მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უძლეველი მეკარე", გაშვებული "ოქროს შანსი", და ქართველების "ხმამაღალი, მღელვარე და დაჟინებული" თამაში..." - როგორ აფასებენ უცხოური გამოცემები საქართველო - ჩეხეთის მატჩს?
20:00 / 22-06-2024
"კიდევ ერთი შესანიშნავი თამაში და ქულა, რომელიც არცერთ მხარეს არ ეხმარება", - ასე აფასებენ უცხოელი კომენტატორები საქართველო-ჩეხეთის მატჩს. BBC-ის სპორტული ჟურნალისტები აღფრთოვანებით ადევნებდნენ თვალს თამაშს. თითოეული მათგანი აღნიშნავს ქართველი ფეხბურთელების დაუღალავ შრომას მედანზე.
"საქართველომ უამრავი ახალი გულშემატკივარი შეიძინა ამ ორ მატჩში თავისუფალი და უშიშარი თამაშით. თურქეთთან მარცხის შემდეგ, დებიუტანტებს ცოტა დააკლდათ პირველ გამარჯვებამდე", - წერს BBC-ი.
"საქართველოსთვის ევროპის ჩემპიონატის მეორე ეპიზოდი ძალიან ჰგავდა მათსავე პირველ თამაშს: ხმამაღალი, მღელვარე და დაჟინებული..." - წერს The Guardian.
პირველი ტაიმი ორმაგი შეტევებით დაიწყო, შეიძლება ითქვას, რომ ბურთი ცენტრში საერთოდ არ ჩერდებოდა და გიჟურ ტემპში მიმდინარეობდა თამაში. ჩეხებმა შეძლეს უპირატესობის მოპოვება, თუმცა მამარდაშვილის კარგმა თამაშმა არაერთხელ გადაარჩინა ჩვენი კარი გოლისგან. თითქმის ყველა კომენტატორი აღნიშნავს "მამარდას" მნიშვნელობას დღევანდელ მატჩში:
"ქართველი მეკარე უძლეველი იყო და მისმა ბრწყინვალებამ ჩეხები არაერთხელ დააშორა გამარჯვებას". - ცნობისთვის, გიორგი მამარდაშვილს მატჩში 11 სეივი ჰქონდა, რაც მიმდინარე ევროპის ჩემპიონატის რეკორდია. ის დამსახურებულად გახდა მატჩის საუკეთესო მოთამაშე.
პირველი ტაიმის პირველივე წუთებში სამი ძლიერი დარტყმა მოიგერია მამარდაშვილმა და გადაგვარჩინა.
ბოლო წუთზე ხვიჩას ჩაწოდებული ჯარიმის შემდეგ კაშიას ჰქონდა ბურთი გატანის შანსი, თუმცა ვერ შეძლო, სწორედ ამის შემდეგ გადაწყდა ვარს შეემოწმებინა საჯარიმოში ჩეხების თამაში, რის შედეგადაც პენალტი დაინიშნა, რომელიც შეუდარებლად შეასრულა გიორგი მიქაუტაძემ. (გიორგი მიქაუტაძე ისტორიაში მეექვსე ფეხბურთელია, რომელსაც ევროპის ჩემპიონატებზე თავისი ქვეყნის საწყისი ორი გოლი აქვს გატანილი. ბოლოს ეს უკრაინელმა ანდრეი შევჩენკომ 2012 წელს გააკეთა.)
ბოლო წუთებზე ჩეხეთის ნაკრებმა დიდი უპირატესობა მოიპოვა და კიდევ არაერთი სახიფათო მომენტი შექმნა, თუმცა ბოლო წამზე გამარჯვების რეალური შანსი მაინც საქართველოს ჰქონდა: ჩაკვეტაძის წამოწყებულ კონტრშეტევაზე საბა ლობჟანიძეს შეეძლო ჩვენი გუნდისთვის 3 ქულის მოტანა, თუმცა ბურთი კარს ასცდა - ყველა აღნიშნავს, რომ საქართველოს მოგების ოქროს შანსი ექნებოდა,
"საქართველოს შეეძლო მოგება, მაგრამ საბა ლობჟანიძემ კონტრშეტევაზე თამაშის ბოლოს კარს ააცილა", - წერს CBS.
იხილეთ ასევე:
- პირველი ქულა ევროპაზე და გიორგი მამარდაშვილის 11 "სეივი" - საქართველო - ჩეხეთი 1:1
- "მამარდა" პირველია - როგორი შეფასებები მიიღეს საქართველოს ნაკრების წევრებმა ჩეხეთთან მატჩში?
- "ერთი ქულა ავიღეთ ბრძოლასა და თავგანწირვაში. ჩემი აზრით, ბოლოს შეგვეძლო მოგებაც, ამ მომენტზე გული მწყდება..." - მატჩის გმირის, გიორგი მამარდაშვილის პირველი კომენტარი
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სანიოლს რა უნდა,რატომ არ ათამაშებს.მიტინგი ხომ არ უნდა.
მიმდინარე ჩემპიონატის კიარა საეთოდ ევროპის ჩემპიონატების რეკორდია. ლიტვის თუ ლატვიის მეკარეს ჰქონდა 10 სეივი, მამარდას 11 კი, რეკორდია!