მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გრიგოლ ლილუაშვილმა ირაკლი კობახიძეს დასცინა" - რომან გოცირიძე
15:50 / 13-06-2024
არ ვიცი, უნდოდა თუ ასე გამოვიდა, მაგრამ [გრიგოლ] ლილუაშვილმა ირაკლი კობახიძეს დასცინა , - ამის შესახებ “ევროოპტიმისტების” დეპუტატმა, რომან გოცირიძემ განაცხადა, რითაც სუს-ის უფროსის, გრიგოლ ლილუაშვილის განცხადებას გამოეხმაურა, რომლის თანახმად პრემიერ-მინისტრის ირაკლი კობახიძისა და ევროკომისარ ოლივერ ვარჰეის სატელეფონო საუბარში “არ არის საკმარისი ნიშნები იმისა, რომ გამოძიების დაწყების საფუძველი იყოს - არ არის სათანადო მტკიცებულებები”.
- გოცირიძის თქმით, გრიგოლ ლილუაშვილი ირაკლი კობახიძის განცხადების გამოსწორებას შეეცადა, თუმცა გამოსწორების ნაცვლად პირიქით, დაცინვა გამოუვიდა.
“არ ვიცი, უნდოდა თუ ასე გამოვიდა, მაგრამ [გრიგოლ] ლილუაშვილმა ირაკლი კობახიძეს დასცინა. კობახიძე არაჯენტლმენურად მოიქცა, როდესაც ირიბად და მეგობრულად ნათქვამი რჩევა, რომ “ ხომ ხედავთ, რა არეულობა მსოფლიოში, რა მოხდა სლოვაკეთში, იმ კაცს [ფიცოს] ესროლეს და რად გვინდა დამატებითი დაძაბულობისა და კონფრონტაციის შეტანა საზოგადოებაში” - აი, ამ ტექსტით მეგობრული რჩევა მან აღიქვა, თითქოს ვიღაცა, რა თქმა უნდა, იგულისხმება - აშშ, აპირებს კობახიძის მოკვლას. ვის რაში სჭირდება კობახიძე? კობახიძის ნაირი არის 150 კაცი პარლამენტში. ერთი კობახიძე მეორე მათიკაშვილით ჩანაცვლდება - რა განსხვავებაა? ვის რაში სჭირდება კობახიძის მოკვლა? სინამდვილეში, აქ ირიბად იგულისხმება - “აი ბიძინას მოგვიკლავენ ეს სპეცსამსახურები”. ძალიან ანტისახელმწიფოებრივი განცხადება გააკეთა [ირაკლი კობახიძემ], რომლითაც ნულამდე დასწია ქვეყნის და ხელისუფლების რეპუტაცია. როგორც ჩანს, ლილუაშვილი ამის გამოსწორებას შეეცადა, მაგრამ გამოსწორების ნაცვლად პირიქით პრემიერ-მინისტრის დაცინვა გამოუვიდა”, - აღნიშნა რომან გოცირიძემ.
- ცნობისთვის, სუს-ის უფროსმა განაცხადა, რომ პრემიერ-მინისტრის, ირაკლი კობახიძის განცხადებაში “არ არის საკმარისი ნიშნები იმისა, რომ გამოძიების დაწყების საფუძველი იყოს - არ არის სათანადო მტკიცებულებები”.
შეგახსენებთ, რომ პრემიერ-მინისტრმა ირაკლი კობახიძემ 23 მაისს სოციალურ ქსელში განცხადება გამოაქვეყნა, სადაც აღნიშნავს, რომ ევროკომისარმა მასთან საუბრისას განაცხადა, რომ „უცხოური გავლენის გამჭვირვალობის“ შესახებ კანონპროექტზე პრეზიდენტის ვეტოს დაძლევის შემთხვევაში, დასავლელმა პოლიტიკოსებმა შესაძლოა გარკვეული ზომები მიიღონ და ამავე კონტექსტში მან სლოვაკეთის პრემიერ-მინისტრზე განხორციელებული "ტერორისტული თავდასხმაც" ახსენა. მოგვიანებით ევროკომისარმა ოლივერ ვარჰეიმ პრემიერ-მინისტრ ირაკლი კობახიძის მიერ გავრცელებულ ინფორმაციასთან დაკავშირებით განცხადება გაავრცელა. ვარჰეი წუხილი გამოთქვა, რომ მისი სატელეფონო საუბრის კონკრეტული ნაწილი კონტექსტიდან ამოიღეს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
