8
მაისიდღის ზოგადი ასტროლოგიური პროგნოზი
“კომუნიკაციასთან დაკავშირებული პრობლემის გამო, “დელტას“, “გაერთიანებული ავიახაზების“ და “ამერიკული ავიახაზების“ ფრენები შეჩერებულია“, - ამის შესახებ ინფორმაცია ცოტა ხნის წინ CNN-მა აშშ-ის ფედერალურ საავიაციო ადმინისტრაციაზე დაყრდნობით გაავრცელა.
უწყების განმარტებით, ფრენების შეჩერება ეხება ყველა მიმართულებას.
“ამერიკულ ავიახაზებში“ აცხადებენ, რომ შეფერხების მიზეზი კიბერუსაფრთხოების კომპანია CrowdStrike-თან დაკავშირებული ტექნიკური პრობლემაა. გარდა ამისა IT სისტემების შეფერხებების გამო დაზარალდა 6 ინდური ავიაკომპანია, Cathay Pacific, Disneyland, ჰონგ კონგის აეროპორტები, აზიური ავიახაზები: AirAsia, Cebu Pacific Air და Singapore Airlines.
AirAsia-მ X-ზე გამოქვეყნებულ პოსტში თქვა, რომ “მათ და მსოფლიოს ავიაკომპანიებში, ჯავშნებსა და სისტემაზე გავლენას ახდენს Microsoft-ის ღრუბლოვანი სერვისების გათიშვა“
Cebu Pacific Air-მა თქვა, რომ იძულებული გახდა ყველა პროცესი ხელით ეწარმოებინა, რაც თითქმის შეუძებელია.
Singapore Airlines-მა კი X-ზე აღნიშნა, რომ ჯერჯერობით ყველა ფრენა შესრულდა, თუმცა კომპანია ტექნიკურ სირთულეებს განიცდის.
შეგახსენებთ, რომ მსოფლიოს მასშტაბით, IT სისტემების მნიშვნელოვანი შეფერხებების გამო, მსხვილი ბანკები, მედიასაშუალებები და ავიაკომპანიები გამართულად ვერ ფუნქციონირებენ.
სიდნეის აეროპორტში ფრენები შეჩერებულია, ფრენები შეწყვიტა United Airlines-მაც. ბერლინის აეროპორტის ინფორმაციით, ტექნიკური ხარვეზის გამო რეგისტრაციასთან დაკავშირებით შეფერხებები აქვთ. პრობლემა დაფიქსირდა ესპანეთში ყველა აეროპორტში. გაერთიანებულ სამეფოში სარკინიგზო კომპანიები აცხადებენ, რომ “ფართო IT პრობლემებს განიცდიან“.
გავრცელებული ინფორმაციით, შეფერხებებს განიცდის ლონდონის საფონდო ბირჟის ჯგუფის პლატფორმაც. ამასთან, Sky News-ის აღმასრულებელი თავმჯდომარის ინფორმაციით, პირდაპირი ტრანსლაციის უზრუნველყოფა ვერ შეძლეს.
რაც შეეხება ზარალის ოდენობას. ჯერჯერობით ზუსტი მონაცემები არ არის ცნობილი, თუმცა მსოფლიოს მასშტაბით დაფიქსირებულმა შეფერხებებმა, რამდენიმე მილიონი დოლარის ოდენობის ზარალი უკვე გამოიწვია.
მსოფლიოს მასშტაბით პროგრამული უზრუნველყოფის გლობალურმა გათიშვამ, მცირე ხარვეზი ქუთაისის აეროპორტშიც გამოიწვია.
შეფერხების გამო კატოვიცას რეისზე რეგისტრაციას 20 წუთიანი დაგვიანებით დაიწყო. როგორც აეროპორტის საინფორმაციოს ცენტრში აცხადებენ, რეისი უკვე შესრულდა და ამ დროისთვის სხვა შეფერხება არ არსებობს. რაც შეეხება ბერლინის რეისს, რომელიც ქუთაისიდან შესრულდა, პოზნანში დაფრინდა, რადგან ბერლინი რეისების მიღებას ვერ ახერხებს.
ამ დროისთვის ქუთაისის საერთაშორისო აეროპორტში ყველა დაგეგმილი რეისი, განრიგის მიხედვით ხორციელდება.
- ინფორმაცია განახლებადია
13:45
მსოფლიოს მასშტაბით, IT სისტემების პროგრამული უზრუნველყოფის გლობალურად გათიშვამ, გავვლენა ქუთაისის აეროპორტზეც მოახდინა წაიკითხეთ სრულად
13:49
ჩრდილოეთ ამერიკის უდიდესი სატრანსპორტო ქსელიი საინფორმაციო სისტემა გაითიშა. CNN-ის ინფორმაციით გლობალურმა ტექნიკურმა გათიშვამ გამოიწვია მეტროპოლიტენის საინფორმაციო სისტემების დროებითი გათიშვა.
"მატარებლისა და ავტობუსების სერვისი არ იმოქმედებს", - ნათქვამია MTA-ს განცხადებაში. MTA არის ჩრდილოეთ ამერიკის უდიდესი სატრანსპორტო ქსელი, მისი ვებსაიტის მიხედვით, და ემსახურება 15,3 მილიონ ადამიანს.
რომელ ევროპულ აეროპორტებსა და ავიაკომპანიებს შეეხო გათიშვა?
