"მერვე წელია ურთიერთობაში ვარ ადამიანთან, რომელიც ძალიან მიყვარს... როგორც ირაკლისთან, ახლაც ხელი არ მომიწერია" - ქეთათო პოპიაშვილი პირად ცხოვრებაზე
ქეთათო პოპიაშვილი ეკა ჩხეიძის გადაცემაში „პირველი სტუდია“ პირად ურთიერთობაზე საუბრობს. მუსიკოსის თქმით, ის და მისი საყვარელი მამაკაცი რვა წელია ერთად არიან. ხან შორდებიან, მერე ისევ რიგდებიან. გადაცემაში პარტნიორის ვინაობას არ აკონკრეტებს, თუმცა ორი წლის წინ ბაია დვალიშვილთან გადაცემაში გივიკო ფანცულაიაზე პირველად ისაუბრა საჯაროდ...
- წლებია მაქვს გარკვეული ურთიერთობა. მეგობარია თუ ცხოვრების თანამგზავრია, ხან ვშორდებით, ხან ვრიგდებით, მაგრამ ახლა ისე გამოვიდა, რომ უერთმანეთოდ ვერ ვართ. არაფრის სტატუსს არ ვინარჩუნებ. როგორც თავიდან არ წავსულვარ და ირაკლისთან ხელი არ მომიწერია, ახლაც ასეა.
- ირაკლიზე დღემდე ისეთი სიყვარულით ლაპარაკობ, არ ეჭვიანობს?
- ირაკლიზე ბევრი ადამიანი ლაპარაკობს სიყვარულით. ვაფასებ ადამიანს რომელიც ამ უამრავ ნიუანს იღებს. ეს ჩემთვის უკვე ძალიან დასაფასებელია. ის თავისთავად არის გამორჩეული ყველა სხვა ადამიანისგან ჩემთვის. ადამიანებს სიყვარულის გარეშე არ შეგვიძლია ცხოვრება. ყველგან ამას ვეძებთ. ზოგი მერე ამ სიყვარულის დანაკლის მატერიალური კეთილდღეობით აინაზღაუროს, მაგრამ რეალურად ყველა სულიერ არსებას სჭირდება სიყვარული და ამის გარეშე ცოდოები ვართ.
- როდის მოვიდა სიყვარული ირაკლის მერე?
- ურთიერთობისთვის მზაობა ეს ძალიან რთულია. შეიძლება შორიდან კეთილგანწყობილი იყო ვიღაცის მიმართ, მაგრამ თანაცხოვრება ადამიანთან კიდევ უფრო მეტი ფილტრია. მერვე წელია ურთიერთობაში ვარ ადამიანთან, რომელიც ძალიან მიყვარს, ერთმანეთს გვერდში ვუდგავართ, ვშორდებით, შემდეგ თავიდან ვიწყებთ ურთიერთობას. ცხოვრება ზოგჯერ თვითონ გვატარებს თავის გზებზე.
ყველაზე მეტად საყვარელი ადამიანის დაკარგვის მეშინია. მანამდეც მქონდა ეს შიში და შფოთვა. საბოლოო ჯამში არც არაფრის უნდა გეშინოდეს. მეგონა, რომ ერთი დღე ვერ გავძლებდი მის გარეშე ცოცხალი. როდესაც მეუბნებოდა მერე შენ მოგიწევს... ვეუბნებოდი შენ რომ რამე მოგივიდეს ვერ გავძლებ ერთი დღე უშენოდ-მეთქი.
წაიკითხეთ ასევე: