ჯეი ლო პოზიტანოს სანაპიროზე მარტო ნებივრობს - სად არის ბენი?
ჯეი ლო პოზიტანოს სანაპიროზე მარტო ნებივრობს - სად არის ბენი?
ჯენიფერ ლოპესი იტალიაში, პოზიტანოს სანაპიროზე ისვენებს. სადა, თეთრ საცურაო კოსტიუმში გამოწყობილი ჯეი ლოს ფოტოები მას შემდეგ გავრცელდა, რაც მისი და ბენ აფლეკის დაშორების შესახებ ხმები კვლავ დაირხა. ჯეი ლო ლოს-ანჯელესიდან დასასვენებლად სწორედ ამ დღეებში გაფრინდა.
რამდენიმე დღის წინ, აფლეკი საქორწინო ბეჭდის გარეშე დააფიქსირეს, რამაც მათი დაშორების შესახებ ეჭვები კიდევ უფრო გააძლიერა. წყვილი 2022 წელს, ნიშნობის შეწყვეტიდან 20 წელიწადში დაქორწინდა.
თუმცა, ბოლო კვირებში გავრცელდა ინფორმაცია, რომ ცნობილი წყვილის ქორწინება საფრთხის ქვეშაა და როგორც ინსაიდერები ამბობენ, "არანაირი გზა არ არსებობს, რომ ამ ურთიერთობამ "იმუშაოს"...
თავდაპირველად, ბენი და ჯეი ლო ორი წლის განმავლობაში, 2004 წლამდე ხვდებოდნენ, მაგრამ დაშორდნენ, თუმცა 2021 წელს შერიგდნენ და მომდევნო წელს არა ერთხელ, არამედ ორჯერ იქორწინეს.
ქორწინებაში არსებული სირთულეების შესახებ ხმები მიმდინარე თვის დასაწყისში დაირხა, მას შემდეგ, რაც წყვილი ერთად შვიდი კვირის განმავლობაში არ უნახავთ. ამასთანავე, გავრცელდა ინფორმაცია, რომ ბენი მათი 47 მილიონი ფუნტის ღირებულების სასახლიდან გადავიდა.
მასთან დაახლოებულმა წყარომ Page Six-ს განუცხადა: "დროებითი შეშლილობის საფუძველზე განქორწინების გზა რომ არსებობდეს, ის ამას გააკეთებდა. მისთვის ბოლო ორი წელი ცხელებიანი სიზმარივით იყო, ახლა გონს მოეგო და ესმის, რომ უბრალოდ, არანაირი ვარიანტი არ არსებობს, რომ ეს ყველაფერი გამოვიდეს".