მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამდღიანი მუსიკალური ფესტივალი -Tbilisi Open Air 2024 დასრულდა
13:36 / 25-06-2024
ოთხი სცენა და 60 - ზე მეტი არტისტი, ევროპის ჩემპიონატის ტრანსლაცია ევროზონაში, საუბრები, დისკუსიები, გათამაშებები - Tbilisi Open Air - მა წელს, 15 წლის იუბილე აღნიშნა.
მუსიკალური ფესტივალი Tbilisi Open Air 21-23 ივნისს კვლავ Lisi Wonderland-ში ჩატარდა.
ფესტივალის ჰედლაინერები იყვნენ: AURORA, M.I.A, Masego, Archive, La Femme.
უცხოელ მუსიკოსებთან ერთად, ფესტივალში მონაწილეობა ქართველმა შემსრულებლებმაც მიიღეს, რომელთა შორის იყვნენ: MokuMoku, AVARA, Killages, Loudspeakers და სხვები.
„უკვე 15 წელია, Tbilisi Open Air თქვენთან ერთად არსებობს. ამ წლების განმავლობაში ეს ფესტივალი აერთიანებდა და ყოველთვის გააერთიანებს ყველა თაობის თავისუფალ ადამიანს.
სიმბოლურია, რომ ფესტივალის ამ საიუბილეო წელს ჩვენს ქვეყანას კვლავაც უწევს ბრძოლა თავისუფლებისთვის, თუმცა შეუძლებელია, რომ ერთი იდეის გარშემო გაერთიანებულმა ამდენმა ადამიანმა, რომელთაც ასეთი საოცარი ატმოსფეროს შექმნა შეუძლიათ, ყველა წინაღობა ვერ გადალახონ. Lisi Wonderland-მა და ამ სამმა დღემ წელსაც უამრავი მოგონება დაგვიტოვა. დიდი მადლობა თქვენ და დიდი მადლობა ჩვენს არაჩვეულებრივ არტისტებს ყველაფრისთვის!” ნათქვამია Tbilis Open Air -ის განცხადებაში.
თბილისის ერთ-ერთი ყველაზე მრავალფეროვან და მასშტაბურ ფესტივალზე წელსაც ბევრი სიახლე იყო. ფრიდომ ვილიჯში სტუმრებს მიეცათ შესაძლებლობა კიდევ უფრო მეტი ესაუბრათ თავისუფლებაზე, თანასწორობასა და მრავალფეროვნებაზე.
მეორე საფესტივალო დღეს, საქართველო – ჩეხეთის მატჩის ჩვენება გაიმართა ფესტივალის ტერიტორიაზე განთავსებულ დიდ ეკრანზე, სადაც საქართველოს ეროვნული ნაკრების გულშემატკივრები იყვნენ შეკრებილები.
აღსანიშნავია, რომ Tbilisi Open Air -ის სცენაზე ქართველი ხალხის მხარდასაჭერად მუსიკოსებმა სხვადასხვა პერფორმანსი მოაწყვეს.
ნორვეგიელმა არისტმა Aurora-მ სცენაზე ქართველი ხალხის სოლიდარობისთვის ჯერ საქართველოს დროშა, შემდეგ კი ქვიარ თემის მხარდამჭერი დროშა გაშალა.
საქართველოს დროშა გაშალა სცენაზე კიდევ ერთმა არტისტმა M.I.A. - მ.
ბრიტანული მუსიკალური ჯგუფი The Tiger Lillies მსმენელის წინაშე Tbilisi Open Air-ზე 23 ივნისს წარდგა. მათ საქართველოს დროშის თანხლებით შეასრულეს კომპოზიციები, ჯერ სცენიდან, შემდეგ კი სოციალური ქსელით ქართველი ხალხის მხარდამჭერი განცხადება გაავრცელეს.
„გუშინ საქართველოში დავუკარით, როცა მზე იმ ათასობით ადამიანისთვის ჩავიდა, ვისაც სურს თავისუფალი იყოს. მათ არ სურთ დიქტატორი, მათ არ სურთ მისი იმპერიის ნაწილი იყვნენ. ეს ერთ-ერთი საუკეთესო ღამე იყო" - The Tiger Lillies.
საქართველოს თავისუფლებისა და დამოუკიდებლობისთვის მხარდამჭერი მესიჯები გაჟღერდა სცენიდან, ბენდების: Loudspeakers, Killages, Circus Mircus - ის ლაივ შესრულების დროსაც.
15 წლის განმავლობაში ფესტივალმა უმასპინძლა ათასზე მეტ არტისტსა და რამდენიმე ასეულ ათას მსმენელს. Tbilis Open Air სტუმრებს 1 წლით დაემშვიდობა.
ავტორი: თეკლა ჯანელიძე
ფოტო: გიორგი ჟამერაშვილი; გიორგი ნიკოლიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
