს.
“ელიოტი სასწაულებრივად გადარჩა. მან გულიანი აპლოდისმენტები დაიმსახურა“, - წერს უწყება.
მოგვიანებით უორენ ელიოტმა განაცხადა, რომ ტერიტორიას კარგად იცნობდა, თუმცა დაახლოებით ღამის 3 საათი იყო, გზას კარგად ვერ ხედავდა და ერთმა არასწორმა შეხვევამ გამოიწვია აბნევა.
“კეთილი სულების გარემოცვაში ვიყავი“, - მან ეს ერთადერთი კომენტარი გააკეთა და შენდეგ ოჯახის წევრებს შეხვდა.
პოლიცის თქმით, ელიოტი გადარჩა მდინარის წყლის მიღებით და ველური კენკრის ჭამით. მას სხეულზე დაზიანებები არ აღენიშნება.
ასევე იხილეთ: