რაჭაში კიდევ ერთი მიწისძვრა მოხდა - სად იყო ეპიცენტრი?

დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი ონთან, სოფელი ბაჯიხევი იყო.

წინასწარი მონაცემებით, მიწისძვრის სიმძლავრე 3.6 მაგნიტუდას შეადგენდა.

შეგახსენებთ, ონის მუნიციპალიტეტში ივნისის განმავლობაში არაერთი მიწისძვრა დაფიქსირდა, მათგან ყველაზე მძლავრი 4 ივნისის ღამით, 02:03 საათზეც მოხდა. სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი იმჟამად სოფელ ონჭევში დაფიქსირდა და მისი სიმძლავრე 5.4 (ML) მაგნიტუდას შეადგენდა.