მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ივანიშვილის იზოლაციონისტური პოლიტიკის გამო, საქართველოს ნატო-ში გაწევრიანების საკითხი ამოღებულია, ასევე გაყინულია ევროკავშირში გაწევრიანებაც" - თინა ბოკუჩავა
12:21 / 11-07-2024
ბიძინა ივანიშვილის იზოლაციონისტური პოლიტიკის გამო, საქართველოს ნატო-ში გაწევრიანების საკითხი ამოღებულია, ასევე გაყინულია საქართველოს ევროკავშირში გაწევრიანების საკითხი. ერთადერთი გამოსავალი კი, რომ დავაბრუნოთ საქართველო ევროატლანტიკური ინტეგრაციის გზაზე, არის - ერთიანობით გავიმარჯვოთ არჩევნებში! დარწმუნებული ვარ, რომ საქართველოს მოქალაქეები 26 ოქტომბერს არჩევანს სწორედ ერთიანობაზე გააკეთებენ, - ამის შესახებ "ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.
მისივე თქმით, ოპოზიციის წარმომადგენლები დღეს აშშ-ის სახელმწიფო მდივნის მოადგილეს, უზრა ზეიას შეხვდებიან, რომელიც საქართველოში ქვეყანაში არსებული სიტუაციის გამო ჩამოვიდა.
"დღეს გვაქვს ძალიან მნიშვნელოვანი შეხვედრა აშშ-ის სახელმწიფო მდივნის მეორე მოადგილესთან დემოკრატიის და სამოქალაქო საკითხებში, რომელიც ჩამოსულია საქართველოში აქ შექმნილი სიტუაციის გამო. აშშ ხედავს, რომ საქართველოს დემოკრატიული უკუსვლა საფრთხის ქვეშ აყენებს საქართველოს ევროატლანტიკურ არჩევანს. ასევე დღეს, აშშ-ის წარმომადგენლობითი პალატის საგარეო ურთიერთობათა კომიტეტი განიხილავს "მეგობარ აქტს“, რომელიც როგორც იცით, ერთის მხრივ, სთავაზობს საქართველოს ისეთ სიკეთეებს, როგორიც არის უვიზო მიმოსვლა, დამატებითი დახმარება თავდაცვის მიმართულებით, გაღრმავებული ეკონომიკური და სავაჭრო ურთიერთობები, მაგრამ ასევე განიხილავს ინდივიდუალურ სანქციებს ივანიშვილის გარემოცვაზე. აღნიშნული საკითხის განხილვა გუშინ საგარეო ურთიერთობათა კომიტეტში აშშ-ის კონგრესში მოხდა, ხოლო დღეს ამ აქტზე კენჭისყრა იგეგმება.
ასევე, დღეს ვაშინგტონში არის ნატო-ს სამიტი, რომელიც ბოლო რამდენიმე დღის განმავლობაში გრძელდება. ვაშინგტონის სამიტი, რომლის მოსამზადებელ საპარლამენტო ასამბლეაზე ვიმყოფებოდი სოფიაში, სადაც სამწუხაროდ, რეალურად აღარ არის საუბარი საქართველოს ნატო-ში ინტეგრაციაზე. ყოველთვის, ყველა კომუნიკეში, საბოლოო დოკუმენტში, რომელსაც იღებს ნატო-ს სამიტი, ტრადიციულად საუბარი იყო საქართველოს ნატო-ში გაწევრიანებაზე, მაგრამ დღეს ივანიშვილი იზოლაციონისტური პოლიტიკის გამო, რომელიც მიზნად ისახავს არა საქართველოს ინტეგრაციას ევროატლანტიკურ სტრუქტურებშიც არამედ საქართველოს საერთაშორისო იზოლაციას, დღეს ვხედავთ, რომ ამოღებულია საქართველოს ნატო-ში გაწევრიანების საკითხი. ასევე ვიცით, რომ გაყინულია საქართველოს ევროკავშირში გაწევრიანების საკითხი, რაზეც ღიად ევროკავშირის ელჩმა, პაველ ჰერჩინსკიმ რამდენიმე დღის წინ ისაუბრა“, - განაცხადა თინა ბოკუჩავამ.
ბოკუჩავას მტკიცებით, ერთადერთი გამოსავალი, რომ საქართველო ევროატლანტიკური ინტეგრაციის გზაზე დაბრუნდეს, არის "ერთიანობით არჩევნებში გაიმარჯვონ“.
"ერთადერთი გამოსავალი, ერთადერთი გზა, რომ დავაბრუნოთ საქართველო ევროატლანტიკური ინტეგრაციის გზაზე, არის ერთიანობით გავიმარჯვოთ არჩევნებში, ერთიანობით გადავარჩინოთ ჩვენი ქვეყნის ევროატლანტიკური არჩევანი, ერთიანობით დავიბრუნოთ კეთილდღეობის, უსაფრთხოების და მშვიდობის შანსი, ერთიანობით ყველაფრის მიღწევა შეგვიძლია და მე ღრმად ვარ დარწმუნებული, რომ 26 ოქტომბერს საქართველოს მოქალაქეები სწორედ ერთიანობაზე, არა დანაწევრებაზე, საერთაშორისო ინტეგრაციაზე, არა იზოლაციაზე, კეთილდღეობაზე და არა სიდუხჭირეზე გააკეთებენ არჩევანს, რომელიც ივანიშვილის 12 წლიანმა მმართველობამ ჩვენს ქვეყანას მოუტანა“, - განაცხადა თინა ბოკუჩავამ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"თუ ჯართს არ ჩავაბარებ საჭმლის გარეშე დავრჩებით" - 11 წლის ალექსანდრე ალავერდაშვილი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