უახლესი ინფორმაცია ევროპაში დაზარალებული აეროპორტებისა და ავიახაზების შესახებ:
ლონდონის გეტვიკის აეროპორტმა განაცხადა, რომ შეფერხდა მგზავრების შემოწმების და უსაფრთხოების დაცვის პროცესი.
გერმანიის ბერლინის აეროპორტმა განაცხადა, რომ შეფერხებული შემოწმების პროცესი "ტექნიკური ხარვეზის" გამო.
ამსტერდამის შიფჰოლის აეროპორტმა განაცხადა, რომ “გლობალური სისტემის ხარვეზმა“ გავლენა მოახდინა ფრენებზე.
შოტლანდიის ედინბურგის აეროპორტმა განაცხადა, რომ შეფერხებების გამო "აეროპორტში ლოდინის დრო გაიზარდა“.
ესპანეთის აეროპორტების ორგანიზაცია AENA -მ, რომელიც ზედამხედველობს მადრიდის, ბარსელონასა და სხვა აეროპორტებს მთელი ქვეყნის მასშტაბით, თქვა, რომ ხარვეზმა გამოიწვია მთელი რიგირ შეფერხებები.
პრაღის აეროპორტმა განაცხადა, რომ შეფერხდა შემოწმების სისტემა, რის გამც ფრენები გადაიდო.
Ryanair- მა ასევე დაადასტურა ავიაკომპანიის ქსელის შეფერხება.
Air France- მა განაცხადა, რომ IT ხარვეზმა შეაფერხა მისი ოპერაციები.
Turkish Airlines- მა განაცხადა, რომ მას პრობლემები აქვს ბილეთების ყიდვასთან, შემოწმებასთან და დაჯავშნასთან დაკავშირებით.
14:56
IT ხარვეზმა ევროპის ერთ-ერთი უმსხვილესი სამედიცინო დაწესებულება დააზიანა
კიბერ შეფერხებამ გერმანიაში მდებარე ევროპის ერთ-ერთი უმსხვილესი სამედიცინო დაწესებულების მუშაობა შეაფერხა.
“გერმანიის უნივერსიტეტის სამედიცინო ცენტრმა შლეზვიგ-ჰოლშტაინმა (UKSH) პარასკევს ყველა პროცედურა გააუქმა“,- ნათქვამია ვებგვერდზე გავრცელებულ განცხადებაში. დაზარალდა ორ ლოკაციაზე მდებარე ობიექტი: ქალაქ კიელსა და ლიუბეკში. დახურულია ამბულატორიული კლინიკებიც.
კიბერ გათიშვას “ყურადღებით აკვირდება“ ფედერალური საავიაციო ადმინისტრაცია (FAA).
”FAA ყურადღებით აკვირდება ტექნიკურ საკითხს, რომელიც გავლენას ახდენს IT სისტემებზე აშშ-ს ავიახაზებზე“, - წერს სააგენტო.
FAA-ს ცნობით, აშშ-ის მსხვილი ავიაკომპანიების, მათ შორის Delta-ს, United-სა და American Airlines-ს, ფრენები შეჩერებულია. შეფერხებები დაფიქსირდა საერთაშორისო ავიაკომპანიებშიც, მათ შორის Virgin Australia და Qantas-ში.
IT პრობლემა იდენტიფიცირებულია და გამოსწორებადია
კიბერუსაფრთხოების ფირმა CrowdStrike-ის აღმასრულებელი დირექტორი, რომელსაც კლიენტებს შორის Microsoft-იც ჰყავს, აცხადებს, რომ გლობალური შეფერხების გამომწვევი IT პრობლემა იდენტიფიცირებულია და გამოსწორებადია.
ჯორჯ კურცის განცხადებით, გლობალური ტექნიკური გაუმართაობა Crowdstrike პროგრამული უზრუნველყოფის უახლეს ვერსიასა და Windows ოპერაციულ სისტემას შორის შეუთავსებლობამ გამოიწვია. მისი თქმით, შეფერხება არ არის კიბერშეტევის შედეგი და საფრთხეს არ უქმნის მომხმარებელთა მონაცემების უსაფრთხოებას.
“პრობლემა იდენტიფიცირებულია, იზოლირებულია და მის მოსაგვარებლად ზომების მიღება ხორციელდება“, - აღნიშნულია Crowdstrike-ის აღმასრულებელი დირექტორის განცხადებაში.
16:15
ვინ დაზარალდა?
შეფერხდა გლობალური ბანკების, სამედიცინო სერვისებისა და კრიტიკული ინფრასტრუქტურის მუშაობა. დაზარალდნენ სამაუწყებლო საშუალებები და სუპერმარკეტები ავსტრალიაში, ახალ ზელანდიასა და დიდ ბრიტანეთში.
ყველაზე მეტად დაზარალდნენ ავიაკომპანიები: საავიაციო ანალიტიკური კომპანიის Cirium-ის წინასწარი მონაცემების მიხედვით, დღეს მსოფლიოში დაგეგმილი იყო დაახლოებით 110,000 კომერციული ფრენა. გაუქმდა 1,390 ფრენა - ეს მაჩვენებელი წოველ წუთს იზრდება.
Microsoft- ის განცხადებით, ხარვეზის “ძირითადი მიზეზი უკვე გამოსწორებულია. ამჟამად მიმდინარეობს მცირე პრობლემების აღმოფხვრა. თუმცა აღნიშნული მცირე პრობლემები, თავის მხრივ გლობალურ ფუნქციონირებაზე ზეგავლენას მაინც ახდენს“.
