“ჰეზბოლას“ ლიდერი ისრაელს ემუქრება - რა შემთხვევაში დაარტყამენ ისრაელში ახალ სამიზნეებს

“ჰეზბოლა“ ისრაელში ახალ სამიზნეებს დაარტყამს, თუ იგი მშვიდობიანი მოსახლეობის მიზანში ამოღებას გააგრძელებს“, - ამის შესახებ “ჰეზბოლას“ ლიდერმა, ჰასან ნასრალამ განაცხადა.

“მშვიდობიანი მოსახლეობის მიზანში ამოღების გაგრძელება, წინააღმდეგობას უბიძგებს, რომ რაკეტები იმ დასახლებების მიმართულებით გაუშვას, რომელიც ადრე სამიზნეებს არ წარმოადგენდა“, - განაცხადა ჰასან ნასრალამ.

ლიბანის სახელმწიფო მედიის ცნობით, გუშინ, ისრაელის მიერ განხორციელებული სარაკეტო იერიშების შედეგად ლიბანში ხუთი ადამიანი დაიღუპა, მათ შორის სამი ბავშვი.

“ისრაელის თავდაცვის ძალებში აცხადებენ, რომ სამხრეთ ლიბანის რამდენიმე ქალაქში მოიერიშე თვითმფრინავებით "ჰეზბოლას" ტერორისტულ ინფრასტრუქტურას დაარტყეს, ერთ-ერთ სოფელში კი საფრთხე არტილერიის გამოყენებით გაანეიტრალეს“, - ინფორმაციას The Times of Israel-ი ავრცელებს.

წყარო: reuters

ასევე იხილეთ:

• ისრაელმა ლიბანში "ჰეზბოლას“ ობიექტებს დაარტყა