7
მაისიდღის ზოგადი ასტროლოგიური პროგნოზი
Upgaming-ი საზაფხულო აქტივობების სერიას აგრძელებს. ამჯერად კომპანიის თანამშრომლების გასვლითი შეჯიბრი ყველაზე ექსტრემალურ და ტექნიკურ-სპორტულ თამაშში - ფეინთბოლში გაიმართა. მასში მონაწილეობა მიიღო კომპანიის 100-მდე თანამშრომელმა, რომლებიც 12 გუნდად იყვნენ წარმოდგენილები და პირველი ადგილის მოსაპოვებლად იბრძოდნენ.
ტურნირი ტყეში სპეციალურად მოწყობილ სივრცეში გაიმართა, ყველაზე რეალისტურ გარემოში, რის გამოც მონაწილეებისთვის ის კიდევ უფრო დაძაბული და საინტერესო აღმოჩნდა. გამარჯვებული გახდა Upgaming-ის ციფრული პროდუქტების გუნდი, რომელსაც კომპანიის მიერ დაწესებული პრიზი გადაეცა.
“ამ ექსტრემალური და საოცრად სახალისო ტურნირის განმავლობაში საშუალება მოგვეცა, თანამშრომლები არაფორმალურ გარემოში დავახლოვებოდით ერთმანეთს, უკვე განსხვავებული მიზნისთვის გავერთიანებულიყავით ერთ გუნდად და საერთო ძალებით მოგვეპოვებინა გამარჯვება. ვფიქრობ, ეს მოვახერხეთ, რადგან მთელი შეჯიბრის განმავლობაში იგრძნობდა საოცარი ტემპი და საბრძოლო სულისკვეთება. გამარჯვება კი ამ დღის საუკეთესო დასასრული იყო. მსგავსი აქტივობები განტვირთვისთვის მართლაც არაჩვეულებრივი საშუალებაა და სასიამოვნოა, რომ ამის შესაძლებლობა მთელი ზაფხულის განმავლობაში გვაქვს“, - აღნიშნაა გამარჯვებული გუნდის კაპიტანმა, Upgaming-ის Front end developer-მა საბა ხარაიშვილმა.
როგორც კომპანიის HR ჯენერალისტი მარიამ ზუმბაძე აღნიშნავს, თამაში ძალიან საინტერესო, ტაქტიკური და ექსტრემალური იყო, არც ერთ გუნდს არ აკლდა გუნდური საბრძოლო სულისკვეთება. მისივე თქმით, Upgaming-ის მიერ ორგანიზებული გასვლითი გუნდური ღონისძიებები, დასაქმებულთა ფიზიკური და მენტალური ჯანმრთელობის ხელშეწყობას ემსახურება:
“ჯანსაღი ცხოვრების წესის პოპულარიზაციისთვის, მეტი მოძრაობის, ფიზიკური აქტივობისთვის და უბრალოდ დროის მხიარულად და ჯანსაღად გასატარებლად მთელი ზაფხულის განმავლობაში დაგეგმილია სხვადასხვა გარე სპორტული ღონისძიება, რაც ჩვენი კორპორაციული კულტურის მეტი ენერგიითა და ხალისით შევსებას ემსახურება“, - განმარტა მარიამ ზუმბაძემ.
აღსანიშნავია, რომ კამპანიის ფარგლებში უკვე მოეწყო ორი გასვლითი აქტივობა, რომელშიც Upgaming-ის ათობით თანამშრომელი ჩაერთო და არაფორმალურ გარემოში, ქალაქგარეთ დრო საინტერესოდ და მხიარულად გაატარა.
მიმდინარე სეზონზე დაგეგმილია კიდევ სამი გასვლითი ღონისძიება, რომელშიც მონაწილეობას საერთაშორისო ტექნოლოგიური კომპანია Upgaming-ის მთელი გუნდი მიიღებს.
R
