ისრაელში ტყის ხანძარს ებრძვიან -  აცხადებენ, რომ ხანძარი "ჰეზბოლას“ სარაკეტო თავდასხმამ გამოიწვია: როგორია ვითარება ამ დროისთვის (ფოტოები)

ისრაელის სახანძრო და სამაშველო სამსახურები აცხადებენ, რომ ქვეყნის ჩრდილოეთ ნაწილში, ლიბანიდან განხორციელებულ სარაკეტო და დრონებით თავდასხმის შედეგად გაჩენილ ხანძარს, მეხანძრე-მაშველთა 30-ზე მეტი გუნდი ებრძვის.

• სახანძრო სამსახურის განცხადებაში ნათქვამია, რომ ადამიანების სიცოცხლეს, ან საცხოვრებელ სახლებს, ამ დროისთვის, საფრთხე არ ემუქრება. მათივე ინფორმაციით, ხანძარი 13 საათზე მეტი ხნის წინ გაჩნდა.

შეგახსენებთ, ისრაელის ხელისუფლების ინფორმაციით, ქვეყნის ჩრდილოეთ ნაწილში ხანძარი "ჰეზბოლას“ მიერ ლიბანიდან რაკეტებისა და დრონების გაშვებამ გამოიწვია.