კოკო შანელიდან დღემდე - ის, რაც აუცილებლად უნდა იცოდეთ იდეალური ნამზეურისა და ჯანმრთელი კანის შესახებ

1923 წელს მოდის აიკონი კოკო შანელი შვებულებას ფრანგულ რივიერაზე ატარებდა, სადაც მზეზე ყოფნა დიდი ხნით მოუწია და შემთხვევით გაირუჯა. სწორედ ეს შემთხვევითობა გახდა იმ ახალი ტრენდის დასაწყისი, რომელსაც გარუჯული კანი ჰქვია და რომელიც პოპულარობას საუკუნეზე მეტია ინარჩუნებს.

ამავე პერიოდში ექიმებმა შეისწავლეს მზის სხივების სარგებელი, განსაკუთრებით კი მისი როლი D ვიტამინის წარმოებაში. პაციენტებს მზის ზემოქმედებას სამედიცინო მიზნით უნიშნავდნენ.

1930-40-იან წლებმა, რომელიც ჰოლივუდის აღზევების ხანად მიიჩნევა, კიდევ უფრო გააძლიერა გარუჯული კანი, როგორც სილამაზისა და გლამურის სიმბოლო. ნამზეური გარე აქტივობების, ჯანმრთელი სხეულის და კარგად გატარებული შვებულების ასოციაცია გახდა.

მე-20 საუკუნის პირველ ნახევარშივე შეიქმნა კოსმეტიკური ზეთები, რომლებიც გარუჯვას უწყობდა ხელს. ამით მუქი მბზინავი კანი კიდევ უფრო მარტივად მისაღწევი გახდა. თუმცა მოგვიანებით, ამ საკითხის შესახებ კიდევ უფრო მეტი ცოდნა და გამოცდილება დაგროვდა და დადგინდა, რომ რუჯი გარკვეულ შემთხვევაში ზიანის მომტანიც შეიძლება აღმოჩნდეს. ამ საკითხზე დღეს იმდენად ბევრს საუბრობენ, რომ ხშირად მზეზე ყოფნის სარგებელი ავიწყდებათ კიდევ. მაგალითად,

• რუჯი აუმჯობესებს ადამიანების ფსიქოლოგიურ მდგომარეობას, მატებს თვითშეფასებასა და თავდაჯერებულობას, რადგან სხვადასხვა გამოკითხვის თანახმად, ადამიანების 80%-ზე მეტს სჯერა, რომ რუჯით უკეთესად გამოიყურება;
• მზე D ვიტამინის წყაროა. D ვიტამინი კი გულ-სისხლძარღვთა და ძვლოვანი დაავადებების განვითარებას უშლის ხელს;
• ულტრაიისფერ გამოსხივებას ფსორიაზისა და ეგზემის სამკურნალოდაც იყენებენ.

მზის გამოსხივებითა და რუჯით სარგებელი რომ მიიღოთ, არ უნდა დაგავიწყდეთ გარუჯვის მთავარი წესების დაცვა და სპეციალისტების მიერ რეკომენდებული კოსმეტიკური საშუალებების გამოყენება. თუ შვებულების სანაპიროზე გატარებას და მზეზე გარუჯვას აპირებთ, მაშინ გაგაცნობთ 5 ძირითად ეტაპსა და პროდუქტს, რომელიც ჯანმრთელი და მბზინავი რუჯის წინაპირობაა.

კანის მომზადება - სკრაბი

კანის მოვლის რუტინაში სკრაბი ერთ-ერთი აუცილებელი პროდუქტია. გარუჯვამდე კი მისი საჭიროება კიდევ უფრო იზრდება. სკრაბი კანს მკვდარ უჯრედებს აცილებს, მას უფრო გლუვსა და რბილს ხდის. მხოლოდ სკრაბით წინასწარ მომზადებულ კანზე შეძლებთ მიიღოთ თანაბარი და სასიამოვნო ფერის რუჯი. წინააღმდეგ შემთხვევაში, დიდი შანსია, რომ კანი აგიჭრელდეთ და აგეფცქვნათ.

სკრაბის გამოყენება აუცილებელია როგორც სახეზე, ისე მთელ სხეულზე. სასურველია, გამოიყენოთ სპეციალურად სახისა და ტანისთვის შექმნილი პროდუქტები, რომ მაქსიმალური ეფექტი მიიღოთ. რუჯისთვის კანის მომზადებაში კარგად დაგეხმარებათ Teaology-ის სკრაბი ორგანული მწვანე ჩაის ექსტრაქტით. 100%-ით ბუნებრივი წარმოშობის ამქერცლავი და აღმდგენი ტანის სკრაბი ამქერცლავი მარილებითა და ეთერზეთებით, არბილებს, კვებავს და ასუფთავებს სხეულს, ტოვებს კანს რბილს, ბზინვარესა და გლუვს. მისი ტექსტურა ნაზად ასუფთავებს კანს და ათავისუფლებს მას მკვდარი უჯრედებისა და მინარევებისაგან, რაც ეპიდერმისს უფრო მგრძნობიარეს ხდის. ეთერზეთები, მკვებავი, ენერგიული და მატონიზირებელი მოქმედებით, კანს უფრო რბილს და ელასტიკურს ხდის. სახის სკრაბი კი, რომელიც პირველივე გამოყენებისთანავე ანიჭებს სახის ფერს ბრწყინვალებას და ბზინვარებას, ტოვებს კანს რბილსა და გლუვს. იდეალურია ყველა ტიპის კანისთვის.

კანის დატენიანება - დამატენიანებელი კრემი

მხოლოდ კარგად დატენიანებულ კანს შეუძლია მიიღოს ოქროსფერი მბზინავი რუჯი. მან ელასტიკურობა რომ შეინარჩუნოს და მზის სხივებზე მალე არ გამოშრეს ან დანაოჭდეს, აუცილებელია, მუდმივად ტენიანი იყოს. სწორედ ამიტომ თქვენი კანის ტიპის შესაბამისი დამატენიანებლის გამოყენება რეგულარულად არის საჭირო. გარუჯვის პროცესში კი მას გადამწყვეტი მნიშვნელობა ენიჭება. სხეულის კანის დამატენიანებლებს შორის ერთ-ერთი გამორჩეულია Sebamed-ის ტანის დამატენიანებელი გელი ალოეთი, რომელიც გაძლიერებულ დატენიანებას და დაცვას უზრუნველყოფს გარუჯვის დროს. ეს გახლავთ გელი დამატენიანებელი, აღმდგენი და გამაგრილებელი მომენტალური ეფექტით. მის შემადგენლობაში შედის ალოე ვერა, პანთენოლი, ალანტოინა და ჰიალურონის მჟავა, მდიდარია ვიტამინებით A, C, D და E, მისი ახალი ფორმულა არ შეიცავს არაორგანულ ზეთებს, არ შეიცავს ალკოჰოლს და ემულგატორებს. განკუთვნილია ყველა ტიპის კანისთვის, განსაკუთრებით მგრძნობიარე და ატოპიური. შემადგენლობის წყალობით, ხელს უწყობს კანის ელასტიკურობის გაძლიერებას, ნაოჭების თავიდან აცილებას, ზრდის უნარს, შეინარჩუნოს ტენიანობა, ხელს უწყობს კანის რეგენერაციას. აქვს მსუბუქი ტექსტურა და სწრაფად შეიწოვება. Sebamed-ის სახის დამატენიანებელი კრემი Q10-ის რეგულარული გამოყენება მოქმედებს კანის დაბერების წინააღმდეგ, pH5.5 აძლიერებს კანის მჟავა მანტიის ბუნებრივ დამცავ ბარიერს, იცავს კანს გარემოს მავნე ზეგავლენისგან და სიმშრალისგან. ის უზრუნველყოფს 32%-ით მეტი დატენიანებას 28 დღეში.

მზისგან დაცვა - მზისგან დამცავი კრემი

კოკო შანელის შემდეგ საუკუნე გავიდა და ადამიანები კვლავაც გარუჯული კანით იწონებენ თავს. თუმცა დღეს ყველამ იცის, რომ ამ პროცესში მზისგან დამცავის გამოყენება კრიტიკულად მნიშვნელოვანია. დამცავის გარეშე გარუჯვა აზიანებს კანს, ახდენს ნაოჭებისა და ლაქების გაჩენის პროვოცირებას და რაც ყველაზე მეტად მნიშვნელოვანია, ზრდის კანის კიბოს გაჩენის რისკს. სწორედ ამიტომ, თუ გსურთ იყოთ ჯანმრთელები და ამავდროულად, გქონდეთ ლამაზი ნამზეური, გამოიყენეთ მზისგან დამაცვი საშუალება დაცვის მაღალი უნარით.

ბოლო პერიოდში საქართველოში საკმაოდ პოპულარულია Martiderm-ის მზისგან დამცავი ფლუიდი SPF50 MINERAL D. თხევადი ტექსტურის მზისგან დამცავი ფლუიდი შექმნილია ექსკლუზიურად ფართო სპექტრის მინერალური ფილტრებით, რათა უზრუნველყოს ოპტიმალური, ყოვლისმომცველი დაცვა (UVA, UVB, IR და ლურჯი შუქი). შეიცავს დამატენიანებელ, ანტიოქსიდანტურ და პრებიოტიკურ აქტიურ ინგრედიენტებს, რომლებიც აძლიერებენ კანის ბუნებრივ დამცავ მექანიზმებს. აუცილებელია კანზე დაიტანოთ მზეზე გასვლამდე 30 წუთით ადრე და გაიმეორეთ ხშირად, განსაკუთრებით ოფლიანობის, ცურვის შემდეგ. აღსანიშნავია, რომ დიდი მნიშვნელობა ენიჭება რაოდენობას. რეკომენდებულია 1 ჩაის კოვზის მოცულობის მზისგან დამცავის გადანაწილება მთელ სახეზე. არ დაგავიწყდეთ მზისგან დამცავის გამოყენება სხეულზეც და არ იფიქროთ, რომ წყალში ან ქოლგის ქვეშ მზის სხივები ვერ მოგწვდებათ და ამ დროს შესაბამისი საშუალების გამოყენებაზე უარი არ თქვათ.

გარუჯვის შემდგომი დაცვა - გარუჯვის შემდგომი სპეციალური დამატენიანებელი

როგორც უკვე აღვნიშნეთ, კანის დატენიანება ყოველთვის აუცილებელია. თუმცა დღეს ხელმისაწვდომია სპეციალური დამატენიანებლები, რომელთა გარუჯვის შემდეგ გამოყენებითაც თქვენი კანი კიდევ უფრო გლუვი და ჯანმრთელი, ნამზეური კი - ხანგრძლივი გახდება. მაგალითად ასეთია Ziaja-ს გარუჯვის შემდგომი გელი After Sun Soothing Gel. ის მზის ზემოქმედებით გამოწვეულ კანის გაღიზიანებას ამშვიდებს, ამცირებს კანის არასაკმარისი დაცვის ეფექტებს, იცავს ეპიდერმისს. გელი უზრუნველყოფს მყისიერ შვებას გაღიზიანებული კანისთვის და მის კვებას, აჩქარებს უჯრედების რეგენერაციის პროცესს, აქვს სასიამოვნო გამაგრილებელი ეფექტი. შეიცავს ალანტოინს, კალციუმის კომპლექსი, პროვიტამინ B5 (D-პანთენოლი), ვიტამინი A-ს.

ბზინვარება - გარუჯვის შემდგომი ზეთი

გარუჯული კანი არაფერია, თუ ის სათანადოდ არ ბზინავდა. ბზინვარების მიღწევა კი სპეციალური ზეთით არის შესაძლებელი. Caudalie-ის ზეთი Glow გახლავთ ბუნებრივი, მრავალფუნქციური გამოყენების პროდუქტი, რომელიც შეგიძლიათ გამოიყენოთ არა მხოლოდ რუჯის შემდეგ, არამედ თმაზე და ზოგადად სხეულსა და დეკოლტეზეც. კვებავს და ალამაზებს ყველა ტიპის კანს. პროდუქტი 99% ბუნებრივი წარმოშობის ინგრედიენტებისგან შედგება. მის შემადგენლობაში შედის: არგანის ზეთი, ყურძნის თესლის ზეთი, ეკლიანი მსხლის ზეთი.

კანის გარეგანი მოვლის პარალელურად კი არ უნდა დაგავიწყდეთ, რომ გარუჯვის დროს აუცილებელია დიდი რაოდენობით წყლის მიღება. კანის ჯანმრთელობა და ვიზუალი პირდაპირ კავშირშია დღის განმავლობაში მიღებული წყლის რაოდენობასთან, განსაკუთრებით კი ინტენსიური გარუჯვის პერიოდში.

R