“ყვირილი თავიდან არ ამომდის”, - ნიუ იორკში, სავარაუდოდ, ნასვამ მდგომარეობაში მყოფმა მძღოლმა, სატვირთო ავტომობილით პარკში შეკრებილებს გადაუარა: დაიღუპა სამი ადამიანი

ნიუ-იორკში ალკოჰოლის ზემოქმედების ქვეშ მყოფმა მძღოლმა სატვირთო ავტომობილით ცხრა ადამიანს გადაუარა, აქედან სამი მათგანი შემთხვევის შედეგად დაიღუპა. ისინი ლოუერ ისტ საიდზე აშშ-ის დამოუკიდებლობის დღეს აღნიშნავდნენ.

"ყვირილი თავიდან არ ამომდის", - უთხრა ერთ-ერთმა შეძრწუნებულმა მოწმემ The Post-ს.

პოლიციამ ჟურნალისტებს განუცხადა, რომ რამდენიმე ოჯახი კორლირს ჰუკ პარკში იმყოფებოდა, როდესაც ნაცრისფერმა Ford F-150-მ უოთერ სტრიტისა და ჯექსონ სტრიტის გადაკვეთა გადაჭრა, ტროტუარზე გადავიდა და მწვანე ზონაში შეიჭრა.

ერთ-ერთი თვითმხილველის თქმით, ხალხი ბეისბოლის მოედნის ტრიბუნებთან ახლოს ბარბექიუზე იმყოფებოდა - ეს ადგილი კი პირდაპირ ქუჩის მოპირდაპირე მხარეს მდებარეობს იმ გაჩერების ნიშნიდან, რომელსაც სატვირთო გასცდა.

"სწორედ იქ მოხდა შეჯახება. თუ პირდაპირ წახვალთ, ზუსტად იმ სივრცეში მოხვდებით", - თქვა ერთ-ერთმა მოწმემ.

დაშავებულები სხვადასხვა კლინიკაში გადაიყვანეს. კლინიკაშია გადაყვანილი ავტომობილის მძღოლიც.

არსებული ინფორმაციით, დაშავებულებიდან მხოლოდ ორს აქვს მსუბუქი დაზიანებები, დანარჩენების მდგომარეობა კი მძიმეა.

პოლიციის ინფორმაციით მძღოლი ნასვამ მდგომარეობაში იყო. გამოძიება გრძელდება.

წყარო