ცნობილია, ვინ გახდება ნატო-ს გენერალური მდივანი - სტოლტენბერგს ვადა შემოდგომაზე ეწურება
უკვე ცნობილია, რომ ნიდერლანდების პრემიერ-მინისტრი მარკ რუტე ნატო-ს შემდეგი გენერალური მდივანი გახდება მას შემდეგ, რაც მისი ერთადერთი კონკურენტი რბოლას გამოეთიშა.
გენერალური მდივნობის კიდევ ერთი კანდიდატი რუმინეთის პრეზიდენტი კლაუს იოჰანისი იყო, რომელმაც ახლახან განაცხადა, რომ კანდიდატურა მოხსნა.
ნატოს გენერალურ მდივანს, იენს სტოლტენბერგს ვადა ამ თანამდებობაზე მუშაობის მიმდინარე წლის ოქტომბერში ეწურება. აღსანიშნავია, რომ ჯერჯერობით, ოფიციალურად არ დაუდასტურებიათ ნატო-ს წევრ ქვეყნებს რომ რუტეს კანდიდატურას დაუჭერენ მხარს.
57 წლის რუტე მემკვიდრეობით მიიღებს Nato-ს გამოწვევას როგორი იყოს პასუხი რუსეთის მოქმედებებზე უკრაინაში, ასევე როგორი იქნება სტრატეგია ტრამპის გაპრეზიდენტების შემთხვევაში. აღსანიშნავია, რომ რუტეს ტრამპთან პოზიტიური ურთიერთობა აქვს.