მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"11 წელია ვარ გენერალური პროკურორის მოადგილე, სრულად ვაცნობიერებ პასუხისმგებლობას" - რა თქვა გენპროკურორობის კანდიდატმა კომიტეტის სხდომაზე
09:55 / 18-07-2024
11 წელია ვარ გენერალური პროკურორის მოადგილე, სრულად ვაცნობიერებ გენერალური პროკურორის სტატუსის მნიშვნელობას, თანამდებობის სირთულეს და დიდ პასუხისმგებლობას, - ამის შესახებ გენერალური პროკურორობის კანდიდატმა გიორგი გაბიტაშვილმა პარლამენტში, იურიდიულ საკითხთა კომიტეტის სხდომაზე სიტყვით გამოსვლისას განაცხადა.
გიორგი გაბიტაშვილმა კომიტეტის სხდომის დამსწრეებს პროკურატურის შემდგომი განვითარების პერსპექტივებსა და არსებული გამოწვევების გადაჭრის გზებზე თავისი ხედვა გაუზიარა.
“11 წელია ვარ გენერალური პროკურორის მოადგილე. სრულად ვაცნობიერებ გენერალური პროკურორის სტატუსის მნიშვნელობას, თანამდებობის სირთულეს და დიდ პასუხისმგებლობას სახელმწიფოს, მოქალაქეების და პროკურატურის თანამშრომლების წინაშე. იმედი მაქვს თქვენი მხარდაჭერის და იმის, რომ მომეცემა შესაძლებლობა, გენერალური პროკურორის პოზიციაზე ჩემი არჩევის შემთხვევაში პროფესიონალებით დაკომპლექტებულ გუნდთან ერთად გავაგრძელო სისტემის სტაბილური და პროგრესული განვითარება”, - აღნიშნა გიორგი გაბიტაშვილმა სიტყვით გამოსვლის დასასრულს.
გიორგი გაბიტაშვილმა თაღლითობის წინააღმდეგ ბრძოლა პრიორიტეტულ მიმართულებად გამოყო და აღნიშნა, რომ თაღლითობის ეფექტიანი გამოძიება და შემაჯამებელი გადაწყვეტილების დროულად მიღება ამ კატეგორიის საქმეებზე მთავარი გამოწვევაა. რასაც, მისივე თქმით, ერთი მხრივ, ამ დანაშაულის მრავალფეროვნება, ხოლო მეორე მხრივ, რიგ შემთხვევებში, რეაგირების განმახორციელებელი სუბიექტების სპეციალური ცოდნის ნაკლებობა განაპირობებს.
"პრაქტიკამ ცალსახად აჩვენა, რომ სპეციალიზაციის დანერგვა დადებით გავლენას ახდენს ცალკეული დანაშაულის გახსნის მაჩვენებელსა და რეაგირების ხარისხზე. ვფიქრობ, საჭიროა ჩამოყალიბდეს ახლებური მიდგომები თაღლითობის წინააღმდეგ ბრძოლის მიმართულებით“, - განაცხადა გიორგი გაბიტაშვილმა.
გიორგი გაბიტაშვილმა ბავშვთა მიმართ სქესობრივ დანაშაულებზე საზოგადოების ცნობიერების ამაღლების მნიშვნელობაზეც გაამახვილა ყურადღება და აღნიშნა, რომ ეს ხელს შეუწყობს ამ დანაშაულის წინააღმდეგ ბრძოლას.
მისი თქმით, პროკურატურა ამზადებს საინფორმაციო კამპანიას „თქვი და გადაარჩინე“, რაშიც საერთაშორისო და დონორი ორგანიზაციების მხარდაჭერის იმედი მაქვს.
გენერალური პროკურორობის კანდიდატმა არასრულწლოვანთა მიმართ პირადი ცხოვრების ხელშეუხებლობის დარღვევის დანაშაულზეც ისაუბრა. როგორც მან აღნიშნა, პირადი ცხოვრების ხელშეუხებლობის დარღვევა ერთ-ერთი მზარდი და მსხვერპლისთვის დიდი ზიანის მიმყენებელი დანაშაულია, რასაც, მისივე შეფასებით, ხელს უწყობს ტექნოლოგიური განვითარება. როგორც გაბიტაშვილმა აღნიშნა, მზარდია ღია ქსელების გამოყენებით პირადი ცხოვრების ამსახველი ინფორმაციის გავრცელების ფაქტები.
„სტაბილურად იზრდება პირადი ცხოვრების ხელშეუხებლობის დამრღვევ პირთა გამოვლენის და დევნის მაჩვენებელი, რაც უდავოდ სწორი პოლიტიკის შედეგია. მაგალითისთვის, ბოლო 3 წლის მანძილზე დევნის მაჩვენებელმა თითქმის 4-ჯერ მოიმატა.
აუცილებელია, ამ ტიპის დანაშაულებზე შენარჩუნდეს საპატიმრო აღკვეთის ღონისძიების მოთხოვნის და თავისუფლების აღკვეთასთან დაკავშირებული სასჯელის გამოყენების პოლიტიკა“, - განაცხადა გენერალური პროკურორობის კანდიდატმა.
გიორგი გაბიტაშვილმა პარლამენტის წევრებთან არასრულწლოვანთა მართლმსაჯულებაზეც ისაუბრა და აღნიშნა, რომ არასრულწლოვნის საუკეთესო ინტერესებზე დაფუძნებული მართლმსაჯულების განხორციელება მნიშვნელოვან პრიორიტეტად დარჩება.
„ბოლო წლებში, იმ არასრულწლოვანთა რაოდენობა, რომელთა მიმართ გამოყენებულია დევნის ალტერნატიული მექანიზმი, აღემატება დევნადაწყებული არასრულწლოვნების რაოდენობას. მაგალითად, ბოლო 3 წლის განმავლობაში, არასრულწლოვანთა მიმართ დევნის ალტერნატიული მექანიზმის გამოყენების მაჩვენებელი სტაბილურად 80%-ია, ხოლო განრიდებულ არასრულწლოვანთა მიერ დანაშაულის განმეორებით ჩადენის მაჩვენებელი დაბალია და შეადგენს 3-5 პროცენტს, რაც პროკურორის დისკრეციული უფლებამოსილების სწორად გამოყენებას ადასტურებს“, - აღნიშნა გიორგი გაბიტაშვილმა.
ცნობისთვის, საქართველოს პარლამენტის იურიდიულ საკითხთა კომიტეტის სხდომაზე გენერალური პროკურორობის კანდიდატ გიორგი გაბიტაშვილს უსმენენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
