"ბერლინი მოვდივართ!" - სამეფო ოჯახის განსაკუთრებული მზადება ფინალისთვის და მეფე ჩარლზის წერილი ნაკრების მწვრთნელს: რა ხდებოდა კულუარებში დიდი მოგების შემდეგ
მეფე ჩარლზმა ინგლისის the Three Lions - ევრო 2024-ის ფინალში გასვლა მიულოცა და მოუწოდა თავი აარიდონ “საჯარიმო დრამებს“, რადგან ეს ერის სტრესის დონეს ზრდის. ჰოლანდიასთან ანგარიშით 2:1 მოგების შემდეგ, ინგლისის გუნდის მწვრთნელისთვის - გარეტ საუთგეიტისთვის გაგზავნილ შეტყობინებაში ჩარლზმა ფეხბურთელებს სამეფო ოჯახის "ყველაზე საუკეთესო სურვილები" და "ყველაზე თბილი მილოცვა" გადასცა.
- მეფემ ხუმრობით მოუწოდა საფეხბურთო ნაკრებს, ფინალში თამაშისას “ქვეყნის არტერიული წნევის მაჩვენებელი“ გაითვალისწინონ.
“მე და ჩემი მეუღლე, მთელი ოჯახით გილოცავთ U.E.F.A-ს ფინალში გასვლას და კვირას, ფინალურ მატჩთან დაკავშირებით ჩვენს საუკეთესო სურვილებს გიგზავნით. წარმატებები ინგლისო“, - წერია მეფე ჩარლზის მისალოც ბარათზე.
- სასიხარულო გამარჯვება აღნიშნა უელსის პრინცმა
"რა ლამაზია, ოლი! გილოცავთ ინგლისს! #EURO2024 ფინალისტები",- წერს იულიამი სოციალურ ქსელში, სადაც, მან ფეხბურთელი უოტკინსი გამოარჩია.
ცნობილია, რომ უილიამი, რომელიც საფეხბურთო ასოციაციის პრეზიდენტია, სავარაუდოდ, ფინალზე დასასწრებად ბერლინში გაემგზავრება.
- ინფორმაცია დაადასტურა პრემიერ-მინისტრმა სერ კირ სტარმერმაც
“რა საოცარი თამაშია, ინგლისო და რა გამარჯვებაა. ბერლინი, მოვდივართ!“ - დაწერა ახლად არჩეულმა პრემიერმა X-ზე.
ინგლისის გულშემატკივრებმა გუშინ, ჰოლანდიასთან გამარჯვება იზეიმეს. ევროპის ჩემპიონატის ნახევარფინალში ინგლისმა ნიდერლანდები 2:1 დაამარცხა და ზედიზედ მეორედ გავიდა ფინალში. ნიდერლანდები დებიუტში სიმონსმა შორიდან დარტყმით დააწინაურა, რამაც ინგლისელები აიძულა თავის მოსაწყენ თამაშზე უარი ეთქვათ და კეინმა პენალტით ანგარიში გაათანაბრა. პირველი ტაიმი 1:1 დასრულდა.
შესვენების შემდეგ ნიდერლანდები უკეთ გამოიყურებოდა, კონტრშეტევაზე კი საკამ გაიტანა, მაგრამ თამაშგარე დაფიქსირდა. 81-ე წუთზე მწვრთნელმა კეინი უოტკინსით შეცვალა, რომელმაც 90-ე წუთზე ვერბრიუგენის კარი დალაშქრა და ინგლისი ფინალში გაიყვანა.
14 ივლისს, ფინალში ინგლისი ესპანეთს დაუპირისპირდება.
წყარო: dailymail
ასევე იხილეთ: