ის, რასაც ბედნიერება მოაქვს და ცხოვრებას აუმჯობესებს, არ არის აუცილებელი იყოს გრანდიოზული და სასარგებლო.
დააკვირდით თქვენს გარშემო არსებულ სამყაროს
„ჩვენ უნდა შევეგუოთ იმას, რომ ყოველდღე "გავხსნათ" საკუთარი თავი ახალი გამოცდილებისთვის და მივცეთ საშუალება ვისწავლოთ“ რაღაც ახალი.
დაივიწყეთ, რომ ეს სისულელეა, რომ ძალიან დაკავებული ხართ და ეს დროის კარგვაა.
პირველ რიგში, უნდა შეიგრძნოთ ყოველდღიური მომენტების ხიბლი. მაგალითად, შეიგრძენით პატარა სიხარული, როცა დაინახავთ, როგორ თამაშობს მზის ათინათი დილის ყავაზე. უბრალოდ, ხელოვნურად ნუ შექმნით ასეთ მომენტებს. მოძებნეთ ის, რაც თქვენში ემოციას იწვევს და გჯეროდეთ, რომ ასეთი რამეები გამოჩნდება მაშინ, როცა ყველაზე ნაკლებად მოელით.
ჩვენ საკუთარ თავს ვეუბნებით, რომ შთამბეჭდავი მოვლენები გრანდიოზული უნდა იყოს. სინამდვილეში, თქვენ შეგიძლიათ უბრალოდ ამოისუნთქოთ და იცხოვროთ ისეთი ცხოვრებით, რომელიც საერთოდ არ არის გრანდიოზული. ეცადეთ ყოველდღე აღნიშნოთ პატარ-პატარა სასიამოვნო დეტალები. მაგალითად, თქვით: "რა სასიამოვნო წვიმაა"; "რა ლამაზია ეს ყვავილები"... თქვენი ტვინი გადაეწყობა ყველაფერში პოზიტივის დანახვაზე.
იკიგაი ხანგრძლივი და ბედნიერი ცხოვრების იაპონური საიდუმლოა. ყველას უნდა ბედნიერად და ხანგრძლივად ცხოვრება, მაგრამ როგორ მივაღწიოთ ამას? ამ კითხვაზე პასუხი ამ წიგნში გელოდებათ. ვინც იპოვის საკუთარ იკიგაის, მიიღებს ყველაფერს ხანგრძლივი და ბედნიერი ცხოვრებისთვის. იკიგაის ტრანსფორმაციული ძალა აქვს, ის გაპოვნინებთ ცხოვრების აზრს, ის თქვენი უშრეტი მოტივაციისა და ენერგიის წყარო გახდება. ამ წიგნში გაეცნობით სხვადასხვა ტექნიკას, რომელიც თქვენი იკიგაის პოვნაში დაგეხმარებათ. მოგზაურობა იკიგაის სამყაროში იწყება აქ და ახლა!
იპოვეთ დამამშვიდებელი აქტივობა
თუ გიჭირთ იმის წარმოდგენა, რაც მოგხიბლავთ, იფიქრეთ იმაზე, რაც გამშვიდებთ. იქნებ ეს გასეირნებაა? ან მოგზაურობა მუზეუმში. ან ღრუბლების მოძრაობის ყურება. რაც არ უნდა იყოს, იპოვეთ საშუალება ყოველდღე გამონახოთ დრო. ყურადღებას მიაქციეთ ცის ფერს და იმ შეგრძნებებს, რომლებსაც ნიავი გაგრძნობინებთ კანზე.
ზოგმა შეიძლება იპოვოს სიმშვიდე ტაძრის მონახულებით, ზოგი კი სიმშვიდეს პოულობს მთვარისა და ვარსკვლავების ყურებით. ნებისმიერი მარტივი აქტივობა, რომელიც გაბედნიერებთ, აუცილებლად შეასრულეთ.
გააკეთეთ კარგი რაღაცები ყოველგვარი მიზეზის გარეშე
ჩვენ მიდრეკილნი ვართ ვიფიქროთ, რომ სიამოვნების ძიება სიამოვნების გულისთვის რაღაცნაირად გულუბრყვილოა. ან, სხვა სიტყვებით რომ ვთქვათ, ჩვენ უფრო მეტად ვაფასებთ იმას, რაც პრაქტიკულად და ეფექტურად ითვლება. მაგრამ თქვენ არ გჭირდებათ მიზეზი, რომ გააკეთოთ ის, რასაც სიხარული მოაქვს.
