პრე­მი­ერ-მი­ნის­ტრის ყო­ველ­წლი­უ­რი მოხ­სე­ნე­ბა, რო­მე­ლიც პარ­ლა­მენტს წე­რი­ლო­ბი­თი ფორ­მით უკვე წა­რედ­გი­ნა, 171 გვერ­დის­გან შედ­გე­ბა.

• ირაკ­ლი კო­ბა­ხი­ძის ხელ­მო­წე­რილ დო­კუ­მენ­ტში ვკი­თხუ­ლობთ, რომ სა­ქარ­თვე­ლოს მთავ­რო­ბა ურ­ყე­ვად ახორ­ცი­ე­ლებს ქვეყ­ნის დე­მოკ­რა­ტი­უ­ლი, მდგრა­დი და მშვი­დო­ბი­ა­ნი გან­ვი­თა­რე­ბის დღის წეს­რიგს და ატა­რებს მნიშ­ვნე­ლო­ვან რე­ფორ­მებს სამ­თავ­რო­ბო პროგ­რა­მით გან­სა­ზღვრუ­ლი მიზ­ნე­ბის ეფექ­ტი­ა­ნად რე­ა­ლი­ზე­ბის­თვის.

პრე­მი­ე­რის ან­გა­რი­შის თა­ნახ­მად, ქვეყ­ნის ინ­სტი­ტუ­ცი­უ­რი გაძ­ლი­ე­რე­ბა უწყვე­ტად გრძელ­დე­ბა სამ­თავ­რო­ბო პროგ­რა­მით გან­სა­ზღვრუ­ლი ოთხი პრი­ო­რი­ტე­ტუ­ლი მი­მარ­თუ­ლე­ბით, რაც უზ­რუნ­ველ­ყოფს ქვე­ყა­ნა­ში ეკო­ნო­მი­კურ სტა­ბი­ლუ­რო­ბა­სა და უსაფრ­თხო­ე­ბის გაძ­ლი­ე­რე­ბას, სო­ცი­ა­ლუ­რი პო­ლი­ტი­კის გან­ვი­თა­რე­ბას, კარ­გი მმარ­თვე­ლო­ბის, მარ­თლმსა­ჯუ­ლე­ბი­სა და ადა­მი­ა­ნის უფ­ლე­ბა­თა დაც­ვის გა­უმ­ჯო­ბე­სე­ბას.

ან­გა­რიშ­ში აღ­ნიშ­ნუ­ლია, რომ სა­ქარ­თვე­ლომ, და­სავ­ლელ პარტნი­ო­რებ­თან სან­ქცი­ე­ბის სა­კი­თხში თა­ნამ­შრომ­ლო­ბის კუ­თხით, მა­ღა­ლი შე­ფა­სე­ბა მი­ი­ღო. რაც შე­ე­ხე­ბა უვი­ზო რე­ჟიმს, ან­გა­რი­შის მი­ხედ­ვით, ევ­რო­კო­მი­სი­ის უკა­ნას­კნე­ლი შე­ფა­სე­ბის თა­ნახ­მად, სა­ქარ­თვე­ლო წარ­მა­ტე­ბით ას­რუ­ლებს თა­ნამ­შრომ­ლო­ბის ყვე­ლა შე­სა­ბა­მის პუნ­ქტს, რაც უვი­ზო რე­ჟი­მის შე­უ­ფერ­ხე­ბე­ლი ფუნ­ქცი­ო­ნი­რე­ბის გა­რანტს წარ­მო­ად­გენს.

„2023 წლის გა­ზა­ფხულ­ზე სა­ქარ­თვე­ლომ მო­ამ­ზა­და გა­ფარ­თო­ე­ბის პა­კე­ტის ფარ­გლებ­ში სა­ქარ­თვე­ლოს ერთი წლის პროგ­რე­სის შე­სა­ხებ ან­გა­რი­ში, ხოლო 2024 წლის გა­ზა­ფხულ­ზე და­ი­წყო მუ­შა­ო­ბა 2024 წლის გა­ფარ­თო­ე­ბის ან­გა­რიშ­ზე, რო­მე­ლიც ევ­რო­კო­მი­სი­ას მი­ე­წო­დე­ბა 2024 წლის სექ­ტემ­ბრის და­სა­წყის­ში. სა­ან­გა­რი­შო პე­რი­ოდ­ში სა­ქარ­თვე­ლომ უმ­ნიშ­ვნე­ლო­ვა­ნე­სი ძა­ლის­ხმე­ვა გას­წია რო­გორც სა­კა­ნონ­მდებ­ლო, ასე­ვე ინ­სტი­ტუ­ცი­უ­რი რე­ფორ­მე­ბის გან­ხორ­ცი­ე­ლე­ბის კუ­თხით.

