მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზოგის თქმით, ფეხბურთი პოლიტიკაში არ უნდა ავურიოთ, მაგრამ აქ ვსაუბრობთ სიტუაციაზე, რომელიც უფრო მნიშვნელოვანია, ვიდრე თამაში" - კილიან მბაპე ექსტრემისტული შეხედულებების წინააღმდეგ
12:42 / 17-06-2024
ევრო 2024-ზე საფრანგეთის პირველ მატჩამდე ერთი დღით ადრე კილიან მბაპე თავისი ქვეყნის პოლიტიკურ ვითარებაზე ლაპარაკობს და სამშობლოში მიმდინარე მოვლენებს აღწერს, როგორც საფრანგეთის ისტორიისთვის გადამწყვეტ მომენტს.
ჩვეულებრივი კითხვები იმის თაობაზე, თუ რა გამოწვევას შეიძლება წარმოადგენდეს საფრანგეთისთვის ავსტრია ჯგუფ D-ში მომავალ მატჩში, პრესკონფერენციაზე გადაიფარა, როდესაც მბაპემ თავის შიშებზე საუბარი ღიად დაიწყო და თქვა, რომ საფრანგეთში სიტუაცია "ავბედითია".
"ეს უპრეცედენტო მოვლენაა და ამიტომაც, მინდა მივმართო მთელ საფრანგეთის მოსახლეობას, განსაკუთრებით კი - ახალგაზრდობას. ჩვენ ვართ თაობა, რომელსაც განსხვავების შექმნა შეუძლია. ჩვენ ვხედავთ, რომ ექსტრემისტები ძალაუფლების კარზე აკაკუნებენ... ჩვენ კი გვაქვს შანსი, ჩვენი ქვეყნის მომავალი ჩამოვაყალიბოთ".
შაბათს საფრანგეთის ფეხბურთის ფედერაციამ საზოგადოებას მოუწოდა, რომ ეროვნული გუნდის ნეიტრალიტეტს პატივი სცენ და “ლე ბლუ” პოლიტიზებული არ გახადონ, პრეზიდენტ ემანუელ მაკრონის შოკისმომგვრელი განცხადების შემდეგ, რომელმაც ერთი კვირის წინ რიგგარეშე საპარლამენტო არჩევნები დააანონსა, რადგან ევროკავშირის კენჭისყრაში მარინ ლე პენის ულტრამემარჯვენე პარტიის წინააღმდეგ დამარცხება იწვნია.
ამ ნაბიჯმა საფრანგეთი პოლიტიკურ გაურკვევლობაში შეიყვანა და ფინანსური ბაზრები არია, რადგან მაკრონის ნაბიჯმა, შესაძლოა, ულტრამემარჯვენეებს რეალური პოლიტიკური ძალაუფლება მისცეს და მისი პრეზიდენტობაც ვადის ამოწურვამდე სამი წლით ადრე შესუსტდეს.
ფორვარდმა, მარკუს ტურამმა ხალხს "ყოველდღიური ბრძოლისკენ“ მოუწოდა, რათა ლე პენის პარტიას ძალაუფლების მოპოვებაში ხელი შეუშალონ, მბაპემ კი ასევე განაცხადა:
"იგივე შეხედულება მაქვს. იგივე აზრი მქონდა, როდესაც ვისაუბრე მრავალფეროვნების, ტოლერანტობისა და პატივისცემის შესახებ," - თქვა მან, - "ხვალინდელი თამაში ძალიან მნიშვნელოვანია, მაგრამ არსებობს სიტუაცია, რომელიც უფრო მნიშვნელოვანია, ვიდრე თამაში. კილიან მბაპე იმ ექსტრემისტული შეხედულებების და იდეების წინააღმდეგია, რომელიც ხალხს ყოფს. მინდა, საფრანგეთის წარმომადგენლობით ამაყი ვიყო, არ მსურს, წარმოვადგენდე ქვეყანას, რომელიც ჩემს ან ჩვენს ფასეულობებს არ შეესაბამება", - აღნიშნა ფეხბურთელმა.
აღსანიშნავია, რომ უეფას გუნდებისა თუ მოთამაშეების პოლიტიკური განცხადებების წინააღმდეგ მკაცრი წესები აქვს, თუმცა მბაპეს თქმით, საფრანგეთში არსებული სიტუაცია ყველას აწუხებს.
"ყველა აცნობიერებს სიტუაციას საფრანგეთში. არის ზოგი ადამიანი, ვინც რამის თქმისას და გამოხატვისას უფრო კომფორტულად გრძნობს თავს," - თქვა 25 წლის ფეხბურთელმა, - "ჩვენ გვინდა, ჩვენი ყველა ფეხბურთელი და, რა თქმა უნდა, საფრანგეთის გუნდი დავიცვათ. მაგრამ ამაზე ვიფიქრეთ და ვფიქრობ, რომ რაღაცას მოვიმოქმედებთ. ასე რომ, ყურადღებით იყავით.
ზოგის თქმით, ფეხბურთი პოლიტიკაში არ უნდა ავურიოთ, მაგრამ აქ ვსაუბრობთ სიტუაციაზე, რომელიც ნამდვილად მნიშვნელოვანია, უფრო მნიშვნელოვანი, ვიდრე თამაში. ჩვენს ქვეყანაში ვითარება საშინელია და უნდა ვიმოქმედოთ”, - აღნიშნა მბაპემ.
საფრანგეთის ეროვნული ნაკრების მწვრთნელის, დიდიე დეშამის თქმით, ის თავისი ფეხბურთელების პოლიტიკურ შეხედულებებს პატივს სცემს:
"ეს მათი თავისუფალი ნებაა. უნდა ვაღიაროთ, რომ ისინი დიდი ფეხბურთელები არიან, მაგრამ ასევე არიან საფრანგეთის მოქალაქეები და ქვეყანაში არსებული ვითარების მიმართ იმუნურები ან გულგრილები ვერ იქნებიან", - განაცხადა დეშამმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
