"ჩვენ შენთან ვართ, საქართველო" - "ლევანტეში" დღეს ქოჩორაშვილს და საქართველოს ქომაგობენ: ესპანური კლუბი სოციალურ ქსელში პოსტს ქართულ ენაზე აქვეყნებს

ესპანურ კლუბ "ლევანტეში", სადაც საქართველოს ეროვნული ნაკრების ფეხბურთელი გიორგი ქოჩორაშვილი თამაშობს, დღეს პორტუგალიის წინააღმდეგ საქართველოს გულშემატკივრობენ.

კლუბის ოფიციალურ გვერდზე "ფეისბუქში" გიორგის ფოტო გამოაქვეყნეს, რომელსაც თან ახლავს ქართული წარწერა: "ჩვენ შენთან ვართ, საქართველო".

ცნობისთვის, ევროპის ჩემპიონატის ჯგუფური ეტაპის ბოლო მატჩში საქართველო პორტუგალიას დაუპირისპირდება. მოგების შემთხვევაში ჩვენი გუნდი შემდეგ ეტაპზე გავა.

მატჩი გელზენკირხენში თბილისის დროით 23:00 საათზე დაიწყება.

ევროპის ჩემპიონატზე პირველი მატჩი საქართველოს ნაკრებმა 18 ივნისს, თურქეთთან გამართა და 1:3 დამარცხდა, ხოლო 22 ივნისს გამართულ მეორე მატჩში ჩეხეთის ნაკრებთან შეხვედრა ფრედ, 1:1 დაასრულა, შესაბამისად, ევროპის ჩემპიონატზე პირველი ქულა მოიპოვა.

EURO 2024-ის მატჩების ღია ჩვენებები საქართველოს ყველა ქალაქში დიდ ეკრანებზეა შესაძლებელი. თამაშს თბილისში, მიხეილ მესხის სტადიონზე აჩვენებენ.