მთლი­ა­ნო­ბა­ში მი­ღე­ბულ იქნა 25-მდე ახა­ლი სა­კა­ნონ­მდებ­ლო აქტი და გან­ხორ­ცი­ელ­და ინ­სტი­ტუ­ცი­უ­რი ცვლი­ლე­ბე­ბი კა­ნონ­მდებ­ლო­ბის აღ­სრუ­ლე­ბის კუ­თხით ევ­რო­რე­გუ­ლა­ცი­ე­ბის და ევ­რო­დი­რექ­ტი­ვე­ბის შე­სა­ბა­მი­სად. შე­დე­გად, ასო­ცი­რე­ბის შე­თან­ხმე­ბის შეს­რუ­ლე­ბის კუ­თხით, სა­ქარ­თვე­ლომ ვალ­დე­ბუ­ლე­ბე­ბის და­ახ­ლო­ე­ბით 55% გა­ნა­ხორ­ცი­ე­ლა“,- აღ­ნიშ­ნუ­ლია ან­გა­რიშ­ში.

სა­უ­ბა­რია ასე­ვე რე­გი­ონ­ში არ­სე­ბულ ვი­თა­რე­ბა­ზე და ნათ­ქვა­მია, რომ მი­უ­ხე­და­ვად, სა­ქარ­თვე­ლო გა­ნუხ­რე­ლად ემ­ხრო­ბო­და და ახორ­ცი­ე­ლებ­და და­ბა­ლან­სე­ბულ პო­ლი­ტი­კას, რო­მე­ლიც მი­მარ­თუ­ლი იყო რე­გი­ონ­ში სტა­ბი­ლუ­რო­ბის აღ­დგე­ნი­სა და ხან­გრძლივ­ვა­დი­ა­ნი მშვი­დო­ბის მიღ­წე­ვი­სა­კენ.

ან­გა­რიშ­ში ასე­ვე სა­ქარ­თვე­ლო-ჩი­ნე­თის ურ­თი­ერ­თო­ბებ­ზეა სა­უ­ბა­რი. ან­გა­რი­შის თა­ნახ­მად, 2023 წლის მო­ნა­ცე­მე­ბით, ორ­მხრივ­მა სა­ვაჭ­რო ბრუნ­ვამ 1.6 მლრდ აშშ დო­ლა­რი შე­ად­გი­ნა. ხოლო 2023 წელს სა­ქარ­თვე­ლოს ეწ­ვია 48.304 ჩი­ნე­ლი ტუ­რის­ტი (ზრდა, გა­სულ წელ­თან შე­და­რე­ბით, 555%).

• დო­კუ­მენ­ტის თა­ნახ­მად, 2024 წელი, ეკო­ნო­მი­კუ­რი ზრდის კუ­თხით, მნიშ­ვნე­ლოვ­ნად პო­ზი­ტი­უ­რი ტენ­დენ­ცი­ე­ბით და­ი­წყო − პირ­ვე­ლი კვარ­ტა­ლის ეკო­ნო­მი­კუ­რი ზრდის სა­შუ­ა­ლო მაჩ­ვე­ნე­ბელ­მა 7.8% შე­ად­გი­ნა, სა­ვა­ლუ­ტო ფონ­დის პროგ­ნო­ზით კი, 2024 − 2029 წლებ­ში სა­ქარ­თვე­ლოს ექ­ნე­ბა ყვე­ლა­ზე მა­ღა­ლი ზრდა რე­გი­ო­ნი­სა და ევ­რო­პის ქვეყ­ნებს შო­რის − სა­შუ­ა­ლოდ 5.1%-ის ოდე­ნო­ბით.

პარ­ლა­მენ­ტში წარ­დგე­ნი­ლი პრე­მი­ე­რის წე­რი­ლო­ბი­თი მოხ­სე­ნე­ბის თა­ნახ­მად, სა­ან­გა­რი­შო პე­რი­ოდ­ში ნატო-სა­ქარ­თვე­ლოს თა­ნამ­შრომ­ლო­ბა აქ­ტი­უ­რად წა­რი­მარ­თე­ბო­და.

"სა­ქარ­თვე­ლოს მხარ­და­ჭე­რის გა­მო­ხა­ტუ­ლე­ბა იყო 2024 წლის მარ­ტში ქვე­ყა­ნა­ში ნა­ტოს გე­ნე­რა­ლუ­რი მდივ­ნის, იენს სტოლ­ტენ­ბერ­გის ვი­ზი­ტი. 2023 წლის ნო­ემ­ბერ­ში მე­ხუ­თედ ვუ­მას­პინ­ძლეთ ნა­ტოს სამ­ხედ­რო კო­მი­ტეტს. 2023 წლის დე­კემ­ბერ­ში სა­ქარ­თვე­ლოს სტუმ­რობ­და კავ­კა­სი­ა­სა და ცენ­ტრა­ლურ აზი­ა­ში ნა­ტოს გე­ნე­რა­ლუ­რი მდივ­ნის სპე­ცი­ა­ლუ­რი წარ­მო­მად­გე­ნე­ლი, ხა­ვი­ერ კო­ლო­მი­ნა.

ალი­ანსთან მიმ­დი­ნა­რე­ობ­და თა­ნამ­შრომ­ლო­ბა ნატო-სა­ქარ­თვე­ლოს კო­მი­სი­ის (NGC), წლი­უ­რი ეროვ­ნუ­ლი პროგ­რა­მი­სა (ANP) და გაძ­ლი­ე­რე­ბუ­ლი ნატო-სა­ქარ­თვე­ლოს არ­სე­ბი­თი პა­კე­ტის (SNGP) ფორ­მა­ტე­ბის გა­მო­ყე­ნე­ბით. სა­ან­გა­რი­შო პე­რი­ოდ­ში გა­ი­მარ­თა ნატო-სა­ქარ­თვე­ლოს კო­მი­სი­ის (NGC) 6 სხდო­მა. შე­მუ­შავ­და 2023 წლის წლი­უ­რი ეროვ­ნუ­ლი პროგ­რა­მის თვით­შე­ფა­სე­ბის დო­კუ­მენ­ტი და შედ­გა ნა­ტოს შემ­ფა­სე­ბე­ლი მი­სი­ის ვი­ზი­ტი 2023 წლის ოქ­ტომ­ბერ­ში. ასე­ვე შე­მუ­შავ­და სა­ქარ­თვე­ლოს 2024 წლის რი­გით მე-16 წლი­უ­რი ეროვ­ნუ­ლი პროგ­რა­მა (ANP). პრე­მი­ერ-მი­ნის­ტრის მიერ დამ­ტკი­ცე­ბუ­ლი დო­კუ­მენ­ტი ა.წ. 29 აპ­რილს წა­რედ­გი­ნა ნა­ტოს მხა­რეს.

ამას­თან ერ­თად, მიმ­დი­ნა­რე­ობ­და მად­რი­დის სა­მიტ­ზე მი­ღე­ბუ­ლი სა­ქარ­თვე­ლო­ზე მორ­გე­ბუ­ლი დახ­მა­რე­ბის ღო­ნის­ძი­ე­ბე­ბის კონ­კრე­ტუ­ლი ელე­მენ­ტე­ბის გან­ხორ­ცი­ე­ლე­ბა გაძ­ლი­ე­რე­ბუ­ლი არ­სე­ბი­თი პა­კე­ტის (SNGP) მეშ­ვე­ო­ბით. გრძელ­დე­ბო­და მუ­შა­ო­ბა ორ­მხრი­ვი ურ­თი­ერ­თო­ბე­ბის გაღ­რმა­ვე­ბის მი­მარ­თუ­ლე­ბით“, - ნათ­ქვა­მია პრე­მი­ერ მი­ნის­ტრის სა­ა­გა­რი­შო მოხ­სე­ნე­ბა­ში.

ამას­თან ან­გა­რიშ­ში სა­უ­ბა­რია ადა­მი­ან­თა ვაჭ­რო­ბის (ტრე­ფი­კინ­გის) ფაქ­ტებ­ზეც. ან­გა­რი­შის თა­ნახ­მად, სა­ან­გა­რი­შო პე­რი­ოდ­ში, ადა­მი­ან­თა ვაჭ­რო­ბის (ტრე­ფი­კინ­გის) ფაქ­ტებ­ზე სის­ხლის­სა­მარ­თლებ­რივ პა­სუ­ხის­გე­ბა­ში მი­ე­ცა 16 პირი.

რაც შე­ე­ხე­ბა ნარ­კო­და­ნა­შა­უ­ლის წი­ნა­აღ­მდეგ მუ­შა­ო­ბას, დო­კუ­მენ­ტის თა­ნახ­მად, სა­ან­გა­რი­შო პე­რი­ოდ­ში, ნარ­კო­და­ნა­შა­უ­ლი­სათ­ვის და­კა­ვე­ბუ­ლი და სის­ხლის სა­მარ­თლის პა­სუ­ხის­გე­ბა­ში მი­ცე­მუ­ლია 4406 პირი, მათ შო­რის 294 ნარ­კო­რე­ა­ლი­ზა­ტო­რია.

• დო­კუ­მენ­ტში სა­უ­ბა­რია იმ ნა­ბი­ჯებ­ზე, რა­საც ხე­ლი­სუფ­ლე­ბა სან­ქცი­ე­ბის აღ­სრუ­ლე­ბის კონ­ტრო­ლის თვალ­საზ­რი­სით ახორ­ცი­ე­ლებს.

"ღო­ნის­ძი­ე­ბე­ბის შე­დე­გად მი­ღე­ბულ იქნა სა­ბა­ჟო ოპე­რა­ცი­ა­ზე უა­რის თქმი­სა და სა­ქონ­ლის გა­მომ­გზავნ ქვე­ყა­ნა­ში გაბ­რუ­ნე­ბის 1898 გა­და­წყვე­ტი­ლე­ბა. ამას­თა­ნა­ვე, 1200-ზე მეტ შემ­თხვე­ვა­ში, იმ­პორტზე/ექ­სპორტზე უა­რის თქმის შე­სა­ხებ გა­და­წყვე­ტი­ლე­ბე­ბი მი­ღე­ბულ იქნა იმ­პორ­ტი­ორ­თა/ექ­სპორ­ტი­ორ­თა ზე­პირ/წე­რი­ლო­ბით მო­თხოვ­ნებ­ზე. სსიპ − შე­მო­სავ­ლე­ბის სამ­სა­ხუ­რის მო­თხოვ­ნი­თა და პარტნი­ო­რი ქვეყ­ნე­ბის მხარ­და­ჭე­რით, გა­ი­მარ­თა სსიპ − შე­მო­სავ­ლე­ბის სამ­სა­ხუ­რის სა­მუ­შაო ჯგუ­ფის, სა­ბა­ჟო დე­პარ­ტა­მენ­ტის თა­ნამ­შრომ­ლე­ბის ინ­სტი­ტუ­ცი­უ­რი შე­საძ­ლებ­ლო­ბე­ბის გაძ­ლი­ე­რე­ბის მიზ­ნით, სას­წავ­ლო ღო­ნის­ძი­ე­ბე­ბი/სა­მუ­შაო შეხ­ვედ­რე­ბი. კერ­ძოდ, შე­ერ­თე­ბუ­ლი შტა­ტე­ბის ექ­სპორ­ტის კონ­ტრო­ლი­სა და სა­ზღვრის უსაფრ­თხო­ე­ბის პროგ­რა­მის ორ­გა­ნი­ზე­ბით, მი­ე­ცა დაშ­ვე­ბა სან­ქცი­ე­ბის სას­წავ­ლო ელექტრო­ნულ მო­დულ­ზე, გა­ი­მარ­თა სას­წავ­ლო ღო­ნის­ძი­ე­ბე­ბი სა­ქარ­თვე­ლო­ში, ასე­ვე სა­მუ­შაო შეხ­ვედ­რე­ბი სსიპ − შე­მო­სავ­ლე­ბის სამ­სა­ხუ­რის ხელ­მძღვა­ნე­ლო­ბა­სა და შე­ერ­თე­ბუ­ლი შტა­ტე­ბის ვაჭ­რო­ბის დე­პარ­ტა­მენ­ტის, სა­ხელ­მწი­ფო დე­პარ­ტა­მენ­ტის, ხა­ზი­ნის დე­პარ­ტა­მენ­ტის, სა­ზღვრის დაც­ვი­სა და სა­ბა­ჟოს ხელ­მძღვა­ნელ პი­რებს შო­რის. ევ­რო­კავ­ში­რის ორ­გა­ნი­ზე­ბით (TAIEX), გა­ი­მარ­თა სას­წავ­ლო/სა­მუ­შაო შეხ­ვედ­რე­ბი, სა­დაც ევ­რო­კავ­ში­რის წევ­რი ქვეყ­ნე­ბის კომ­პე­ტენ­ტუ­რი ორ­გა­ნო­ე­ბის წარ­მო­მად­გენ­ლებ­მა გა­უ­ზი­ა­რეს სან­ქცი­ე­ბის აღ­სრუ­ლე­ბის პრაქ­ტი­კა თა­ვი­ანთ კო­ლე­გებს სა­ქარ­თვე­ლო­ში“,- ნათ­ქვა­მია მოხ­სე­ნე­ბა­ში.

ამა­ვე დო­კუ­მენ­ტის თა­ნახ­მად, მნიშ­ვნე­ლო­ვა­ნია აშშ-ის ეროვ­ნუ­ლი თავ­დაც­ვის ავ­ტო­რი­ზა­ცი­ის აქტი (NDAA), რო­მე­ლიც მო­ცე­მუ­ლი წლის­თვის აშშ-ის თავ­დაც­ვის დე­პარ­ტა­მენ­ტის პო­ლი­ტი­კა­სა და ბი­უ­ჯე­ტის პრი­ო­რი­ტე­ტებს გან­სა­ზღვრავს.

“მას­ში და­ფიქ­სი­რე­ბუ­ლია უმ­ნიშ­ვნე­ლო­ვა­ნე­სი ჩა­ნა­წე­რე­ბი რო­გორც სა­ქარ­თვე­ლოს ეროვ­ნუ­ლი ინ­ტე­რე­სე­ბის, ასე­ვე რე­გი­ო­ნუ­ლი უსაფრ­თხო­ე­ბის მხარ­და­ჭე­რის კუ­თხით. ეკო­ნო­მი­კუ­რი ურ­თი­ერ­თო­ბე­ბის გაღ­რმა­ვე­ბის კუ­თხით, ასე­ვე გრძელ­დე­ბა მუ­შა­ო­ბა აშშ-ის სა­ვაჭ­რო წარ­მო­მად­გენ­ლის ოფის­თან, აღ­მას­რუ­ლე­ბელ და სა­კა­ნონ­მდებ­ლო ხე­ლი­სუფ­ლე­ბას­თან, ასე­ვე ბიზ­ნე­სი­სა და სა­ექ­სპერ­ტო წრე­ე­ბის წარ­მო­მად­გენ­ლებ­თან ორ­მხრი­ვი სა­ვაჭ­რო და სა­ინ­ვეს­ტი­ციო ურ­თი­ერ­თო­ბე­ბის გაღ­რმა­ვე­ბის, მათ შო­რის, თა­ვი­სუ­ფა­ლი ვაჭ­რო­ბის შე­თან­ხმე­ბის გა­ფორ­მე­ბის შე­საძ­ლებ­ლო­ბის სა­კი­თხებ­ზე“, - ვკი­თხუ­ლობთ ირაკ­ლი კო­ბა­ხი­ძის მოხ­სე­ნე­ბა­ში.

პარ­ლა­მენ­ტში წარ­დგე­ნი­ლია სამ­თავ­რო­ბო პროგ­რა­მის შეს­რუ­ლე­ბის მიმ­დი­ნა­რე­ო­ბის შე­სა­ხებ მოხ­სე­ნე­ბა, რო­მე­ლიც 2023 წლის ივ­ნი­სი­დან - 2024 წლის მა­ი­სამ­დე პე­რი­ოდს მო­ი­ცავს.