"ნიცა საკმაოდ ემოციურია და ხშირად ტირის, როცა ხვიჩას გოლი გააქვს..." - რას წერს ბრიტანული გამოცემა კვარაცხელიას პირად ცხოვრებასა და შემოსავალზე
ბრიტანელი გამოცემა The Sun ხვიჩა კვარაცხელიას მეუღლეზე სტატიას აქვეყნებს სათაურით: “ვინ არის ხვიჩა კვარაცხელიას მეუღლე ნიცა თავაძე? გაიცანით ქართველი ფეხბურთელის მეუღლე”.
სტატიაში ვკითხულობთ, რომ ხვიჩა კვარაცხელია თავისი სპორტული უნარების დემონსტრირებით საქართველოს საფეხბურთო ნაკრებში ყველაზე ცნობილი მოთამაშეა.
- მას ასევე გვერდით ჰყავს მეუღლე, ნიცა თავაძე, რომელიც მხარს უჭერს, მაგრამ ვინ არის ის?
ის სამედიცინოს სტუდენტი იყო, როდესაც წყვილი პირველად შეხვდა, თუმცა უცნობია, უკვე დაამთავრა თუ არა სწავლა. ნიცა თბილისის სამედიცინო უნივერსიტეტში სწავლობდა, რაც ნიშნავდა, რომ მას პარტნიორის გვერდით ყოფნისთვის ნეაპოლში სრულად გადასვლა არ შეეძლო.
თუმცა, წყვილი ერთმანეთს სწერდა და ურეკავდა, ასევე, თავისუფალ დროს ან მაშინ ხვდებოდა, როცა კვარაცხელიას ნაკრების თამაშების შესვენება ჰქონდა. როდესაც ნიცას ლექციები არ ჰქონდა, ნეაპოლში ჩადიოდა და "ნაპოლის" მატჩებს ესწრებოდა. ადრე აღუნიშნავთ, რომ ის პარტნიორის თამაშის ყურებისას საკმაოდ ემოციურია და ხშირად ტირის, როცა ხვიჩა გოლს გაიტანს.
- როგორ შეხვდნენ ნიცა და ხვიჩა ერთმანეთს?
ნიცა და ხვიჩა პირველად 2021 წელს შეხვდნენ. ამბობენ, რომ ისინი ერთმანეთს საერთო მეგობარმა გააცნო, მაგრამ შეხვედრა ერთი თვის შემდეგ დაიწყეს.
წყვილი პირველად ერთად იტალიასა და საქართველოს შორის კალათბურთის მატჩზე ნახეს.
- როდის დაქორწინდნენ ნიცა თავაძე და ხვიჩა კვარაცხელია?
ნიცა და კვარაცხელია 2023 წლის 16 ოქტომბერს დაქორწინდნენ.
სასიხარულო ამბის გამოცხადებისას, ფეხბურთელმა განსაკუთრებული დღის ფოტოების სერია გამოაქვეყნა წარწერით: "16.10.23," ლოცვის ემოჯისა და წითელი გულის თანხლებით.
წყვილი მცხეთის სამთავრო მონასტერში დაქორწინდა და ტრადიციული ქართული სამოსი ეცვათ.
მიუხედავად იმისა, რომ ახლა დაქორწინებულები არიან, ნიცა სამედიცინო კარიერის გასაგრძელებლად საქართველოში დარჩა.
- რას ნახავთ ნიცა თავაძის "ინსტაგრამზე”?
შეგიძლიათ, ნიცას “ინსტაგრამი” გამოიწეროთ: @nitsatavadze. 2024 წლის ივნისის მდგომარეობით, მას 116,000 მიმდევარი ჰყავს. თუმცა, როგორც ჩანს, ნიცას პირადი ცხოვრების კონფიდენციალურობის შენარჩუნება ურჩევნია, რადგან მხოლოდ რამდენიმე პოსტი აქვს.
- რამდენი აქვს შემოსავალი ხვიჩა კვარაცხელიას?
"ნაპოლიში" თამაშით, კვარაცხელია წელიწადში შთამბეჭდავ 1,302,964 ფუნტ სტერლინგს იღებს.
ის ასევე თამაშობს თავის ეროვნულ ნაკრებში, რომელიც ამჟამად 2024 წლის ევროპის ჩემპიონატზე ასპარეზობს.
გუნდმა პლეი-ოფში გასვლა პორტუგალიასთან ჯგუფურ ეტაპზე, მოულოდნელი გამარჯვების შედეგად მოახერხა.
წაიკითხეთ ასევე: