მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვერ ვიტყვი რომ შეშინებული არ არის, მაგრამ, მგონი, უფრო სხვა რამეებზე ნერვიულობს, ვიდრე იქ ყოფნაზე" - რას წერს უჩა აბაშიძის ძმა?
12:47 / 29-05-2024
ბლოგერ უჩა აბაშიძის ძმა, გოგი აბაშიძე, სოციალურ ქსელში დაკავებული ძმის შესახებ ვრცელ პოსტს აქვეყნებს. წერილში საქმის მიმდინარეობასა და ასევე დაკავებულის ამჟამინდელ მდგომარეობაზე წერს.
"მოკლედ, უჩაზე (ცოტა არეულად გამომივა - ბოდიში)
სასამართლო განხილვა ჩანიშნულია 2 ივლისს. ქმედება გადავიდა ნელ რეჟიმში. რეალურად საქმესთან დაკავშირებით სიახლეები არ მაქვს, ასევე მხარეებს ხელი აქვთ მოწერილი გაუთქმელობაზე (რომელიც როგორც ადვოკატმა აღნიშნა, ირღვევა მეორე მხარის მიერ) და საქმის დეტალებზე მოსაყოლი ინფორმაცია ცოტაა.
თვითონ უჩა უკეთაა, ნელ-ნელა დაწყნარდა, მოახერხა დარეკვა და შვილთანაც დალაპარაკება. წერილებს იღებს და ზოგად ინფორმაციას მიმდინარე პროცესებზე ცდილობს თვალი ადევნოს. თქვა, რომ ბევრი რამ ექნება მერე დასაწერი, ძირითადად ითხოვს საკითხავი ლიტერატურის და ფურცლების შეგზავნას - ვასრულებთ.
ყველას გადაეცი ფრთხილად იყვნენო. ვერ ვიტყვი რომ შეშინებული არაა, მაგრამ მგონი უფრო სხვა რამეებზე ნერვიულობს, ვიდრე იქ ყოფნაზე.
პარალელურად დაცვის სტრატეგიას ვალაგებთ და ადვოკატებთან ერთად ვყალიბდებით იურიდიულად, როგორ უნდა წარიმართოს პროცესი. ზოგადი პოზიციაა ასეთია - აშკარად მეორე მხარე ცდილობს ეს თემა პოლიტიკურად გამოიყენოს, დღესაც პარლამენტში კეთდებოდა განცხადებები, რომლებიც აშკარა ზეწოლაა მიმდინარე საქმეზე და დამნაშავედ აცხადებს ადამიანს ისეთ საკითხებში, რომლების მისთვის ბრალად წაყენებაც კი არავის მოსვლია აზრად.
თუმცა, გაუთქმელობიდან გამომდინარე დაცვის მხარეს არ აქვს საშუალება რეალურ გარემოებზე საუბრით დააბალანსოს საინფორმაციო სივრცეში მდგომარეობა. ეტყობა აწი, ეს ყველაფერი ჩქარა აღარ იქნება, ცვლილებებიც და სიახლეებიც იქნება ნელა და დროში გაწელილად და განახლებებში უმეტესად უჩას მდგომარეობაზე თუ დავწერ.
უჩას მიდგომაც ასეთია - მნიშვნელოვან საკითხებზე გადაერთეთ და ყურადღების გაფანტვის საშუალებას ამ ეტაპზე ნუ მისცემთო. თუ ვინმეს გსურთ - შეგიძლიათ ფოსტით წერილი მისწეროთ, (ადრესატად უთითებთ სახელს და გლდანის იზოლატორის მისამართს) დაგვიანებით მაგრამ მისდის - გაითვალისწინეთ, წერილი გადამოწმდება და თუ სათუო თემატიკას შეეხება, არ გადასცემენ (ასეთ დროს იდეაში წერილი უკან უნდა დაგიბრუნდეთ, თუმცა არ ვიცი, აბრუნებენ თუ არა)".
შეგახსენებთ, რომ უჩა აბაშიძე 9 მაისს საკუთარ სახლში დააკავეს. ორი დღის შემდეგ დააკავეს უჩა აბაშიძის მეუღლე, მარიამ იაშვილიც. 12 მაისს აღკვეთის ღონისძიების სახით პატიმრობა შეეფარდათ. ხოლო წინასასამართლო სხდომა 2 ივლისს ჩაინიშნა.
გამოძიება საქართველოს სისხლის სამართლის კოდექსის 157-ე პრიმა მუხლით და 236-ე მუხლით მიმდინარეობს, რაც პირადი ცხოვრების საიდუმლოს უკანონოდ მოპოვება - შენახვას და ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
