"ცახალმა" იემენში ჰუსიტების საზღვაო პორტი დაბომბა - ისრაელი აცხადებს, რომ რეიდებს კვლავაც გააგრძელებს: რა შეიძლება იყოს ჰუსიტების პასუხი?

• "არსენალი" - ირაკლი ალადაშვილის ბლოგი

ისრაელს ყელში ამოუვიდა ჰუსიტების რაკეტების მოგერიება...

20 ივლისის საღამოს იემენში, ჰოდაიდას საზღვაო პორტში, რომელსაც ჰუსიტები აკონტროლებენ, მძლავრი აფეთქებები მოხდა...

ისრაელი, რომელიც როგორც წესი, არ აღიარებს მის მიერ განხორციელებული სამხედრო ოპერაციების ავტორობას, ამჯერად არღვევს ტრადიციას და "ცახალი“ოფიციალურად აცხადებს, რომ "ჰუსიტების ცხრათვიანი მუდმივი საჰაერო თავდასხმების შემდეგ ისრაელის F-15I -ებმა 1 800 კმ-ზე შორს მანძილზე განახორციელეს მასობრივი დარტყმები წითელ ზღვაში, ჰოდაიდოს საზღვაო პორტის რაიონში განთავსებულ ჰუსიტების სამხედრო ობიექტებზე“...]

ისრაელის მძლავრი შურისძიება მას შემდეგი გახდა გარდაუვალი, რაც ერთი დღით ადრე ჰუსიტების მხრიდან გაშვებულმა კამიკაძე-დრონმა თითქმის ორი ათასი კმ-იიფრინა, გადალახა ისრაელის ასე ნაქები საჰაერო თავდაცვის "რკინის გუმბათი“ და თელ-ავივში, აშშ-ის საელჩოს კომპლექსიდან ასიოდე მეტრში აფეთქდა. როგორც ჩანს, ისრაელის სამხედრო-პოლიტიკურმა ხელმძღვანელობამ სწრფადვე მიიღო ჰუსიტებზე შურისძიების გადაწყვეტილება და ოპერატიულად დაგეგმა

და განახორციელა მთელი საჰაერო ოპერაცია, რომელშიც 12 სამხედრო თვითმფრინავი მონაწილეობდა, მათ შორის დამრტყმელი F-15I და F-35I-ები, ასევე რადიოელექტრონული ბრძოლის თვითმფრინავები და საჰაერო ტანკერები, რომ ეს საავიაციო არმადა ჰაერში საწვავით დამატებით გაეწყო, რათ ამათ 1 800 კმ-ის რადიუსში შეესრულებინათ საბრძოლო დავალება და უკან დაბრუნებულიყვნენ... გააგრძელეთ კითხვა

იხილეთ ასევე:

• "თავს დავესხმებით ყველა იმ გემს, რომლებიც წითელი ზღვის გავლით, ისრაელში მიემართებიან" - ვინ არიან ჰუსიტები და რატომ უტევენ სავაჭრო გემებს?