"ხელფასი, შემოსავალი რაც ჰქონდათ, მთლიანად დახარჯეს ფრენის ბილეთებში და თამაშს რომ დასწრებოდნენ... ასეთი გარემო არის ჩვენს ქვეყანაში" - გურამ კაშია

ევროპის ჩემპიონატის პირველ ტურში, თურქეთთან მატჩის წინ ჩატარებულ პრესკონფერენციაზე საქართველოს ნაკრების კაპიტანმა გურამ კაშიამ ისაუბრა:

"ძალიან ბევრმა დაზოგა ფული, ის ხელფასი, ის შემოსავალი რაც ჰქონდათ, მთლიანად დახარჯეს ფრენის ბილეთებში და თამაშს რომ დასწრებოდნენ. ასეთი გარემო არის ჩვენს ქვეყანაში, ძალიან უყვარს ქართველ გულშემატკივარს ფეხბურთი.

30 წელი ველოდებოდით რომ დიდ ტურნირზე გვეთამაშა და ეს ოცნება ყველას ჩვენ აგვიხდა და ვიცით რამდენად მნიშვნელოვანია და ვიცით რამდენად მნიშვნელოვანია ის თუ როგორ ვითამაშებთ, როგორ წარვადგენთ საკუთარ თავს, ქვეყანას ამ ტურნირზე", - თქვა გურამ კაშიამ.

ცნობისთვის, საქართველოს პირველი, ისტორიული მატჩი ევროპის ჩემპიონატზე ხვალ, 18 ივნისს, თბილისის დროით 20:00 საათზე დაიწყება.