მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მასობრივი დეპორტაცია, მიგრაციის და საერთაშორისო კრიზისებს მოგვარება, მექსიკის კედლის დასრულება ... - რას ჰპირდება ამომრჩეველს ტრამპი: ოფიციალური პროგრამის დეტალები
10:32 / 19-07-2024
არალეგალური მიგრაცია, მექსიკის კედელი, მასობრივი დეპორტაცია, საგარეო ურთიერთობების გადახედვა, საერთაშორისო კრიზისების მოგვარება და სხვა საკითხები განიხილა აშშ-ის პრეზიდენტობის კანდიდატმა დონალდ ტრამპმა მილუოკიში, “რესპუბლიკური პარტიის“ ეროვნულ ყრილობაზე სიტყვით გამოსვლისას, სადაც მის გარდა სპიკერის პოზიცია ოჯახის წევრებმაც დაიკავეს.
ტრამპი ერთ-ერთ ყველაზე მნიშვნელოვან საკითხს, არალეგალურ მიგრაციას შეეხო. მისი თქმით, გამარჯვების შემთხვევაში, მექსიკის კედლის დასრულება იგეგმება.
“ბაიდენის ადმინისტრაციას არაფერი გაუკეთებია აშშ-ში არალეგალური მიგრაციის შესაჩერებლად“
- “ისტორიაში უდიდესი შემოჭრა სწორედ აქ, ჩვენს ქვეყანაში ხდება. ისინი ჩამოდიან დედამიწის ყველა კუთხიდან, არა მხოლოდ სამხრეთ ამერიკიდან, არამედ აფრიკიდან, აზიიდან და ახლო აღმოსავლეთიდან. მოდიან იმ მასშტაბით, რაც აქამდე არასდროს გვინახავს. ეს მართლაც შეჭრაა და ეს ადმინისტრაცია არაფერს აკეთებს მათ შესაჩერებლად“, - მისი თქმით, უკანონო მიგრაციის შესაჩერებლად დახურავს საზღვარს და დაასრულებს აშშ-მექსიკის საზღვრის გასწვრივ კედლის მშენებლობას.
“დავასრულებ არალეგალური მიგრაციის კრიზისს ჩვენი საზღვრის დაკეტვით და კედლის დამთავრებით, რომლის უმეტესი ნაწილი უკვე ავაშენე“, - აღნიშნა ტრამპმა.
ამასთანავე, მისი თქმით, “რესპუბლიკური პარტიის“ პლატფორმა აშშ-ის ისტორიაში ყველაზე დიდი დეპორტაციის ოპერაციის დაწყების დაპირებას იძლევა. ტრამპის განმარტებით, ეს დეპორტაცია იქნება “კიდევ უფრო დიდი, ვიდრე პრეზიდენტ დუაიტ ეიზენჰაუერის დროს“.
“ჩვენმა ოპონენტებმა მშვიდობიანი მსოფლიო მიიღეს მემკვიდრეობად და ომის პლანეტად აქციეს - დავასრულებ ყველა საერთაშორისო კრიზისს, რომელიც ამ ადმინისტრაციამ შექმნა“, - განაცხადა ტრამპმა და ჯო ბაიდენის ადმინისტრაცია ავღანეთიდან ჯარების გაყვანის გამო კიდევ ერთხელ გააკრიტიკა.
“ამ კატასტროფით გათამამებული რუსეთი უკრაინაში შეიჭრა. ისრაელმა გადაიტანა ყველაზე საშინელი თავდასხმა მის ისტორიაში. ახლა ჩინეთი დასტრიალებს ტაივანს“, - აღნიშნა ტრამპმა.
მან კიდევ ერთხელ გაიმეორა, რომ ის რომ პრეზიდენტი ყოფილიყო, არ მოხდებოდა არც რუსეთ-უკრაინის ომი და არც ისრაელი -“ჰამასის“ ომი.
“დავასრულებ ყველა საერთაშორისო კრიზისს, რომელიც ამ ადმინისტრაციამ შექმნა, მათ შორის რუსეთ-უკრაინის ომს, რომელიც არასდროს მოხდებოდა, მე რომ პრეზიდენტი ვყოფილიყავი და ასევე ისრაელზე თავდასხმის შედეგად გამოწვეულ ომს, რომელიც არასდროს მოხდებოდა, მე რომ პრეზიდენტი ვყოფილიყავი. ჩვენს საზოგადოებაში არსებული უთანხმოება და განხეთქილება უნდა განიკურნოს.
თუ აიღებთ 10 ყველაზე ცუდ პრეზიდენტს შეერთებული შტატების ისტორიაში, მათ არ მოუტანიათ ის ზიანი, რაც ბაიდენმა მოიტანა. ბაიდენი - ამ სახელს მხოლოდ ერთხელ გამოვიყენებ და სხვა დროს აღარასდროს“, - აღნიშნა ტრამპმა.
”ვაპირებ, ვიყო მთელი ამერიკის და არა ნახევარი ამერიკის პრეზიდენტი, იმიტომ რომ ნახევარი ამერიკისთვის გამარჯვება გამარჯვება არ არის”, - დასძინა ტრამპმა მილუოკიში, "რესპუბლიკური პარტიის" ეროვნულ ყრილობაზე სიტყვით გამოსვლისას.
ყოფილმა პრეზიდენტმა კიდევ ერთხელ გაიხსენა პენსილვანიაში, მხარდამჭერებთან შეხვედრის დროს მასზე განხორციელებული თავდასხმა და ხაზი გაუსვა, რომ ღმერთი მის მხარესაა.
ასევე იხილეთ:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
