7
მაისიდღის ზოგადი ასტროლოგიური პროგნოზი
ყველა დროის ყველაზე შემოსავლიანი ფილმების, მათ შორის "ტიტანიკისა" და "ავატარის" პროდიუსერი, რომელიც რეჟისორ ჯეიმს კამერონის დიდი ხნის პარტნიორი იყო, ოსკაროსანი პროდიუსერი ჯონ ლანდაუ 63 წლის ასაკში, გავრცელებული ინფორმაციით, სიმსივნით გარდაიცვალა.
- მედიის თანახმად, პროდიუსერს კიბოს დიაგნოზი შარშან დაუსვეს.
ჯონ ლანდაუს გარდაცვალება მისმა დამ, თინამ სოციალურ ქსელში დაადასტურა და მას საუკეთესო ძმა უწოდა:
"გული მიკვდება, თუმცა ამავდროულად სიამაყითა და მადლიერებით ვივსები იმ საჩუქრებისთვის, რომელიც მან თავისი ფილმების სახით მე და ყველა სხვას გვიბოძა", - წერდა თინა.
ლანდაუ გარკვეული ხნის განმავლობაში კომპანია 20th Century Fox-ის აღმასრულებელ დირექტორადაც მუშაობდა. მან დევიდ კამერონთან ერთად 1997 წლის პოპულარული ფილმის "ტიტანიკის" შექმნაში მიიღო მონაწილეობა. მოგვიანებით, "ავატარსა" და მის მეორე ფილმზე, "ავატარი: წყლის გზა"-ზეც იმუშავა. ლანდაუს ჯეიმს კამერონის საპროდიუსერო კომპანია Lightstorm Entertainment- შიც ეკავა მენეჯერის პოზიცია.
- ლანდაუს გარდაცვალების ამბავს ჯეიმს კამერონიც გამოეხმაურა
"დიდებულმა ადამიანმა და პროდიუსერმა დაგვტოვა. ჯონ ლანდაუს კინოს ოცნების სჯეროდა. მას სწამდა, რომ კინო კაცობრიობის შექმნილი ხელოვნების უმაღლესი ფორმა იყო და ამბობდა, იმისთვის, რომ ფილმები გადაიღო, ჯერ თავად უნდა იყო ადამიანიო", - ამბობს რეჟისორი The Hollywood Reporter-თან მიცემულ ინტერვიუში.
წყარო: bbc
მოამზადა: ანა სიბოშვილმა
