"ხალხი ფიქრობს, “რატომ არის ყოველთვის გაბრაზებული?” იმიტომ, რომ ვიღაცა თავის კამერას სახეში მჩრის...გამორბიან და ყვირიან, ჯეი ლოო" - ბენ აფლეკი განმარტავს, რატომ აქვს მუდმივად "უჟმური" გამომეტყველება
ბენ აფლეკი ჯენიფერ ლოპესთან ქორწინების შესახებ იშვიათად საუბრობს. ამჯერად, მსახიობმა მეუღლის "აბსოლუტურად გიჟური" დონის პოპულარობასთან შეგუებაზე ისაუბრა. ბენი კევინ ჰარტის Hart to Heart თოქ-შოუში გამოჩნდა და აღნიშნულ თემას სწორედ იქ შეეხო.
- "ჯენიფერთან ერთად სადღაც წავედი - ვერ ვიხსენებ. ის ისეთი ცნობილია, ხალხს უყვარს და მართლაც წარმოადგენს რაღაც მნიშვნელოვანს მათთვის", - უთხრა აფლეკმა წამყვანს.
"ჩემთან შეხვედრისას ადამიანები ამბობენ: “ჰეი, შენი ფილმი მომწონს” და შემდეგ: “აააააააჰ! ჯეი-ლო!' ეს საოცარია, ხვდები, რას ვგულისხმობ?" - ამბობს ბენი.
აფლეკმა ასევე გაიხსენა ცოლის უკიდურესი პოპულარობის კიდევ ერთი მაგალითი და ამბავი, რომელიც ნიუ-იორკში, თაიმს-სქვერში შვილებთან ერთად ოჯახური სეირნობისას მოხდა.
"მანქანიდან გადმოვედით, სპექტაკლზე მივდიოდით და ვამბობ: “ამის დედაც, პატარავ, დავაგვიანებთ..." ფეხით წამოვედით. მასთან და ბავშვებთან ერთად თაიმს-სქვერის გავლით გადმოვედით და ჯანდაბა, სიგიჟე იყო", - იხსენებს ბენი.
აფლეკმა, რომელმაც ლოპესზე 2022 წელს იქორწინა, განაგრძო: "ვიფიქრე, “ოჰ, ღმერთო ჩემო”. იქ იყო ქალი, მარიხუანას ეწეოდა, იასამნისფერ მჭიდრო კოსტიუმში, გამოიქცა, თან ვიდეოს იღებდა და ყვიროდა: “ჯეი-ლოოო!”"
- აფლეკმა ასევე ისაუბრა თავის ცნობილ სახის გამომეტყველებებზე და აღნიშნა, რომ ზოგჯერ პაპარაცების ფოტოებში გაღიზიანებულად გამოიყურება, რადგან "ცოტა მორცხვია."
"ბევრი ყურადღება არ მომწონს. ამიტომაც ხალხი მხედავს და ფიქრობს, “რატომ არის ეს ტიპი ყოველთვის გაბრაზებული?” იმიტომ, რომ ვიღაცა თავის კამერას სახეში მჩრის და ვფიქრობ: “აი, დაიწყო”.
"ბეტმენის" ვარსკვლავს არ უსაუბრია გავრცელებულ ინფორმაციაზე, რომ ქორწინებაში პრობლემები აქვს.