მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"100-მდე შეიარაღებულმა "ტიტუშკამ" დალეწა "ნაცმოძრაობის" ცენტრალური ოფისი... ცდილობდნენ შემოჭრას, სადაც არასრულწლოვან შვილთან ერთად ვიყავი" - ხაბეიშვილი
08:44 / 01-06-2024
100-მდე შეიარაღებულმა „ტიტუშკამ“ პირდაპირი მნიშვნელობით, დალეწა „ერთიანი ნაციონალური მოძრაობის“ ცენტრალური ოფისი და ცდილობდნენ შიგნით შემოჭრას. ხის შუბებით დალეწეს ყველაფერი. ასე იქცევა მხდალი ხელისუფლება, ასე იქცევიან რუსეთში, - განაცხადა „ერთიანი ნაციონალური მოძრაობის“ თავმჯდომარემ, ლევან ხაბეიშვილმა.
მისი თქმით, ეს არის ის ენა, რითაც სურს ივანიშვილს ელაპარაკოს ქართველ ხალხს.
"100-მდე შეიარაღებული „ტიტუშკა“ თავს დაესხა და პირდაპირი მნიშვნელობით, დალეწეს „ერთიანი ნაციონალური მოძრაობის“ ცენტრალური ოფისი და ცდილობდნენ შიგნით შემოჭრას, სადაც ვიყავი ჩემს 14 წლის არასრულწლოვან შვილთან ერთად. ხის შუბებს ესროდნენ ოფისს და ჩალეწეს ყველაფერი. ეს არის, როცა სალაპარაკო არ აქვს ივანიშვილს, ასეთ რაღაცებს გეგმავს ჩუმად, ღამით მოპარვით. ეს არის ის ენა, რითაც სურს ივანიშვილს ელაპარაკოს ქართველ ხალხს. პოლიცია მოვიდა ერთი საათის შემდეგ. ეს არის პოლიციასთან, სუს-თან ერთად დაგეგმილი ოპერაცია. პოლიცია ყველაფერს უყურებდა, ყველა ავტომობილის ამოცნობა არის შესაძლებელი.
მინდა ყველას ესმოდეს, რომ ერთი წამითაც არ უნდა შეგვეშინდეს. ძლიერი ასე არ იქცევა. ხელისუფლება, რომელიც ფიქრობს და ზრუნავს ხალხზე ასე არ იქცევა, ასე იქცევიან სუსტები, მხდალები ანუ ივანიშვილი და მისი ბანდა. ასე იქცევიან რუსეთში.
მთავარი გველოდება წინ და კიდევ ერთხელ მინდა ვთქვა, რომ ამ ივანიშვილის „ტიტუშკების“ არავის არ ეშინია. მოახლოებულია მათი დასასრული, იციან ეს და სალაპარაკო მათ არაფერი დარჩენიათ, მხოლოდ ძალადობა და მეტი არაფერი.“ - განაცხადა ლევან ხაბეიშვილმა.
- როგორც "ნაციონალური მოძრაობის" ოფისში გამართულ ბრიფინგზე ხაბეიშვილმა აღნიშნა, ბიძინა ივანიშვილი ვიდრე ხელისუფლებაში იქნება, საუბარს თავდასხმებით აპირებს.
"ასე გამოიყურება რუსული კანონი მოქმედებაში. ეს არის შუბი, რითაც ცდილობდნენ გუშინ „ნაციონალური მოძრაობის“ ოფისში შემოჭრას. ფაქტობრივად, რამდენიმე წუთის განმავლობაში თანამშრომლებს, უსაფრთხოების სამსახურის ბიჭებს, გოგონებს, ახალგაზრდებს უწევდათ კარებთან ამ ადამიანების შეკავება, ისინი შემოჭრას ცდილობდნენ, 100-მდე ნიღბიანი ადამიანი იყო, რომელიც სავარაუდოდ, გდდ-დან, „ხარებას“ სპეცდანიშნულების რაზმიდან მოაბილიზეს ერთად, რადგან იქიდან მოვიდნენ და იქით წავიდნენ, სუს-ის „ნასედკები“. შემოსასვლელის გარდა, სამზარეულოდან, წინა კარიდან შემოსვლას ცდილობდნენ, შუბებით იყვნენ ღამის პირველ საათზე შეიარაღებული. რამდენიმე წუთი გვიწევდა ფიზიკურად წინააღმდეგობის გაწევა და თავის დაცვა, რომ ეს 100-მდე აგრესიული „ტიტუშკა“ არ შემოჭრილიყო. სამწუხაროა, რომ აქ 14 წლის შვილთან ერთად ვიმყოფებოდი, ძალიან რთულია ამ სიგიჟის ყურება, როცა მცირეწლოვან ბავშვთან ერთად ხარ. ასე გამოიყურება ივანიშვილის რუსული კანონი, ეს კაცი ამ ენით აპირებს ილაპარაკოს მთელი ის პერიოდი, სანამ ხელისუფლებაში იქნება, ასე, შუბებით, ქვებით, ტერორით, თავდასხმებით და „ტიტუშკებით“.
