8
მაისიდღის ზოგადი ასტროლოგიური პროგნოზი
აშშ-ის მოქმედი პრეზიდენტი, ჯო ბაიდენი აცხადებს, რომ ნოემბრის საპრეზიდენტო არჩევნებში თავის კანდიდატურას ხსნის.
- “თქვენს პრეზიდენტად მსახურება უდიდესი პატივი იყო. მიუხედავად იმისა, რომ ჩემი განზრახვა საპრეზიდენტო არჩევნებში ჩემი კანდიდატის ხელახლა წარდგენა იყო, პარტიისა და ქვეყნის საუკეთესო ინტერესებშია ჩემი გადადგომა და მხოლოდ პრეზიდენტის მოვალეობების შესრულებაზე ფოკუსირება დარჩენილი ვადის განმავლობაში“, - წერს 81 წლის ბაიდენი X-ზე.
“დემოკრატიული პარტიის“ ლიდერის თქმით, მისი გადაწყვეტილების დეტალებზე ამერიკელ ხალხს ამ კვირის ბოლოს დეტალურად გაესაუბრება
ამ ნაბიჯით მან გზა გაუხსნა ვიცე-პრეზიდენტს კამალა ჰარისს. სავარაუდოდ, სწორედ ის ცდის არჩევნებში ბედს.
reuters -ი ანონიმურ წყაროზე დაყრდნობით წერს, რომ ჯერ კიდევ შაბათს საღამოს, ბაიდენი 2024 წლის საპრეზიდენტო არჩევნებში დარჩენას გეგმავდა, თუმცა “ყველაფერი ძალიან სწრაფად შეიცვალა“.
"დღეს დაახლოებით 13:45 საათზე: პრეზიდენტმა თავის გუნდს განუცხადა, რომ გადაიფიქრა", - ავრცელებს სააგენტო წყაროზე დაყრდნობით.
ბაიდენს კანდიდატის მოხსნისკენ “დემოკრატიული პარტიის“ მხარდამჭერები და კოლეგებიც მოუწოდებდნენ. ერთ-ერთი ყველაზე ხმაურიანი ჯორჯ კლუნის წერილი იყო. მსახიობი პრეზიდენტს სთხოვდა, რომ “მას დემოკრატია გადაერჩინა“ და უარი ეთქვა ნოემბერში, არჩევნებში მონაწილეობაზე.
როგორც ბაიდენმა განაცხადა, ის მხარს უჭერს ვიცე-პრეზიდენტ კამალა ჰარისს, როგორც დემოკრატების კანდიდატს აშშ-ს 2024 წლის საპრეზიდენტო არჩევნებში.
“დღეს მინდა ჩემი სრული მხარდაჭერა გამოვუცხადო კამალა ჰარისს, რომ იყოს ჩვენი პარტიის ნომინანტი წელს. დემოკრატებო - დროა გავერთიანდეთ და დავამარცხოთ ტრამპი. მოდით, გავაკეთოთ ეს“, - წერს X-ზე ბაიდენი.
"ამ კანდიდატით ნოემბერში ვერ მოვიგებთ. ვერ მოვიგებთ წარმომადგენელთა პალატას და დავკარგავთ სენატს. ეს არაა მხოლოდ ჩემი მოსაზრება, ეს არის ყველა სენატორის, კონგრესის წევრისა და გუბერნატორის აზრი“, – წერს კლუნი. განაგრძეთ კითხვა
“თუ ყოვლისშემძლე უფალი ჩამოვა და იტყვის: “ჯო, გამოდი რბოლიდან“. მე რბოლიდან გამოვიდოდი. ყოვლისშემძლე უფალი არ ჩამოდის“, - აცხადებდა პრეზიდენტი ABC News - თან თვის დასაწყისში.
