12
მაისიდღის ზოგადი ასტროლოგიური პროგნოზი
საქართველოს ავტობაზარი სწრაფად ვითარდება და სულ უფრო მეტ მოთამაშეს იზიდავს. ამ დინამიურ გარემოში წარმატების მისაღწევად აუცილებელია კარგად მომზადებული ავტოდილერები, რომლებიც შეძლებენ მომხმარებელთა მოთხოვნების სწრაფად ამოცნობას, მათზე ეფექტურად რეაგირებასა და ხარისხიანი მომსახურების შეთავაზებას. გამორჩეული ავტოდილერი არის გასაღები წარმატებული ავტობიზნესისთვის. სწორედ ასეთი მიზნით შეიქმნა ტრენინგ-კურსი Lion Trans-ის ინიციატივითა და საქართველოს ტექნიკური უნივერსიტეტის მხარდაჭერით.
ჩვენი თანამშრომლობა ტექნიკურ უნივერსიტეტთან 2023 წლის დეკემბერში დაიწყო, როდესაც ერთობლივი ძალისხმევით ჩამოვაყალიბეთ "Lion Trans-ის სახელობის ელექტრომობილების სასწავლო-კვლევითი ლაბორატორია". ეს იყო პირველი ნაბიჯი ავტოინდუსტრიის სფეროში აკადემიური ცოდნისა და რეალური ბიზნესის გამოცდილების გაერთიანებისკენ. ამ წარმატებულ პარტნიორობაზე დაყრდნობით გადავწყვიტეთ, წაგვეყვანა ჩვენი თანამშრომლობა შემდეგ საფეხურზე და შეგვემუშავებინა სრულფასოვანი ტრენინგ-კურსი ავტოდილერებისთვის.
Lion Trans ავტოიმპორტის სფეროს ერთ-ერთი ლიდერია. ჩვენ მუდმივად ვზრუნავთ ბაზრის განვითარებასა და პროფესიონალი კადრების მომზადებაზე. ჩვენი მრავალწლიანი გამოცდილება და კვალიფიციური გუნდი მყარ საფუძველს ქმნის ახალი თაობის ავტოდილერების აღზრდისთვის. სწორედ ამ მიზნით Lion Trans, საქართველოს ტექნიკურ უნივერსიტეტთან კოლაბორაციით ვიწყებთ ავტოდილერთა მოსამზადებელ პრაქტიკულ კურსს.
ჩვენი ტრენინგ-კურსის მიზანია არა მხოლოდ ავტოდილერის პროფესიის პოპულარიზაცია, არამედ რეალური და პრაქტიკული უნარების გადაცემა, რაც კურსდამთავრებულებს ბაზარზე კონკურენტუნარიანობას შესძენს. ეს შესაძლებლობა განსაკუთრებით მნიშვნელოვანია სტუდენტებისა და ახალგაზრდებისთვის, რომლებსაც ჩვენთან საშუალება ექნებათ:
- შეისწავლონ ავტოდილერის პროფესიის სპეციფიკა
- გაეცნონ ავტომობილების უახლეს მოდელებს
- გაიუმჯობესონ კომუნიკაციისა და გაყიდვების უნარები
- მიიღონ გამოცდილება საერთაშორისო პლატფორმა IAA-ზე მუშაობით
- დასაქმდნენ ჩვენთან, Lion Trans-ში, ან სხვა წამყვან ავტოკომპანიაში
ჩვენი კურსი ორთვიანია და სამ ძირითად ეტაპს მოიცავს: თეორიული ცოდნის მიღებას, პრაქტიკულ მეცადინეობებს და შეფასება/სერტიფიცირებას. ეს მრავალმხრივი მიდგომა მონაწილეებს ყოვლისმომცველ ცოდნას შესძენს. ჩვენი გუნდი კი მათ პროფესიულ ზრდას შემდგომშიც გააგრძელებს.
ვამაყობთ, რომ ეს პროექტი არის მაგალითი იმისა, თუ როგორ შეუძლიათ ბიზნესსა და აკადემიურ სექტორს ერთიანი ძალისხმევით ხელი შეუწყონ ეკონომიკის ზრდას, ცოდნის გაღრმავებას და ახალი სამუშაო ადგილების შექმნას. ჩვენ, Lion Trans-მა, პირველებმა გადავდგით ეს ნაბიჯი და იმედი გვაქვს, რომ მომავალში სხვა კომპანიებიც მიჰყვებიან ჩვენს მაგალითს.
ჩვენ გვჯერა, რომ ეს ინიციატივა ავტოდილერთა პროფესიის განვითარებაში ახალ ეტაპს ნიშნავს. იგი ხელს შეუწყობს როგორც ცალკეული პროფესიონალების ჩამოყალიბებას, ისე მთლიანად ავტოინდუსტრიის განვითარებას ქვეყანაში. გარდა ამისა, ახალი კომპეტენციების შეძენა ახალგაზრდებს დასაქმების მეტ შესაძლებლობას მისცემს და მათ კარიერულ წინსვლას შეუწყობს ხელს.
მეტი ინფორმაციისთვის ეწვიეთ Lion Trans-ის ვებსაიტს: https://liontrans.com/
R
