დაძაბული თამაში, ემოციები, ისტორიული გოლი - როგორი იყო პირველი ტაიმი თურქეთის წინააღმდეგ? მნიშვნელოვანი მომენტები (ფოტო/ვიდეო)
გერმანიაში, დორტმუნდში ევროპის ჩემპიონატზე საქართველოს ეროვნული ნაკრები პირველ, ისტორიულ მატჩს მართავს. ჩვენი გუნდი თურქეთს უპირისპირდება. ამ წუთებში დასრულდა დაძაბული პირველი ტაიმი.
- ნაკრების ძირითადი შემადგენლობა ასეთია: მამარდაშვილი, კაკაბაძე, კვირკველია, კაშია, დვალი, წიტაიშვილი, მექვაბიშვილი, ქოჩორაშვილი, ჩაკვეტაძე, კვარაცხელია, მიქაუტაძე. გუნდის მთავარი მწვრთნელი - ვილი სანიოლი.
ემოციური იყო მატჩის დასაწყისი და ჰიმნი, რომელსაც ფეხბურთელები გულშემატკივართან ერთად მღეროდნენ.
პირველი ტაიმი გარდამავალი უპირატესობით მიმდინარეობდა. უფრო მეტს თურქები უტევდნენ, თუმცა არაერთი შანსი ჰქონდა საქართველოს ნაკრებსაც. 26-ე წუთზე თურქებმა უპირატესობა გოლად აქციეს. მალევე მეორე გოლიც გაიტანეს, თუმცა თამაშგარე მდგომარეობის გამო გოლი არ ჩაითვალა.
საქართველომ 33-ე წუთზე თურქეთს გაუთანაბრა და ევროპის ჩემპიონატზე პირველი, ისტორიული გოლი გაიტანა.
ნახეთ ასევე:
საქართველოს ჰიმნი ევროპის ჩემპიონატზე, ცრემლები და ემოციები: კადრები, რომლებიც ისტორიას დარჩება