ორი მეგობარი ამტკიცებდა, რომ "უცხოპლანეტელების" გადაღება მოახერხეს , შემდეგ კი მათი ცხოვრება რადიკალურად შეიცვალა - რა მოხდა ბრიტანეთში 34 წლის წინ?
34 წლის წინ, შოტლანდიის მაღალმთიანეთში, ქალაქ პიტლოკრიში ორმა მეგობარმა ღამით ცაში მფრინავი უცნაური ობიექტი შენიშნა. ეს ამბავი რთული დასაჯერებელი იქნებოდა, რომ არა ფოტო, რომლის გადაღებაც მეგობრებმა მოახერხეს.
მეორე დღეს, ახალგაზრდები სასტუმროს მისაღებში ნანახს განიხილავდნენ, როცა შენობასთან მანქანა გაჩერდა და იქიდან ორი შავ კოსტიუმში გამოწყობილი მამაკაცი გადმოვიდა. უცნობებმა ბიჭები სასაუბროდ წაიყვანეს. 34 წლის შემდეგ იმავე სასტუმროს მზარეულ რიჩარდ გრიცი დუმილს არღვევს და ჟურნალისტებთან მომხდარის შესახებ საუბრობს.
"ამ ამბის შემდეგ ბიჭები ძალიან შეიცვალნენ. ერთი ალკოჰოლზე დამოკიდებული გახდა. მომხდარიდან ზუსტად ერთ თვეში სამსახური დატოვეს. მას შემდეგ ისინი აღარ მინახავს. აშკარაა, რომ ვიღაცას არ აწყობდა მათი არსებობა" - იხსენებს რიჩარდი.
ჟურნალისტები წლების განმავლობაში ცდილობდნენ ორიგინალი ფოტოს პოვნას, საბოლოოდ, ის გადამდგარი პრეს ოფიცრის, კრეიგ ლინდსის სახლში აღმოაჩინეს და Daily Mail-ში გამოაქვეყნეს. ბევრი თვლიდა, რომ საქმე უცხოპლანეტელებთან ჰქონდათ, თუმცა სამხედრო მოსამსახურეები ამას უარყოფდნენ და აღნიშნავდნენ, რომ რეალურად ფოტოზე გამოსახული ობიექტი შეერთებული შტატების მიერ 1970-იანი წლებში შემუშავებული სტელსის ტექნოლოგია იყო.
Hopeless Diamond, Have Blue და Aurora ყველა მათგანი აშშ-ის პროექტის კოდური სახელწოდება იყო. ეს უკანასკნელი, ჰიპერბგერითი ჯაშუშური თვითმფრინავი, შოტლანდიის ბაზასთან მოქმედებდა. ამ წლის დასაწყისში აშშ-ს მთავრობამ აღიარა, რომ თვითმფრინავის პროტოტიპი, რომელიც უცხოპლანეტელების ხომალდს წააგავდა, იმ პერიოდში მართლად შოტლანდიაში დაფრინავდა.
იყო თუ არა Aurora ერთ-ერთი მათგანი, უცნობია. უცნობია ისიც, თუ რა ბედი ეწიათ იმ ადამიანებს, რომლებმაც ამოუცნობი მფრინავი ობიექტი გადაიღეს. მათი სახლები ჩვენთვის უცნობია. თუმცა, ფოტოს უკან დატანებული წარწერიდან ირკვევა, რომ ერთ-ერთი მათგანის სახელი კევინ რასელი უნდა ყოფილიყო.