არასამთავრობო ორგანიზაციებს, ელჩებს მინდა მივმართო, თქვენი პოზიცია გამოთქვით ამ თავდასხმასთან დაკავშირებით. უნდა გვესმოდეს, რომ ესენი არ გაჩერდებიან, სამიზნე სხვადასხვა პოლიტიკური, სამოქალაქო ჯგუფი, აქტივისტები იქნებიან. ჩვენ ყველამ ერთად უნდა უზრუნველვყოთ შეშინებული ხელისუფლების ჩამოშორება, წინააღმდეგ შემთხვევაში, ისინი ხალხის საკეთილდღეოდ მუშაობას არ აპირებენ... ყველაფერ სიკეთესთან ერთად, მშიშარები არიან, მინიმალური წინააღმდეგობის გაწევისასაც, თავქუდმოგლეჯილი გარბოდნენ“, - აცხადებს ხაბეიშვილი.
მისივე განმარტებით, აღნიშნული პირები სამართალდამცავებმა „მოაცილეს და გააცილეს“.
"ძალიან მძიმე იყო იმის ყურება, საპატრულოდ წოდებულმა, ციმციმებიანმა ავტომობილებმა როგორ გააცილეს, ჯერ მოაცილეს და მერე გააცილეს, აი რომ გააცილეს და ყველა წავიდა, 15-20 ავტომობილი, მულტფილმებში რომ არის, ისე მოვიდნენ ბოლოს - აბა, გადარჩით, ამ შუბებს გადაურჩით, ცოცხლები ხართო? ეს ძალიან ტრაგიკული საყურებელია, ივანიშვილმა სახელმწიფო ინსტიტუტები ჩამოშალა, პოლიცია „მილიცია“ გახადა და „ხარებას“ ზონდერდაჯგუფებად გადააქცია ყველა ასეთი სამსახური, რომელიც კანონს, ხალხს და სამართალს უნდა ემსახურებოდეს.
მათ მოაცილეს, მათ გააცილეს და მერე მოვიდნენ. ჩემი ორი თვალით ვნახე, არსებობს კადრები, სადაც ეს ავტომობილები დადიან, პატრული მერე ტრიალდება და მოდის აქეთ. როცა დამირეკა პატრულმა, სად ხართო, ვუყურებდი ეკიპაჟს - ოფისისკენ მოვდივარო მითხრა, ოფისისკენ კი არ უნდა წამოხვიდეთ, მანდ 15 ავტომობილი რომ გააცილეთ, იმათ უნდა გაეკიდოთ-მეთქი. ეს ხალხი ერთად, ორგანიზებულად, დანაშაულებრივად მოქმედებდა. მათი დაჭერა იყო ორი-სამი წუთის ამბავი, იქ ორი და სამი კაცი არ იყო, ასამდე შეიარაღებული, ნიღბიანი ადამიანი გადაადგილდებოდა. ღამის პირველ საათზე, 50 ადამიანი რომ გადაადგილდება, პატრულს სხვა საქმე რა აქვს? აეროპორტის, ცენტრალურ გზაზე, როგორ შეიძლება 20 წუთის განმავლობაში ვერ შენიშნო?.. ჩალეწეს, დაამტვრიეს, შემოჭრას, ფიზიკურ ანგარიშსწორებას ცდილობდნენ, ერთი კაციც დაკავებული არაა, კაციშვილს არავისზე პასუხი არ მოუთხოვია. წარმოიდგინეთ, „ქართული ოცნების“ ოფისთან შუბით რომ მივიდე, უბრალოდ რომ მეჭიროს, რა მოხდებოდა, რა მუხლებს წამიყენებდნენ. ეს შუბი აქ შემოაგდეს პირდაპირ და ეჩხუბებოდნენ ჩვენი უსაფრთხოების თანამშრომლებს.
რამდენიმე დღის წინ, „ხარებას“ მუქარა მოისმინეთ, რომ უარესი ელოდება „ნაციონალურ მოძრაობას“, ნახეთ ჩვენ კიდევ რას ვუზამთო, ალბათ, მერე გადაწყვიტეს, იქნებ შუბით მივიდეთ იქ, იქნებ რაღაც ვისროლოთო და ა.შ. მინდა ყველას ესმოდეს, რამდენჯერაც ასე აგრესიულად იქცევიან, ადამიანები კიდევ უფრო ბრაზდებიან მათზე“, - აცხადებს ხაბეიშვილი.
„ერთიანი ნაციონალური მოძრაობის“ ოფისზე განხორციელებულ თავდასხმასთან დაკავშირებით შინაგან საქმეთა სამინისტრომ გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
